Zakaliya 9:3 - Amazwi Yakwe Leza 2013

³ Umusumba wa Tuli wakwata ilinga lyamaka. Mumu kwene amuno mwatulumana siluva na zaabu, kwati imitumba yi ivu nanti wa vitumba.

Zakaliya 9:3 ပူးပေါင်းရင်းမြစ်များ

2 Samueli 24:7

Lyene iyaya lwaku kaeya ku Tuli, umusumba wi linga, nga nu ku misumba yonsi iya ina Hivi na ina Kenani, nga nu mukusyalikizya iyaya ku Belisyeba, lwaku kaeya ka mpanga yakwe Yuda.

1 Yamwene 10:21

Ingako zya mwene Solomoni zyonsi zyali izyakwe zaabu, nga ni viya vya mwi Sano lyamu Mutengo waku Lebanoni vyonsi vyali vyakwe zaabu musuma cuze. Kutali cimwi icipangwe na siluva, pamulandu wakuti siluva atali icintu cimwi icampomvu mu manda yakwe Solomoni.

1 Yamwene 10:27

Lino Solomoni wali pa wene, uwingi wakwe siluva mu Yelusalemu wali kwati insakalawe, ni mikelide nayo yavuzile kwati imisamvu yamu misana ya twamba.

Yobo 22:24

nu kusuula ndi wasuula ivyuma ivili wakwe zaabu waku Ofili, ni vyuma vyuze vyonsi uvilole wa lukungu,

Yobo 27:16

Antu aipe nanti yangalonka siluva, yatulike ivimitumba wa musensenga, nanti yatulike imitumba ya nsalu izyakuzwala,

Yobo 3:15

Ngano nindala wakwe yamwene aizuzizya zaabu na siluva mu mang'anda yao,

Ezaya 23:11

Yawe watazunzula ikasa lyakwe pali yemba nu kutenkanya amawene. Watapeela ilamulo ku ina Fonisya kuti yawisye misumba yao ya malinga.

Ezaya 23:8

Uzye aweni wiyo wino wapingwilanga ivintu kwene vii ukucitila Tuli, umusumba wakwe yamwene, uwateesilwe na aculuzi, ali intunguluzi izicindamisye pano nsi?

Ezekelo 26:12

Yalasenda ivyuma vyako nu kusampa ivilonkwa vyako vyonsi. Yalawisya amalinga yako, yakaongolole na mang'anda yako akankala. Amawe yako, imiti yako nu lukungu lwako, yalavisumba pali yemba.

Ezekelo 27:27

Ivyuma vyako vyonsi vya uculuzi, vyalowela muli yemba, na yakapisya yako yonsi, na yakalungisya yako, na aculuzi yako, ni viya vyako vyonsi vino ukasenda, yonsi pyu yaunzile nu kumwela, lino we ciwato wononike.

Ezekelo 27:33

Lino walongololanga vya uculuzi vyako, pakwikusya imitundu ivule vii, ni vyakukazya vyako ivivule vyalenganga yamwene ya pano nsi yaye akama.

Ezekelo 27:34

Lyene watamoka ku maimbi mukasi kakwe yemba. Iviya vino wasendanga na antu akupisyanga yonsi yamwela pamwi nawe.’

Ezekelo 28:1

Yawe avwanga kunondi ati,

Amosi 1:9

Yawe wavwanga wati, “Pamulandu wakuti aikazi aku Tuli yacili yakutwalilila ukwifya, nemo ntalata ukuyavunuka. Yene yatozile uluko lonsi pyu lwa antu asyalapo, nu kulusenda yalutwala umu uzya ku Edomu, ukwaula kusunga icipangano ca wina cici.

Yoswa 19:29

Umupaka ulya lyene iupetuka iulungama ku Lama nga iuya ku Tuli, umusumba wi linga, nga nupya iupetuka iulungama ku Hosa nga iufumila kuli yemba mu mpanga ya Akizibu,