തീത്തോശ് 3:2 - പുതുവൻ ചേതി

² ആരളപ്പത്തീം കുത്തമെ ചൊല്ലാതേം കലകമെ ഒണ്ടാക്കാതേം കെവുനമൊള്ളവേരാളായും മനശലിവൊള്ളവേരാളായും ഇരുക്കോണുമൊൺ ചൊല്ലി നിനയ്‌ക്കെ വയ്‌ക്കോണും.

തീത്തോശ് 3:2 ပူးပေါင်းရင်းမြစ်များ

മത്തായി 11:29

ഏൻ എളിമേം ഇതയത്തിൽ ഇരക്കമും ഒള്ളാനാലെ എൻ ഉവതേശമെ പാലിച്ച് എൻകാൽനുൺ പടീനിൻ; ഒണ്ണാ നിങ്കെ ആത്തുമാവുകാട്ടുക്ക് നിമതി കിടയ്‌ക്കും.

അപ്പോശ്‌ത്തലര് തെയ്‌വ വേലെ 23:5

അത്തുക്ക് പവുലോശ്, “ഇശ്‌രവേലിലെ അണ്ണൻ തമ്പിയേരേ, അവ്വാൾ വലിയെ വലിയെ പൂയാരി ഒൺ എനക്ക് തിക്കിനാപ്പോയെ; തെയ്‌വ വശനത്തിൽ ഇകനെ ചൊല്ലിയിരുക്കിനെ, ‘നിങ്കെ വലിയെ വലിയോരുകാടെ നിച്ചനാതെ ചൊൽവാനില്ലെ’” ഒൺ.

1 കൊരിന്തിയര് 6:10

കളവാണികെ, പഞ്ചതൂതരുകാട്, കുടികാറാ, തിശകെട്ടെ കാരിയമെ ചൊല്ലി നടക്കിനവേരാ, പുടിയ്‌ങ്ക് എടുക്കിനവേരാ ഇകത്തവേരായെല്ലാം തെയ്‌വ രാച്ചത്തുക്ക് അവകാശികെ ആകാത്ത്.

1 കൊരിന്തിയര് 9:19

ഏൻ ആരുക്കും അടിമയില്ലെ; ഒണ്ണാലും അനേകമാളുകളെ നേടിളത്തുക്കുചൂട്ടി ഏൻ എന്നമേ എല്ലാരുക്കും അടിമെ ആയ്‌ക്കിരുക്കിനെ.

2 കൊരിന്തിയര് 10:1

നിങ്കളെ കാണവോളെ എളിമയാനവനും തുലേൽ ഇരുക്കിനവോളെ തയിരിയവാളിയുമാനെ പവുലോശ് ഒണ്ണെ ഏൻ കിരിശ്‌ത്തുവിലെ എളിമേലും ഒറുപ്പിലും നിങ്കകാൽ ചൊന്നെ.

2 കൊരിന്തിയര് 12:20

ഏൻ വരിനവോളെ എനക്ക് പുടിയാത്തെ നിലേൽ നിങ്കളെ കാണുമൊണ്ണും നിങ്കാക്ക് പുടിയാത്തവോലെ എന്നെ കാണുകേം ചെയ്‌വനോ ഒൺ ഏൻ പേടിക്കിനെ; പിണക്ക്, പുറണി, കോപം, പിന്നിപ്പ്, കുത്തമെ ചൊൽകെ, കുശുകുശുപ്പ്, വീമ്പ്, കലകം ഒണ്ണതുകാട് ഒണ്ടാവനോ ഒൺ എനക്ക് പേടിയൊണ്ട്.

കെലാത്തിയര് 5:22

ഒണ്ണാ തെയ്‌വ ആത്തുമാവിൽ നുൺ പുറപ്പടിനത് അങ്കോട്ടുക്കുമിങ്കോട്ടുക്കുമൊള്ളെ ആത്തിരം, പിരിയം, അമതി, പൊറുപ്പ്, ഇരക്കം, കയ് അശഞ്ച് കൊടുക്കിനത്, നമ്പ്,

കെലാത്തിയര് 6:1

ഇണങ്കരേ, ഒരു മനിശൻ ഏളതൊണ്ണാലും പാപത്തിൽ അകപ്പട്ട് പോയതൊണ്ണാ തെയ്‌വ ആത്തുമാവിൽ ചൊൽപ്പടീക്ക് നടക്കിനെ നിങ്കെ അവനെ എളിമയാ പാപത്തിൽ നുൺ തിരുപ്പി കുടക്കോണും; നീയും അം പാപത്തിൽ ബൂന്തോകാതെ ഇരുപ്പേക്ക് ചൂതാനമാ ഇരുന്തോകോണും.

