Mataafa Otoowwa a paayyota 16:4 - Mataafa Qulqulloota

⁴ Taawwiti ka akka taapota Waaqa turan desa koda kodane'e ka Waaqa Poqalla Isira'eeli saarshan ka kalataysadan ka ulfeessane'e, Lewaatoppa orra shuume.

Mataafa Otoowwa a paayyota 16:4 ပူးပေါင်းရင်းမြစ်များ

Mataafa Uumata 17:7

“Otantiyyo isho a xaayti oppa'e ka a sanynyeetaayti ka xelta a deenitto piisa oppa'en haka paraparati kodayteetiyyo qaatisha. Sede nefo, ke ka sanynyeetaayti piisa'en Waaqa kodda.

Mataafa Uumata 32:28

Namase ka ishi' kide, “Amma desa maxxaayti Yayqoopi in kidamo. Atti' qoota Waaqa ka nama sootte ka putte malla, maxxaayti ‘Isira'eeli’ kidama.”

Mataafa Uumata 33:20

Ka eeyye pora qara' kalisoota Waaqa' kalsho kode. Ka maxxa ishi' kode ka kide, “Eli eloohe Isira'eeli.”

Mataafa a Nuqussa a paayyota 8:15

Ka kide, “Aappinno Taawwiti kippeeta afaadin daashe harkaadinni dikkishe. Waaqa Poqalla Isira'eeli a kalataysamo. Ha isha ikide,

Mataafa Otoowwa a paayyota 15:16

Taawwiti ka akka Lawaata issi oppaayye orra masmuureta dawo reexatto ikka kehayta ka pekena isho sokojkojaan nessaaysho kuttishan ka xasan dawadane'e, saarra Lawaatati lele.

Mataafa Otoowwa a paayyota 16:3

Ka sekkammaayye a diirta ka iskatta in kiinin maliiyyi Isira'eeleta piisa'e laaqqota takka takka ka wayneeta takka takka ka so'a himinta takka takka qoote.

Mataafa Otoowwa a paayyota 16:5

Saaraaysho Asaafi, a isha kamma saaruman co Sakkariyaasi, ishootta kelaayyeew, Yi'i'eeli ka Shemiiramooti ka Yihi'eeli ka Matitiya ka Eli'aapi ka Pennaya ka Opeeti'etoomi isho Yi'i'eeli akka kehayta isho pekena dawane'e reexamen; Asaafi ka sokojkoja dawni.

Mataafa Otoowwa a paayyota 16:8

Waaqa kalataysada; ka maxxaadi hala; ka wa kode samayta piisa torra!

Mataafa Otoowwa a paayyota 24:3

Taawwiti ka sanynyeeta Ali'asaari oppa Saatooqi qeede ka sanynyeeta a Itaamaari oppa Apemeleki qeede ka qaarqaarsayshotinni sanynyeeta Arooni koda qara kite.

Mataafa Otoowwa a paayyota 25:1

Taawwiti isho saarra xelaadi a oranna ka akka pekena ka kehayta isho sokojkojaan wa Waaqa ishootta daashe dawane'e, opanka kelaayye hawsishane'e hellaa Asaafi ka a Hemaani isho a Yidutu oppaayye orra reexe ka kite. Orra kodoose kodo nefo maxxadaasso sene:

Mataafa Otoowwa a paayyota 6:31

Ete taapota eeyye pora qapatte kammaayye, orrase a Taawwiti akka saarra sammaarewwa koddane'e tika Waaqa kara reexe sene.

Mataafa Otoowwa a lammatta 5:13

A kaasa dawna isho a sammarra ka takka koden ka nessa takkan Waaqaaysho kalataysaden ka saarshen. Ka kaasa dawen ka sokojkoja isho meeha a kirpa a pilaatin nessaaysho kuttishen ka Waaqa kalataysanni ka dawni ka kiini, “Isha xoonampayta, jaalalaadi nefo pirama in qapan.” Sitiiyyi urratta ka tikase a qulqulloota a Waaqa kela immake.

Mataafa Isira 3:10

Ete orrase tika qulqulloota a Waaqa qupno kiritta kata paayyeeyye, qeesewwa mehaddaasso a qeesuma'e kalsaden ka kaassa a dawnaane harkaappa' qapaden. Lewaata a sanynyeeta Asaafi koddite kuli ka sokojkoja qapatte ka oli kamman desa qa'atte ka aatasene a xatta a sapana nuqusase a Taawwiti qara'e masmuuretan Waaqa kalataysaden.

Mataafa a Nehimya 12:24

Lewaata a saaruma a Hashaapiya ka a Sherepiya ka a Iyyaasu ka a Pinuuyi isho a Qatimi'eelinni kita lakki qootamte. Ka ajaja a namase a Waaqa a nuqusase Taawwiti ajaje qara'e oli mina desa qa'anni ka masmuureta kalata' daweetan Waaqa kalataysanni.

Mataafa Masmuureta 103:2

Napseetiyyo Waaqa kalataysado; ka paxaarumta a ke' kode takka nefo in teyman.

Mataafa Masmuureta 105:5

Ishina sanynyeeta Aprihaami a orxayta Waaqa' koddeetiiyyi, ishina hellaa Yayqoopi isasene a Waaqa reexadeetiiyyi, kodaddasene a Waaqa kode orra qawwanna ka daxxowwasene' xaadi isho dukaata mureetaadi matte oorsada.

Mataafa Masmuureta 106:48

Haka paraparati'i, Waaqa Poqalla a Isira'eeli a kalataysamo; samayta piisa ka kido ameen! Haalle luuyya.

Mataafa Masmuureta 37:1

Aneequmta koona' minan antanoodan; ka ukkuttowwa minan yoota an qapnaadan.

Mataafa Masmuureta 70:1

Oo Waaqqo, anan pahe! Oo Waaqqo, jarjare ka ana qaarqaare!

Mataafa Masmuureta 72:18

Maxxa Waaqa Poqalla, Waaqase a Isira'eeli, isase xawwaati daxxowwa koono, a kalataysamo!