Mataafa Otoowwa a paayyota 11:5 - Mataafa Qulqulloota

⁵ Ka Taawwiti kiite, “Pakkanna arepa a kullito!” Taawwiti xoori mishshikeeta a katama Siyyooni qara pire; isheetta ka “Katama Taawwiti” kidamte.

Mataafa Otoowwa a paayyota 11:5 ပူးပေါင်းရင်းမြစ်များ

Mataafa Saamu'eeli a lammatta 5:9

Taawwiti ka kawwattase a Siyyooni kara kallaade ka isheetta kide, “Katama Taawwiti.” Ka piitase teettamte desa paayye ka katamasene kapa kawaattan qorre.

Mataafa Saamu'eeli a lammatta 6:10

Seminan Taawwiti taapota Waaqa qeedeeta ka katamaadipan kaleeta in faane. Se kapaayye tika a Keettittase a Opeeti'etoomipanne kale.

Mataafa Saamu'eeli a lammatta 6:12

Ikka Taawwiti lelen ka kidene, “Ha taapotaadi minan Waaqa toola Opeeti'etoomi isho wa qapane piisa'e sake.” Taawwiti ka oori aane ka tika Opeeti'etoomiiyyi taapotase a Waaqa qeede ka katamaadipa xasan kalshe.

Mataafa a Nuqussa a paayyota 8:1

Selemooni ka akka katamasene a Taawwiti a Siyyooni karaayye taapotase a kodayteeta Waaqa qeedane'e qimoota Isira'eeli ka saarra a kaffa isho mattiyya toolla Isira'eeli piisa Yursaalamipa iskapopa hale.

Mataafa Otoowwa a paayyota 11:4

Taawwiti isho Isira'eeleta piisa ka Yursaalamise “Iyyapuusi” Kidammitto opa tuulen; sitiiyyi Iyyapuusata piisse oppaayye kala.

Mataafa Otoowwa a paayyota 11:6

Taawwiti ka kide, “A paayyota Iyyapuusatoppa ikassa paayyo, saara xela oranna'e kodda.” Iyyo'api inna Seeruyya ka paayyota tuule ka saara xela oranna kodde.

Mataafa Otoowwa a paayyota 11:7

Sekkammaayye Taawwiti ka kawwattase kara kallaade; ikka semmalla “Katama Taawwiti” kidamte.

Mataafa Otoowwa a lammatta 5:2

Sekkammaayye Selemooni ka akka taapotase a kodayteeta Waaqa Siyyooni katamasene a Taawwitiiyyi qeedane'e, qimoota Isira'eeli ka mattiyya a toolla isho saarra a kaffa piisa Yursaalami karopa ollopa hale.

Mataafa Masmuureta 122:5

Suufaanadda a tika nuqusa a Taawwiti ka darta ka dukaata mura'e, eeyye' qaanni.

Mataafa Masmuureta 132:13

Waaqa Siyyooni reexadeey, ka akka poraadi a kallaata koddito xajeeleey.

Mataafa Masmuureta 2:6

Ka ishootta' kiini, “Anti irrootase' xayyo qulqullaawte a Siyyooni qara'en nuqusiyyo shuumade.”

Mataafa Masmuureta 48:2

Irrootase a Siyyooni kara qutattatin kitto, a kuttumaadi isho paqaarumtaadi orra qawwannaan, piita piisa ka ishin xasoonnitto, isheetta katama a Waaqase kuttati.

Mataafa Masmuureta 78:68

Sekapaayye kafa Yihuta isho irrootase a Siyyooni a jaalade reexade.

Mataafa Masmuureta 87:2

Waaqa, tikka Yayqoopi qaran qapto'e xarrada a Siyyooni'i jaalanni.

Mataafa Masmuureta 87:5

Qoota Siyyooniti desa opanka kidane; “Namoose are co ka disi co kuli isheetta kara'ew daladen; Waaqase' piisa qara qapo ka mattaadi isheetta kokkonnaysha.”

Mataafa Masmuureta 9:11

Waaqase Siyyooni qara kalo'e, masmuureta a kalata' dawada; ka samayta tura' kodaadi salisha.

Roomi 9:33

Sede nefo akkimase a taafamte ka kiinitto, “Tin anti, daka orra kehaytinnon Siyyooni' xaaya. Dakase' nefo, shila orra kehaytinno ka kanno. A isha amanno xoori, in jeero.” Mina'e asse koddite.

ipro 12:22

Ishina' xoori irroota Siyyooni kapopa idehaatten isheetta nefo Yursaalami a moonta; katamasene a caattampayta Waaqa ka erkampattoowwasene kumadda lekaya kapa' dikamma xasan ollopa aane kapopa dehaatten.

Keleshaata 14:1

Sekkammaayye, tin laahase ka irroota Siyyooni qara qa'ade anka akke. Isha olliiyyi nama kuma dippa kunda afuri afuri a maxxaadi isho maxxa aappaayshoti miintoppa ishootta taafame ka ca.

Mataafa Taanynyada 19:10

Lawittase xoori awse eeyye muka in faane; isha ka lammitteetaadi isho orxaytase xaadi ka harrewwasene lakki fee'ade ka anta xa'en; ka ete annaaneeyye katamasene Iyyapuusi kidamma a Yursaalami kapa kayen.

Mataafa Saamu'eeli a paayyota 17:26

Taawwiti ka orra isha kapa qa'ade kide, “Nama Filisteemittose ishsho ka jeerose Isira'eeli kamma jaqo'e, maana kodan? Ata allu Filisteemittose dawra qara in murannin ayno ka xeloose a oranna a caattampayta Waaqa asse kojeessini?

Mataafa Saamu'eeli a paayyota 17:36

Ana orxaytaayti karma ka tipi kulin ishsheey, Filisteemittase dawre qara in murannin, xela oranna a caattampayta Waaqa'e kojeesseey, a pinaanosene oppa a takka mina kodda.”