കെലാത്തിയര് 6:10

അതുനാലെ ഉതവിയെ ചെയ്‌കേക്ക് കിടയ്‌ക്കിനെ നേരമെല്ലാം നങ്കെ എല്ലാ മനിശനുക്കും നൽമെ ചെയ്യോണും; മുയ്‌ക്കമാ കൂട്ടത്തിൽ നമ്പിക്കേൽ ഇരുക്കിനവേരാക്ക്.

എപേശിയര് 4:2

എപ്പേരുപ്പട്ടെ അടക്കത്തിലും ഒതുക്കത്തിലും പൊറുപ്പോടെ ഇരുന്ത് ആത്തിരത്തോടെ അക്കുമിക്കും മന്നിച്ച് നടേനിൻ.

എപേശിയര് 4:31

എല്ലാ വുറോതമും കിരുക്കും കൂശും മോശമായ് ചൊന്നതാം നാത്തതെ ചൊല്ലി നടക്കിനെ ഏളെ പുത്തികാടും നിങ്കളെ വുട്ടു പോകട്ടെ.

പിലിപ്പിയര് 4:5

നിങ്കാക്കിരുക്കിനെ എളിമെ എല്ലാരുക്കും തിക്കിനൊണ്ടാകട്ടെ; കരുത്താവു വരുകേക്ക് ആയിരുക്കിനെ.

1 തെശലോനിയര് 2:7

ഒണ്ണാ ഒരു തള്ളെ ഉടയാ കുശന്തെ പുള്ളകാടെ പാരാട്ടിനവോലെ എങ്കെ നിങ്കളും മത്തും ഇരുന്തവോളെ എപ്പേരുപ്പട്ടത്തിൽ ആത്തിരത്തോടെ ഇരുന്തെ.

1 തിമോത്തിയോശ് 3:11

അതുവോലെ അവറെ പെണ്ണാകാടും ഇനിയൊള്ളവേരാളിൽ നുൺ ബൊകുമാനം ഒള്ളവേരാളും പുറണിയെ ചൊല്ലി നടകാത്തവേരാളും പെട്ടൊൺ കൂശോറാത്തവേരാളും എല്ലാത്തുക്കും എല്ലാരുക്കും നമ്പുകേക്കാനാളുമായിരുക്കോണും.

1 തിമോത്തിയോശ് 3:3

കുടികാറനോ അടി പുടിക്കാറനോ ആവാനില്ലെ; നിമതി ആശിക്കിനാളും ആരുകാലും കലകിയാത്താളും ചൊത്ത് ചുമുത്തിരത്തുകാക്ക് ആശേ വയ്യാത്താളും ആകോണും.

ആക്കോവ് 3:17

തെയ്‌വം കൊടുക്കിനെ അറിവ്, മുതെ ചുത്തമും പിന്നെ നിമതീം എളിമേം ഇനിയൊള്ളവേരാ ചൊന്നതെ കോപ്പേക്ക് മനശെ വയ്‌ക്കിനാളും എപ്പേരുപ്പട്ടെ പിന്നിയമൊള്ളാളും എല്ലാരുക്കും നല്ലതെ ചെയ്‌വേക്കൊള്ളെ മനശൊള്ളാളും ഏളെ മനിശനാം പുറിച്ച് കാണാത്താളും കള്ളത്തരം നാത്തതുമായിരുക്കും.

ആക്കോവ് 4:11

എനക്ക് പിരിയമാനവേരാളേ, നിങ്കെ അക്കുമിക്കും കുത്തമെ ചൊല്ലി നടപ്പാനില്ലെ; നിങ്കെ അക്കുമിക്കും വിരുമ്പോണും ഒൺ തെയ്‌വത്തിലെ നായപുറമാണം ചൊല്ലിയിരുക്കിനെ. അതുനാലെ നിങ്കെ നുമ്പികാടമോ നുമ്മേൻമാരമോ നിങ്കെ തിശനാത്തതെ ചൊല്ലുകയോ കുത്തമെ ചൊല്ലുകയോ ചെയ്യാ തെയ്‌വത്തിലെ നായപുറമാണമതാൻ നിങ്കെ നിച്ചനാതെ ചൊന്നതും കുത്തമെ ചൊല്ലുകേം ചെയ്യിനത്. നീ തെയ്‌വത്തിലെ നായപുറമാണത്തിൽ ചൊല്ലിയിരുക്കിനെ കാരിയങ്കാടെ കുത്തമിടിനതൊണ്ണാ നീ അതെ മീരി നടക്കിനാതാൻ. തെയ്‌വത്തിലെ പുറമാണമക്കാട്ടി വലിയവൻ ഒൺതാൻ നീ നിന്നമേ നിനയ്‌ക്കിനത്.

