Zefaniya 2:2 - Amazwi Yakwe Leza 2013

² lino anisi inu yatali kuti yize yamusende ndi vino umuza ukaululula cungu, lino ukali wakwe Yawe utali umuponele, lino uwanda wa ukali wakwe utacili wize.

Zefaniya 2:2 ပူးပေါင်းရင်းမြစ်များ

Yobo 21:18

Amaila yanga yano mwalola umuntu mwipe akuuluka wa cipelele umu muza, nanti kuno akuuluka wakwe cungu muli nkungulupya?

Masamu 1:4

Lelo yakacita ya viipe asi vino yaya awe. Yene yakoline na cungu wino akaululwa nu muza.

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Ezaya 17:13

Imitundu ya antu ino yatiiza yatikatuka wa maimbi akome. Lelo Yawe waikalipila, nga nayo yaswilila mwenemo. Apa kufuma, yene yuluka wakwe cungu. Yuluka wa nsaawa zino zyasendwa kuli nkungulupya.

Yelemiya 23:20

Icipyu ca Mwene citalatala cizuke, suka sile ace atale afikilizye vino wapanzile ukucita umu mwenzo wakwe. Cico mulacuvwa ningo umu manda yano yaliza uku nkolelo.”

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Ezekelo 12:25

Nene ne Yawe ndalanda, na cino ndavwanga vino indi nu kuvwanga nupya navino ndavwanga vilafikiliziwa kwaula nu kusumba kasita. Nupya umu nsita inu kwene, mwe luko lutalame mwe, ali muno ndavwanga izwi nu kulifikilizya. Ivyalanda ne Yawe Simwandalali.’ ”

Oseya 13:3

Acino antu yaa yalakolana na kungwi, wino akasalangana umu katondo, yalakolana nu lumi ulukakuntika katondotondo.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.