Zefaniya 3:18 - Amazwi Yakwe Leza 2013

¹⁸ ndi vino antu yakacita apa wanda ukulu. Yawe akuti, “Nemo ntalesile ukuti isyamo lipalame kunomuli, nupya ntalesile ukuti mwemo muzewane foo.

Zefaniya 3:18 ပူးပေါင်းရင်းမြစ်များ

Masamu 43:3

Nkozezye sile uluswepo lwako, undangilile nu ufumacumi wako uleke avino vinkolelele, vintwale uku Zioni, uku mwamba wako uwamuzilo, nu kunjingizya umwi sano lyako, muno wikala!

Masamu 79:4

Antu ya mitundu yano twapalamana nayo pasi pakutusoweka. Yene yakutuseka nu kutuwela penepo.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Nyimbo zya ndosya 1:4

Kusi nanti wenga wino akuya nupya ku Ng'anda ikulu yakwe Leza ku kupepa umu manda amuzilo. Akazyana yano iimbilanga inyimbo pasi pakucula. Yasimapepo nao yakuteta. Impongolo zya musumba zili pwanku. Icumi kwene Zioni ali umu ucuzi.

Nyimbo zya ndosya 1:7

Yano yali umu Yelusalemu mpiti yakwiusya vino umusumba wao wacindime mpiti. Lino kwali ukucimba ku anisi, kutali nanti wenga uwakuyatuula foo. Anisi yao yayasowekanga nu kuyawela apakulola kuno yaciimba.

Ezekelo 34:13

Ndazifumya mu mpanga zya mitundu yonsi. Ndazikolonganika, nkaziwezezye nu mu mpanga yakwezyo. Ndazicemela mu myamba yamu Izlaeli, ku tunguzi twa manzi, nu mu mpanga zyonsi umwikala antu.

Ezekelo 36:24

Pano nemo ndamufumya ku antu ya mitundu yuze, ndamukolonganika ukufuma ku mpanga izyenyi zyonsi nu kumuwezezya umu mpanga inu.

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

Oseya 9:5

Uzye apa wanda wakuzevya, wanda wakucindikilamo Yawe, antu yayo yalacita cani?

Zefaniya 3:20

Pa nsita ilya indamukonganika, nu kumuwezya ku mwinu. Ndaleka mulumbuke nu kuya alongo, pakasi ka antu amu mitundu yonsi ya pano nsi. Ndamuwezezya uwene winu mule mukulola.” Avino Yawe wavwanga.