Zakaliya 9:8 - Amazwi Yakwe Leza 2013

⁸ Ndikala mu pipi ni ng'anda yane nga kalinda, wiyo wino akalesya ntalanganyi. Umwene mukakate atalatala azunye antu yane, pano nemo ndayawaka.

Zakaliya 9:8 ပူးပေါင်းရင်းမြစ်များ

2 Samueli 16:12

Cingaya limwi Yawe angalola ulanda wane nu kundandwila ivisuma pa ntipu zino natipwilwa api lelo.”

2 Yamwene 19:34

Nene nkusunga nu kucingilila umusumba uno apakuti njilange ucindami wane, nu upangano uno napangine nu muomvi wane Davidi.”

2 Yamwene 23:29

Lino Yosiya wali apa wene, Falao Neko umwene waku Eguputo waile ni vita vyakwe uku nkondo, uku Luzi lwa Yufulate uku kuya azwilizya umwene waku Asilya. Umwene Yosiya alonda ukulesya ivita vyaku Eguputo apa Megido. Na lino yacili yakulwa, ali vino yakomile Yosiya.

2 Yamwene 24:1

Lino Yeoyakimu wali apa wene, Nebukadineza umwene waku Babiloni, wazanzile impanga ya Yuda. Yeoyakimu ali pakutontela Mwene Nebukadineza apa myaka itatu, nu kwiza musangukila nupya.

Masamu 34:7

Umungeli wakwe Yawe akacingilila yayo akamoopa, nupya akayapususya.

Masamu 72:4

Ungaleka kuti acita ulungi apakupingwila alanda avwa kweneko na apina nu kucimvya yayo akayacuzya!

Kufuma 3:7

Lyene Yawe avwanga ati, “Natindola kukalala kuno aina Eguputo yakucita pa antu yane. Natinuvwa inkuta ya antu yane kuti njatuule ukufuma mu makasa yakwe yakangalila yao akalale. Manyile kunyunguluka kwao konsi.

Kufuma 3:9

Cumi natinuvwa inkuta ya antu yane, nupya natindola kukalala kuno aina Eguputo yakucita pa antu yane.

Mapinda 3:25

Wemo utalaoopa amasyamo yano yakapumikizya antu, nanti yano yakaponela antu aipe.

Ezaya 26:1

Mu wanda ulya antu amu mpanga yakwe Yuda yalimbila ulwimbo luu ulwakuti, “Swemo twakwata umusumba wamaka! Apa kutupususya, Leza umweneco aliwe watucingilila ukwi linga lyauko.

Ezaya 31:5

Vivi kwene sile vino icunyi cikalelemba apali icinsanzo, apakusunga utwana twaciko, ali vino ne Yawe Wamaka yonsi ndasunga umusumba wa Yelusalemu nu kuutula ku anisi.”

Ezaya 4:5

Alino lyene Yawe aliza aikale apa Mwamba wakwe wa Zioni, nga na pali yayo yonsi aliza yakonganepo. Umusanya alaloleka ungati ikumbi ni cunsi. Usiku alaloleka wa cimbilimbili cino cikulunkuma. Pano vyonsi vilauwa umu ucindami wakwe Yawe.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Ezaya 52:12

Lelo mutafumamo mukupamviwa, mutafuma wa mbutusi. Yawe alamukolelela. Leza winu alamucingilila.

Ezaya 54:14

Ulakuulilwa apa ulungi, ulacingililwa nu ku ntazi. Utalatala uvwe intete. Yalakucingilila kuli vyonsi ivingakoofya. Vitalakupalama foo.

Ezaya 60:18

Ivyongo vya mucuzya vitalaauvwika nupya foo, mu mpanga yako. Nemo ndakulinda nu ku kucingilila wi linga. Umucumi ulandumbanya apa kukupususya.

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Yelemiya 46:13

Lino umwene Nebukadineza wizile ku kuzanza impanga ya Eguputo, Yawe wanenyile kasema Yelemiya ati,

Yelemiya 46:2

Apa lwakwe Eguputo, ilamulo ilya pa vita vyakwe Falao Neko, vino vyatantime uku luzi lwa Yufulate umu mbali na Kalikemisyi, lino Nebukadineza, umwene waku Babiloni wacimvizye umu mwaka uwalenga iini, uwakwe Yeoyakimu umwana umonsi wakwe Yosiya, ukuya pa wene wa ina Yuda. Wavwanzile wati,

Ezekelo 39:29

Alino ntalayafisa nupya usyu wane, pano ndapongolwela Mupasi wane pa ina Izlaeli.’ ” Ivyalanda Yawe Simwandalali.

Amosi 9:15

Ndalema antu yane wa miti umu mpanga ino nayapile, nga kutalaya uwakuyafumya mwenemo, umu mpanga kwene iyo ino ndayapeela.” Avino Yawe, Leza winu wavwanga.

Zakaliya 12:4

Yawe wavwanga wati, “Pa wanda kwene ulya nemo ndapupanya imfwalasi ili yonsi nu kupenya yayo yonsi alakwela penepo. Ayuda ndayawaka, lelo imfwalasi zya anisi yao zyene ndazipafuzya amanso.

Zakaliya 12:8

Pa nsita iyo ne Yawe ndacingilila aina Yelusalemu cakuti nu tupopo twao kwene tulakwata amaka ali yamwi kwene na yano umwene Davidi wakweti. Ana yakwe Davidi ali yano yalayatungulula wa mungeli wane ne Yawe.

Zakaliya 14:11

Antu yalikala kuku ku matwi cele, kutalaya nupya ica kuyofya ku kononwa nupya.

Zakaliya 9:7

Antu yakwe yatalalya nupya inyama ino icikweti uwazi, nanti ukulya vyuze ivyaindwa. Yayo yonsi alasyalapo yalaya cili conga na antu yauze, yalaya wa luko longa lwa mutundu wa Ayuda. Aina Ekiloni yalaya cili conga na antu yauze, ndi vino aina Yebusi yali.

Milimo 7:34

Nati ndola kucula kwa antu yane mu Eguputo. Nati nuvwa kulila kwao kwa kuilizyanya. Caleka nati niza kuti njakulule. Lyene iza, kuti nkutume ku Eguputo.’

Umbwilo 20:9

Yene yapita konsi mu nsi nu kuzinguluka insakwe ya antu yakwe Leza nu musumba uno wene watemwa. Lelo umoto wafumile kwiyulu, uyaponela nu kuyonona.