Mataafa Otoowwa a paayyota 13:6 - Mataafa Qulqulloota

⁶ Taawwiti isho Isira'eeleta piisa ka taapotase a kirupeelewwa lakki qara caan a Waaqa Poqalla qara kutiino, maxxaadi ka ishin halaame qeeda'e Yihuta kara katamasene a Pa'aala Qiiriyatiyi'aarmi kidamma opa aanen.

Mataafa Otoowwa a paayyota 13:6 ပူးပေါင်းရင်းမြစ်များ

Mataafa a Nuqussa a paayyota 8:16

‘Kuyyaata an ishiiyyi samaytiyyo a Isira'eeli Kipsi kara sookshe paayyatte akka tika qulqulloota ana qupan maxxiyyo ka kara halaamo'e, katamadda kaffa Isira'eeli oppaayye takka nefo an reexanne. Ma akka samaytiyyo a Isira'eeli qara nuqusummo'en Taawwiti reexade.’

Mataafa a Nuqussa a lammatta 19:15

Ka Waaqopa qinsade ka kide, “Oo Waaqa! Waaqadda Isira'eeli ke alkaatti a kirupeelewwa qaropeela ca qara kuti'e, mankistewwa piita piisa qaraayye ke pattan Waaqa ka piita isho moonta uumte.

Mataafa Masmuureta 80:1

Oo ke a xelloota kahirra' mina Yoosefi marraano sikmayta Isira'eeliti ino dakaye; oo ke a otanta kirupeelewwa kara' kuti'e la'aye.

Mataafa Masmuureta 99:1

Waaqa inuqusumeey, samayta a piita a xaro; isha kirupeelewwaayye otantoppa kalaay, piita a lelleehto.

Mataafa Sooketa 20:24

Dooqqetoppaayye pora kalisoota ana koda ka qara'e laahadda ka qolpaya isho xormada qala ka kalisoota a kupannitto isho a takkumtati koda ka kalsha. Akka maxxiyyo matte oorsatamo'e, pora an reexade piisa oppopan de'a ka ishina sakaay.

Mataafa Sooketa 23:21

Isheetta dakaye ka afaadi ajajame ka isheetta an falqan; qoota maxxiyyo isheetta qara co malla, ishin dapaytaayti ke in diissooy.

Mataafa Sooketa 25:22

Taapotase qaraayye dufanasene a diisata arta a kirupeelewwosene lakki kara co qara'en ke akka; ka ke' haasawada ka ajajase an hella Isira'eeliti qapo, ke' daasha.

Xuuma Issayyaasi 37:16

“Oo Waaqqo ke a we piisa ettaninno, Waaqa a Isira'eeli, a kirupeelewwa qara' kuti'e, ke pattan Waaqa ka atti' patta mankistewwa a piita' mukinni ka piita isho moonta uumte.

Mataafa Dikoota 6:27

Ishootta saantosetinni samayta Isira'eeli qara maxxiyyo halan; anti ka ishootta saka.”

Mataafa Dikoota 7:89

Muuse ete Yaahiwwe olli haasawatta'e tukkanase a Waaqa kelopa kulleeyye, porase a diissata, taapotase a maakkuma qara co oppeela, otanta kirupeelewwasene lakki karadesa, nessa ishi haasawanni ikka dakaye ka olli haasawade.

Mataafa Iyyaasu 15:60

Ka qudeew katamadda Qiriyaatipaali taaki Qiriyaatiyi'arimi isho Raapa kidamma lakki ka caan. Ka kantada kapandesa ca kuli karopaaw qapanni.

Mataafa Iyyaasu 15:9

Ka kuuta irrootositi qara xaani ka ella Neftoha kayni. Ka katamaddasene irroota Efrooni qara ca oppopa sookini ka qinda Pa'aalla taaki Qiiriyaatiyaarimi opa qeppini.

Mataafa Iyyaasu 9:17

Hellaasene a Isira'eeli ka aanen ka kuyyata sessa kamma katamadda a orroositi isasene Kepa'ooni ka Keffira ka Pi'erooti ka Qiriyaatiyaarimi kidamma oppa kayen.

Mataafa Saamu'eeli a paayyota 4:4

Samayta ka Seelopa orra erke. ikka taapotase a kodayteeta Waaqa a we piisa ettaninnooti a isase kirupeelewwa otantoppa'e ulfeenan kuti'eti eeyye qeede. Hellaasene a Eeli lakki Hofini isho Finihaasi nefo taapotase a kodayteeta Waaqa olliiyyiiw eeyye caan.

Mataafa Saamu'eeli a paayyota 6:21

Ka oori orra katama Qiriyaatiyaarimi oppa kalo kapopa orra erken ka kidene, “Filisteemeta itaapota Waaqa oorisseey, lekkada ka opeela qeedada.”