Zefaniya 3:11 - Amazwi Yakwe Leza 2013

¹¹ Pa wanda kwene uo mwe antu yane mutalaya ni nsonyi pa vintu vino mwacita umu kunsangukila. Pano nemo ndafumya antu yonsi acilumba. Nupya mutalasya muituumike apa mwamba wane uwamuzilo.

Zefaniya 3:11 ပူးပေါင်းရင်းမြစ်များ

Masamu 131:1

We Yawe, umwenzo wane usi itutumula foo, na manso yane nayo yasilola apatumpuke. Insizangila umu vintu vyalulumbi nanti ivyakuzunguka.

Masamu 49:5

Apa nsita ya uzanzo ntange nuvwe intete, pano umwanisi watanzinguluka.

Masamu 59:12

Iviipe vyaya sile apa tunwa twao, ukulanda sile iviipe, yene lili lyasi lyao. Leka fwandi icilumba cao ciyalye! Pano yene yaya ni ntipu nu ufi apapela.

Ezaya 11:9

Apa Mwamba wamuzilo patalaya nupya ivya uluku uluku, nanti ivya ononyi, apamulandu wakuti impanga ilazuula mwenemo amano akumanya Yawe, ndi vino yemba wazula mwenemo amanzi.

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Ezaya 5:15

Apa antu yonsi avilumba yalacefiwa, na manso yakwe wiyo wensi uwavilumba yalatongoleka.

Ezaya 54:4

Utoopa foo pano insonyi zitalakulema, utalazewana foo. Nupya ulilila nu ku nsonyi zya ukazyana wako. Utalaiusya nu kuzewana kwakwe unamfwilwa wako.

Ezaya 56:7

Ala anene ne Yawe nkumunena nati ndamuleta ku mwamba wane wamuzilo, mwamba wa Zioni. Ndamusansamusya mu ng'anda yane, ndapokelela impolelwa zinu zyakoca nga nazyuze zino mulaatula pa kavuwa kane. Pano ng'anda yane ali ino ilaamwa ukuti ing'anda yakupepelamo antu amitundu yonsi pyu.

Ezaya 61:7

Insonyi zinu nu kusaaluka kwinu vyativisila, lyene mumaikalilanga mu cifulo cinu ni vyuma vinu vimasandulukanga. Fwandi mumasansamukanga pee.

Yelemiya 13:9

“Umu musango kwene ndi uu, nemo ndamala ivilumba ku ina Izlaeli ni vya antu aku Yuda.

Yelemiya 7:4

Tiini ukutaila mu mazwi yalya ausomvi nu kuvwanga muti, “Sweswe yacingililwe! Ii, ili Ng'anda ikulu yakwe Leza, ii ili Ng'anda ikulu yakwe Leza, ii ili Ng'anda ikulu yakwe Leza!”

Ezekelo 20:40

“Pano Yawe Simwandalali wavwanga ukuti pa Mwamba wane wamuzilo, pa mwamba utali wakwe Izlaeli, apano ang'anda yonsi yakwe Izlaeli yalikala nu kumpepa. Apano nemo ndamuzengela, nu kupokelela impolelwa zinu, amawila inu asuma, pamwi na mawila yauze amuzilo.

Ezekelo 24:21

‘Nena ang'anda yakwe Izlaeli uti Yawe Simwandalali uwavwanga wati lola namakowezya incende yane yamuzilo, cilumba ca maka inu, insansa zya manso inu nga ni ciluka ca myenzo inu. Ana inu aonsi na anaci yano mwasya ku cisila yalafwa ku lupanga.

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Danieli 9:20

Lyene ntwalilila kulanda nu kupepa, ala nkuilongwela amaifyo yane na maifyo ya antu yane aina Izlaeli nga nu kupapata uku Mwene kuti awezezye Ng'anda yakwe ikulu vino yali.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mpendwa 16:3

Awe mukwai yonsi yao iyakonganila Mose na Aaloni iyayanena yati, “Awe lyene cafula! Antu yaa yonsi akwe Yawe, nupya Yawe ali naswe kwene swensi. Uzye lyene pacani cino wemo Mose ukuyuvwa nu kuika papeela ukucila umuntu wensi umwi uvi lii?”

Mateo 3:9

Nupya mutaelenganya ukuti muluutuka kuvunukwa kuno kukwiza, apa kulanda ukuti Abulaamu ali cikolwe cinu. Nkumunena vino Leza angasenula amawe yaa ukuya ana yakwe Abulaamu.

Loma 2:17

Uzye wemo cili uli? Wemuno ukayaama wemwisikulu uti wewe Muyuda. Wemo wemelela ku Masunde nu kuilumba ukuti wewe wakwe Leza.

Loma 9:33

Ndi vino malembelo yakati, “Lolini naika mu Zioni iwe lya kuipuma, ililalenga kuti antu yapumike nu kupona. Lelo wino wensi uwataila munoli atalacitwa insonyi.”

1 Petulo 2:6

Pano calembwa mu malembelo cati, “Nasolwile iwe lyamutengo cuze, lino nkwika mu Zioni liye iwe lya pitungi, na wino wensi uwataila munoli atalacitwa insonyi.”