Zefaniya 3:16 - Amazwi Yakwe Leza 2013

¹⁶ Insita imwi ilafika, lino yalamunena mwe ina Izlaeli iyati, “Mutuvwa intete mwe ina musumba wa Zioni! Mutaleka na makasa inu yapomponteke foo!”

Zefaniya 3:16 ပူးပေါင်းရင်းမြစ်များ

Yobo 4:3

Apa mpiti wewe wasambilizye antu avule, wakomelizye na yayo atembokele mu makasa.

Ezaya 25:9

Mu wanda ulya yene yalavwanga yati, “Cumi kwene wi ali Leza witu. Twataile ukuti aliwe alatukulula! Wene ali Yawe nupya tukataila munoli. Si lekini tuzange nu kusansamuka pano watatupususya.”

Ezaya 40:9

Kwela apapela apa mwamba utali, we nkombe yakwe Yelusalemu. Yanga kasalanganye ilandwe lisuma! Usanzule ni izwi apa kusalanganya ilandwe lya nsansa mu Zioni. Utoopa foo apa kusanzula izwi, unene imisumba ya Ayuda uti, “Leza winu awiyo akwiza.”

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 44:2

Nene indi Yawe wiyo uwamupanzile nu kumuumba mu ndilwa zyakwe yanyoko, nupya anene nkamwazwilizya. Utuvwa intete we Yakobo, we muomvi wane. Mwemwe antu yane akundwe yano nasolola.

Ezaya 54:4

Utoopa foo pano insonyi zitalakulema, utalazewana foo. Nupya ulilila nu ku nsonyi zya ukazyana wako. Utalaiusya nu kuzewana kwakwe unamfwilwa wako.

Yowelo 2:21

“Mwe vyalo namwe mutuvwa intete, lelo muzange nu kusansamuka pamulandu wa vintu vyonsi vino Yawe watamucitila.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

Zakaliya 8:15

Lelo ndakai nimpanga ukupolelela aina Izlaeli na Ayuda. Caleka mutuuvwa intete.

Yoane 12:12

Uca katondo iumba likulu lino lizile ku Cimulo ca Ucilo, lyuvwa ukuti Yesu akwiza ku Yelusalemu.

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

Efeso 3:13

Caleka namupapata mutatovoka pamulandu wa kucula kwane pamulandu winu. Kucula kwane ukwakumulenga kuya nu lulumbi.

Ayebulai 12:12

Acino mukomye makasa inu atonte nupya mutaleka makokola inu yazakaza!

Umbwilo 2:3

Wemo ukateeka umwenzo nupya wacuziwe pamulandu wane, nupya utanenwike.