Mataafa Otoowwa a paayyota 16:41 - Mataafa Qulqulloota

⁴¹ Ishootta olliiyyi, akka Waaqa kalataysadan ka kidane, “Xoonaadi haka paraparati'i.” Hemaani isho Yidutaani ka orra pila a ata hase a reexame maxxadaasso ka taafamene eyye diishe.

Mataafa Otoowwa a paayyota 16:41 ပူးပေါင်းရင်းမြစ်များ

Mataafa Otoowwa a paayyota 12:31

Kafase a Minaase quda paka takka a Taawwiti nuqusumsissa de'e, a maxxadaasso xawwi reexxame nama kuma kudanka sette.

Mataafa Otoowwa a paayyota 15:17

Lawaata ka Hemaani inna Iyyu'eeli reexte; ka hellaasso oppaayye Asaafi inna Peraakiya ka hellaasso a sanynyeeta Meraari oppaayye Etaani inna Qusaaya reexte.

Mataafa Otoowwa a paayyota 16:34

Waaqa xoonampayta, jalalaadi nefo pirama in qapaneey, isha kalataysada!

Mataafa Otoowwa a paayyota 16:37

Akka parpaaccisnitto qara'e, akka kuyyaata piisa mina'e koda Waaqa kodane'e, Taawwiti Asaafi isho a isha quda ca'e fuula taapotase a kodayteeta Waaqa tura diishe.

Mataafa Otoowwa a paayyota 6:33

Orrase hellaasso ollin kodoose koono sene: Sanynyeeta Qe'aatippa saara sammaareta Hemaani; sanynyeeta a toolaadi nefo sene: Hemaani inna Yu'eeli, Yu'eeli kan inna Saamu'eeli

Mataafa Otoowwa a lammatta 20:21

Ka ete samayta olli oorsade kammaayye, sammaarewwa xela turadesa aana ka Waaqa sammara ka qoota qulqulluma ulfeenaaditi desa saarsha ka kida'e, “Waaqa kalataysada, jaalalaadi haka paraparati'i kallaanniiy” kite.

Mataafa Otoowwa a lammatta 5:13

A kaasa dawna isho a sammarra ka takka koden ka nessa takkan Waaqaaysho kalataysaden ka saarshen. Ka kaasa dawen ka sokojkoja isho meeha a kirpa a pilaatin nessaaysho kuttishen ka Waaqa kalataysanni ka dawni ka kiini, “Isha xoonampayta, jaalalaadi nefo pirama in qapan.” Sitiiyyi urratta ka tikase a qulqulloota a Waaqa kela immake.

Mataafa Otoowwa a lammatta 7:3

Isira'eeleta piisa akka apitta lekkade ulfeena a Waaqa ka tikase a qulqulloota qara caade ete akkiteeyye, dakadda afame qara'e kilpiippite ka fuula piitan kayte ka sakatatte; ka Waaqa kalataysanni ka kiini, “Isha xoonampayta, jalalaadi nefo pirama in qapan.”

Mataafa Isira 3:11

Ka ulfeena Waaqati' sammaren ka kidene, “Ha Waaqa xoonampayta, jaalala a Isira'eeli' qapa' nefo pirama in qapan.” Qoota kiritta a tika qulqulloota a Waaqa' katama paayye malla, nama piisa ka fayya ililiwni ka Waaqa kalataysanni.

Mataafa Isira 8:20

Ishootta maliiyyiiw orra aappadaasso a xatta Lewaata qaarqaarraane a nuqusase Taawwiti isho taanynyada isha quda ca shuumen, a tika qulqulloota kela koda koona dippa lakki ka kunda lakki ca ka maxxa maxxan masakapamen.

Mataafa Masmuureta 103:17

Xoona Waaqa' xoori, orra isha tura fuurro'e, haka paraparati'i caanni; hanqeellumaadi nefo haka xelta oopadda ka a opoppaatti tuullini.

Mataafa Masmuureta 106:1

Waaqa kalataysada, Waaqa ipaxaariiy, kalataysada! Xoonaadi haka paraparati'iy.

Mataafa Masmuureta 136:1

Waaqa kalataysada ishi' daassampaytaay; xoonaadikan haka paraparati'iy.

Mataafa Masmuureta 39:1

Anti in kide, “Akkan afaayyon juppoota an koonini'i, saantiyyon tooytada; ka oto ukkuttowwa ana kapa caaneeyye, afaappa' luukama kalsada.

Mataafa Masmuureta 77:1

Anti nessiyyon kuttishe ka Waaqopa ullupe; ka Waaqopa ullupade ikka napahataadi anopa oorshe.

Xuuma Ermiyaasi 33:11

Waaqa ikiini, “Nessa xasa ka a xasootta ka nessa a kirpa hemitta ka nessa orra oto kalisoota kalataatin tika Waaqa opa deenooyye ka dawanno ka kiino, ‘Waaqa xoonampaytaay, diissataadi kan haka paraparati'iy, Waaqase we piisa ettaninno kalataysada’ Ka dakaada; maana malla anti paxaarumtase xaaysho a xatta'en ishootta' oorshay.”

Xuuma Hisqeeli 40:44

Sekamma isha ka paapahase karan co karopa anan kulle; eeyye kara tikka lakki ka caan; tika a xarrase a oxintati qinda qutattatin kitto ka fuulaadi qinda tupatta opa oorisse; a xarraseti qinda tupattatin kitto ka fuulaadi qinda qutatta opa oorisse.

Mataafa Dikoota 1:17

Muuse isho Arooni ka sene a maxxadaasso halaamene isi quda qeeden;

Luqaasi 1:50

Waaqa orra isha fuurro piisa'e, xelte desa xeltopa diissataadi tuullinni.