Mataafa Otoowwa a paayyota 10:4 - Mataafa Qulqulloota

⁴ Saa'ooli ka xayyoolaytase isha kela meeha oranna haano kide, “Akka sene dawra qara in murannini in deenin ka anoppa in kahannini, attiw koraatetaayti yukado ka kela ana pire.” Ma xoori xayyoolayse isha kelaayye meeha oranna haano a kuttati fuure ka tiite. Saa'ooli ka koraateta mattaadi'iw qeede ka qara pi'e.

Mataafa Otoowwa a paayyota 10:4 ပူးပေါင်းရင်းမြစ်များ

Mataafa Saamu'eeli a lammatta 1:20

Tuparra Filisteemi akka in xasoonnini'i tuparra orra dawra qara in murannin ka in ililiwnini'i otootose katama keettiti in torran umma porra Asqeloona oppa in salishan.

Mataafa Saamu'eeli a lammatta 1:6

xayyoolaytase ka ishi' kide, “Anti xayyooyyen irroota Kilpo'a qara ca. Saa'ooli ka oranaadi quda teesade kaarreetta oranna isho xela fartan torpino ka isha qaatqaate.

Mataafa Saamu'eeli a lammatta 17:23

Akitofeeli akkima sullaataadi olkela ishi in teynin ete akkeeyye, harreetaadi fe'ade ka qara fayyade ka katamaadippopa tikopa alle kale ka toolaadi kodeeta kode ka isi siibshe ka to'e. Ka hawla aappaayshoti oppa hawlame.

Mataafa a Nuqussa a paayyota 16:18

Semiri akkima katamasene qapamene akke ka kawwattase tika mankisteeta kapa kitto karopa kulle ka tikase a mankisteeta oppa apitta qape ka kara to'e.

Mataafa Otoowwa a paayyota 10:3

Qinda Saa'ooli conne oranase ka Saa'ooli qara kokkonnaade. A paantan pokna ka isha akken ka a kuttati isha qaren.

Mataafa Otoowwa a paayyota 10:5

xayyoolaytase isha kela meeha oranna haano ete akkima Saa'ooli to'e akkeeyye, isha kuli koraateta mattaadi qara'e pi'ew ka isha kapa'ew to'e.

Kodampaya 1:18

Ma xoori namoose kaaja a kodaadi a neeqatinni piita pidde ka piisse oppa fuulan piita' de'e ka otantan xata kaamade; marqina ka kara qiten.

Kodampaya 16:27

Tooytampaytase, ete mukitta oppa impase ka akka xarrada a tika hida piisa panamen akkeeyye, a orrase hidame tawe ishi pahanaatte ka ikka isi ikassa koraateta yukade.

Mataafa Taanynyada 15:18

Sekkammaayye, Somsooni ka akata deepode; ka Waaqopa ullupade ka kide, “Putayma asse kutta'e harka orxaytaayti oppa daasseey, hela xawwi assen deepottan to'a? Ka harka Filisteemeta a dawra qara in murannini oppa pi'a?”

Mataafa Taanynyada 16:21

Filisteemeta ka isha qapte ka ilda lakki piisa kara qotte; ka katama Kaasa opa ishin kalte ka sansalaata siplatin isha hiite ka akka tika hida kara desa yooqa yooqo koote.

Mataafa Taanynyada 9:54

Isha ka jarjartan xayyoolayta meeha a oranna isha kela haano kide, “Akka orra in kiinini'i ‘Iskatta isha ishshe malla,’ koraatetaaytin alle kela ana pire.” xayyoolaytase ka koraatetan isha dote ka ishshe.

Mataafa Saamu'eeli a paayyota 14:6

Yonataani ka isase isha kela meeha orana haano kide, “Waaqa ino' torpa in diishooy, xooye ka safarose a sene dawra qara in murannin oppopa tuullina. Xela oranna lekayta taaki shakkaya qudan koddite, orran paheeta'e, Waaqa wa isha tura qapna in caaneey.”

Mataafa Saamu'eeli a paayyota 17:26

Taawwiti ka orra isha kapa qa'ade kide, “Nama Filisteemittose ishsho ka jeerose Isira'eeli kamma jaqo'e, maana kodan? Ata allu Filisteemittose dawra qara in murannin ayno ka xeloose a oranna a caattampayta Waaqa asse kojeessini?

Mataafa Saamu'eeli a paayyota 17:36

Ana orxaytaayti karma ka tipi kulin ishsheey, Filisteemittase dawre qara in murannin, xela oranna a caattampayta Waaqa'e kojeesseey, a pinaanosene oppa a takka mina kodda.”

Mataafa Saamu'eeli a paayyota 31:4

Saa'ooli ka xayyoolayse isha kela meeha oranna haano kide, “A sene dawra qara in murannini ana ishshan ka anoppa kahadan kapa; atti koraatetaayti yukado ka alle ana ishshe, isha xoori ifuure ka isha ikassa tiite. Saa'ooli ka qarta koraatetaadi iskelopa oorshe ka qara pi'e.