Zefaniya 3:20 - Amazwi Yakwe Leza 2013

²⁰ Pa nsita ilya indamukonganika, nu kumuwezya ku mwinu. Ndaleka mulumbuke nu kuya alongo, pakasi ka antu amu mitundu yonsi ya pano nsi. Ndamuwezezya uwene winu mule mukulola.” Avino Yawe wavwanga.

Zefaniya 3:20 ပူးပေါင်းရင်းမြစ်များ

Masamu 35:6

Umu nzila yao muno yakupita, namo mufite fititi, nu kutelepa mutelepe lino umungeli wakwe Yawe afumile akuyasimuzya!

Ezaya 56:5

lyene ndamupeela icintu cimwi cizipisye ukuluta na pikwata lya ana aonsi na anaci. Akuli kuti nemo ndaleka amazina inu yakasyale mu ng'anda yane, yakasyale nu ku antu yane. Ali kuti yace yaiusya pee ukwaula kufutikwa.”

Ezaya 56:8

Anene ne Yawe navwanga. Nene kwene nemuno nafumizye antu yane aina Izlaeli mu uzya nu kuyawezezya kumwao. Nalaya nu kuti ndakolonganika nayauze kwene pakuti yakize yakaye pali ponga kwene na yano nakolonganika mpiti.

Ezaya 60:15

“Lyene fwandi antu yatalatala yakutazyele, nanti ukukusuula ndi vino yakupasile nu kukufumyako amano. Nemo ndakucindamikila calimwi. Nupya umwako kwene ali muno yalasansamukila amanda yonsi.

Ezaya 61:9

Yene yamalumbuka wakwe cimwi ku antu ya mitundu yuze. Yonsi yano yamayalolanga yamasininkizya ukuti mucumi ali antu yano napolelela.”

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Ezaya 62:7

Nupya cisi cakuleka ukuti yandeke intale mpuze, suka sile natala nakuululula Yelusalemu nu kumulenga aye uwa lulumbi pano nsi yonsi.

Ezaya 66:22

“Pano vino iyulu lipya ni nsi ipya vilayelelela ku maka yane, ali vino umutundu winu kumwi ni zina linu vilayelelela pee.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Ezekelo 16:53

Nalyuze Yawe wanenyile Yelusalemu ati, “Nemo ndalenga ukuti Sodoma ace asyuke pamwi na ana yakwe, na Samaliya nawe kwene akasyuke nupya, pamwi na antu. Icacumi, nawe kwene we Yelusalemu ndalenga ukuti ukasyuke nalyuze.

Ezekelo 28:25

Yawe Simwandalali wavwanga wati, ‘Lino ndafumya aina Izlaeli mukasi ka mitundu muno yayasalanganyizizya, nu kuyakolonganika, alino ndalanga ucindami wane pa manso ya mitundu muli cii cakuti, yalikala mu mpanga ino napiile muomvi wane Yakobo.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Ezekelo 37:12

Fwandi, sesemela antu yane aina Izlaeli amazwi yane, yanene ukuti ne Yawe ndacenamika amalindi yao, nu kuyafumya mwenemo, nkayaswilizye mu mpanga ya Izlaeli.

Ezekelo 37:21

Yanene ukuti ne Yawe ndafumya Aina Izlaeli umu mitundu ya yantu yauze muno yaya nu kuyakolonganika pamwi, nga alino nkayaswilizye umu mpanga yao.

Ezekelo 39:13

Antu yonsi amu mpanga yalayaziika, yalolelamo nu mucinzi uwanda uno ndalanga ucindami wane. Ivyalanda ne Yawe Simwandalali.

Ezekelo 39:28

alino yalamanya ukuti nene indi Yawe Leza wao. Lilyo lino ndapususya azya ku mitundu nu kuyakolonganika mu mpanga yao ukwaula kusya nanti wenga.

Yowelo 3:1

Yawe avwanga ati, “Mu manda yalya nu mu nsita kwene ilya, lino ndawezezya aikazi aku Yuda ulongo nga na aku Yelusalemu,

Amosi 9:14

“Ndawezya antu yane aina Izlaeli ku mpanga yao. Yalakuululula imisumba ino yononeka nu kwikala mwenemo. Yalalima vyalo vyamatingi nu kumwa waini wakwevyo. Yalalima imiyanda nu kulya ivyakulya vyakweyo.

Mika 2:12

“Lelo mwe amu mupanda wakwe Yakobo, ndamukonganika pamwi mwensi. Mwensi mwe ina Izlaeli asyala ndamukonganika pamwi ungati mfwele mu citata, ungati ufyo umu ncende ya uko iyakucemelamo. Nupya kwene antu yalazuula wakwe cimwi mu mpanga inu.

Mika 4:7

Ivilema vivyo ndaleka viye antu yane asyalapo, yayo azinzilwe kumwao yalaya uluko lwa maka. Nene ne Yawe ndaya umwene wao apa mwamba wa Zioni, ukutandikila sile apa nsita kwene iyo mpaka umuyayaya.”

Zefaniya 2:7

Amu mutundu wakwe Yuda asyala yalikala mu mpanga inu. Yene yalacemelamo iviteekwa vyao nu kusendama mu mitanda ya ina Asyikeloni. Yawe Leza wao alayasakamala nu kuleka yaye nu longo nupya kwene.

Zefaniya 3:19

Pa nsita ilya ndavunuka yonsi akamuzunya. Ndatuula yayo alemale nu kukonganika yayo asalangana. Ndaleka antu yayatasye nu kuyacindamika, konsi kuno anisi yao yayasausya.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.

Malaki 3:12

Lyene antu amu nko zyonsi yalati mwapolelelwa, pano impanga inu ilaya isuma iyakwikala mwenemo.

Malango 26:18

Ilelo Yawe nawe watazumila ukuti mwemwe antu yakwe kololo, wakwe vino wamulavile. Watapeela ilamulo kunomuli kuti mwayela amasunde yakwe yonsi.

Malango 26:19

Mwemo alaleka muye uluko lukulu ukuluta antu amu nko zyuze yano waumba, nga namwe mulamulumbanya nu kumucindika.