1 പത്തിരോശ് 2:1

നിങ്കെ പുതുവനായ് പുറന്ത് ഇരുക്കിനതുനാലെ വോറെ വേരാക്ക് കറുമം വരുകേക്ക് നിനയാതേം ചതിവെ കാട്ടാതേം കള്ളംകവടമെ കാട്ടാതേം കുശുമ്പെ ചൊല്ലി നടകാതേം വോറെ വേരാളെ മാനമെ കെടുത്താതേം

1 പത്തിരോശ് 3:10

തെയ്‌വ വശനത്തിൽ എളുതിയിരുക്കിനത്, “പിശപ്പിൽ പിരിയമാ ഇരുക്കുകേം നല്ലെ കാലമെ കാൺമ്പേക്ക് നിനയ്‌ക്കുകേം ചെയ്യിനവൻ നാശമെ ചൊല്ലി നടകാതേം നരിയെ ചൊല്ലാതേം ഇരുക്കോണും.

1 പത്തിരോശ് 3:8

എല്ലാരുക്കും ചേത്ത് ചൊന്നത്, നിങ്കെ മൊത്തമാ ഒത്തുമേൽ പിശയ്‌ക്കുകേം കനിവെ കാട്ടുകേം കൂടപ്പുറപ്പുവോലെ പിരിയമാ ഇരുക്കുകേം മനശലിവൊള്ളവേരായായി ഇരുക്കുകേം എളിമെ കാട്ടുകേം ചെയ്യോണും.

1 പത്തിരോശ് 4:4

ഒണ്ണാ ഇപ്പെ നിങ്കെ അവറകാൽ ചേരാത്തതുനാലെ അവറെ അരിശുകപ്പട്ട് നിങ്കളെ വെക്കം കെടുത്തി ചൊല്ലും.

2 പത്തിരോശ് 2:10

തിശകെട്ടെ വേരാളെ നായവിതിനാ തണ്ടനെ ഇടുകേക്കുചൂട്ടി പുറിച്ച് വയ്‌ക്കുവേക്കും കരുത്താവുക്ക് തിക്കിനൊണ്ട്. നരിയെ പടിയ്‌ക്കെ വയ്‌ക്കിനെ ഇം ആളുകെ പേടിനാത്തവേരാളും തൻകൊണ്ടീക്ക് നടക്കിനവേരാളുംതാൻ. അവറെ തെയ്‌വം നീമിച്ചെ അതികാരങ്കാട്ടുക്ക് ബൊകുമാനമെ കൊടാതെ മാനം കെടുത്തിനെ.

ഊതാ എളുതിയെ എളുത്ത് 1:10

ഒണ്ണാ ഇം ആളുകെ ഉടവുറാത്തുക്ക് തിക്കിനാത്തെ കാരിയമെ പത്തിയെല്ലാം കുത്തമെ ചൊന്നെ; അവറെ പുത്തിനാത്തെ ചീവാതികാടുവോലെ ഉടവനുക്കേ തിക്കിനൊണ്ടായെ കാരിയത്തിൽ ഉടവനമേ നാശമാക്കിനെ.

ഊതാ എളുതിയെ എളുത്ത് 1:8

ഇകനയേതാൻ നൂണ്ടു വന്ത് തിശനാതെ പടിയ്‌ക്കെ വയ്‌ക്കിനവേരായാനെ ചേരളും; തങ്കെ കനാവെ കണ്ടെ ഒൺ അവകാശപ്പട്ട് തങ്കെ ഉടമ്പുകാടെ മോശമാക്കുകേം കിരിശ്ത്തുവു അതികാരമെ വുട്ടൊറീകേം തെയ്‌വ തൂതരുകാട് മകിമകാടെ കുത്തമെ ചൊൽകേം ചെയ്യിനെ.