Zefaniya 2:9 - Amazwi Yakwe Leza 2013

⁹ Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”

Zefaniya 2:9 ပူးပေါင်းရင်းမြစ်များ

Ezaya 11:14

Yoili kwene yalazanza aina Filisti lwaku uwondaka nu kupokolola ivyuma ku antu akaikala uku ufumondaka. Yalacimvya aina Edomu na ina Moabu. Na ina Amoni yalauvwila kunoyali.

Ezaya 25:10

Yawe alacingilila umwamba uu ni kasa lyakwe, nga lelo aina Moabu alayalyatola ndi vino insawa zikalyatolwa muli citindi umu ciwina.

Ezaya 49:18

Tumpula amanso nu kucelecensya monsi, Antu yako yonsi yakukongana, yakwiza kunuli. Ne Yawe Leza wa umi, nalapa ukuti, antu yako yalaya wa ciyembelo. Nupya ulaleka yaloleke wa candaluwa cakwe nawinga.

Yelemiya 46:18

Lino nene ndi wa umi, ivyalanda Yawe, wino izina lyakwe a Yawe Wamaka yonsi. Kuliza umwi wiyo akoline na Taboli umwamba uno watalimpisya pa myamba yuze, wiyo akoline nu mwamba wa Kalimeli, uwaya mu nkumba yakwe yemba.

Yelemiya 48:1

Pamulandu wa ina Moabu Yawe Wamaka yonsi, Leza wa ina Izlaeli, walanda wati, “Kalanda ku musumba wa Nebo, wasanguka ulwanga. Kilyataimu yalamupupanya nu kumupoka. Ilinga lyauko lyamaka yalalipupanya nu kulitamola.

Yelemiya 49:1

Apa mulandu na ina Amoni, Yawe wavwanga wati, “Uzye Izlaeli atakwata ana aonsi? Uzye atakwata impyanyi? Icani fwandi cino Mikilomu wapyanyile Gadi? Icani cino antu ya mutundu wakwe ikalile umu misumba iyaya mwenemo?

Yelemiya 49:18

Yawe wavwanga wati, “Mutalikala umuntu nanti wenga. Mutalaya alacita icifulo munoli, ndi vino cali lino yawisizye Sodoma na Gomola, kumwi ni misumba yamu mbali.”

Yelemiya 49:33

Hazoli alasanguka incende yakwe yankusa, ulwanga lwa pee. Mutalatala mwikale umuntu nanti wenga. Kusi nupya nanti wenga wino alakuula mu cifulo cao.”

Yelemiya 50:40

Ndivino cali lino nononyile Sodoma na Gomola, kumwi ni mizi ino yali umu mbali, ali vino namacitila Babiloni. Mutalatala mwikale umuntu nanti apa kasita akanono.” Ivyalanda ne Yawe.

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Amosi 2:1

Yawe wavwanga wati, “Aikazi aku Moabu yacili yakutwalilila ukwifya. Acino nemo ntalata ukuyavunuka. Yene yasowike amafupa ya mwene waku Edomu pa kuyoca mpaka yaya itwi.

Zefaniya 2:14

Cilaya icifulo kuno amaufyo ya viteekwa nga ni viumbwa vya misango yonsi vilalambalala. Sinsimwe uwamu lwanga ni vipuululu vilalila mu ncesi zyakweo. Ukulila kwaviko kuluvwika mu mawindo, amaunguluwe yalazanwa mu milyango yakweo, ni myalo ya mikelide ilasyala icenjemile.

Zefaniya 2:7

Amu mutundu wakwe Yuda asyala yalikala mu mpanga inu. Yene yalacemelamo iviteekwa vyao nu kusendama mu mitanda ya ina Asyikeloni. Yawe Leza wao alayasakamala nu kuleka yaye nu longo nupya kwene.

Zefaniya 3:13

Aina Izlaeli alasyalapo yatalifya ku muntu awe. Yene yatalatumpoka awe, nanti ukulanda ivyaucenjezi, foo. Yalaya nu longo nu kuikalila uku matwi cele, ukwaula nanti aumwi uwakuyasonsomba.”

Zakaliya 2:13

Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.

Mpendwa 14:21

Nga lelo nkulaya ukuti vino ndi nu umi nga nu ucindami wane wazula insi yonsi,

Loma 14:11

Pano calembwa mu malembelo cati, “Mwene akuti, Cumi pano nene Leza wa umi cila muntu alamfukamila, nupya alailandila ukuti nene Leza.”

Malango 29:22

“Umu nkulo iziliza ku nkolelo amu mupanda winu na inamasi afuma ku mpanga zya kutali yalalola ivilumbelo na macuzi yano Yawe alaleta mu mpanga inu.

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.