Zakaliya 9:16 - Amazwi Yakwe Leza 2013

¹⁶ Lino uwanda uo ulafikila, Yawe alapususya antu yakwe, ndi vino kacema akapususya imfwele zyakwe. Nayo yalaengesa mu mpanga yakwe, wa tumawe twamutengo utukayengesa mu ngala ya wene.

Zakaliya 9:16 ပူးပေါင်းရင်းမြစ်များ

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Kufuma 28:21

Amawe kwene yaa yaye ikumi na yaili, kulingana na mazina ya mitundu ya ina Izlaeli. Amawe yalembwe wakwe vino musyanyi akalemba mazina pa mawe yamutengo ukulu. Iwe lyonsi liye ni zina lya mutundu onga.

Kufuma 28:9

Uleke yatole amawe yaili ya onikisi alino yalembepo mazina ya ana yakwe Izlaeli.

Ezaya 40:10

Umwene mucindami akwiza ku kuteeka na maka. Lino akwiza ali na antu yakwe yano wakulula.

Ezaya 54:12

Insonsi zya mang'anda yako zilakuulilwa na mawe amutengo yakwe lubi, impongolo zyako nazyo ndazipangila na mawe ayengese, ilinga lyako nalyo ndalikuulila na mawe amutengo.

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

Ezaya 60:3

Antu ya mitundu yuze yaliza kunuli na yamwene nayo kwene yalaileta ku luswepo lwako ululi wi lanzi ilikutunka!

Ezaya 62:3

Wemo ulaya wa cingala ca mwene, kuli Yawe.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Yelemiya 31:10

“Mwe mitundu yonsi, uvwini amazwi yakwe Yawe. Mulandile na antu yonsi aikala ku nkumba zyakwe yemba ukutali. Wino wasalanganyizizye aina Izlaeli, awino wayakolonganika nupya aliwe amayasunga ndi vino kacema akawaka ufyo wakwe.

Yelemiya 31:11

Pano Yawe watakulula Yakobo nu kumupususya ku makasa yakwe wiyo uwamuluta amaka.

Ezekelo 34:11

“Nemo ne Yawe Simwandalali nkumunena ndi vino nene kwene ndalonda imfwele zyane, nupya nene kwene ndazisunga.

Ezekelo 34:12

Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.

Ezekelo 34:31

“Ala mwemwe mfwele zyane, mwemwe antu yane sile nenga, mwemwe ufyo uno nkacema, nani nene indi Leza winu sile. Ivyalanda ne Yawe Simwandalali.”

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Mika 7:14

We Yawe sungala wacema antu yako uku nsonzo yakuyakumbilizya, utungulule ufyo wa mfwele zyako zino waisolwela. Ndakai zitenzi zyonga mu mutengo, mu mpanga yamulemvwe yakucemelamo ivunde. Lelo zitini ziye zikalye mu mpanga yamulemvwe, yakucemelamo yaku Basyani nu ku Gileadi, ndi vino cali mu manda ampiti.

Zefaniya 3:20

Pa nsita ilya indamukonganika, nu kumuwezya ku mwinu. Ndaleka mulumbuke nu kuya alongo, pakasi ka antu amu mitundu yonsi ya pano nsi. Ndamuwezezya uwene winu mule mukulola.” Avino Yawe wavwanga.

Hagai 2:23

Nene ne Yawe Wamaka Onsi amazwi yane aeya: Pa wanda kwene uo wemo we muomvi wane Zelubabeli, we mwana monsi wakwe Syeatieli, indakutoola nu kukulasika apa wene mwi zina lyane, pano ale nati nkusolola. Kuu kuli kuvwanga kwane ne Yawe Wamaka Onsi.”

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.

Zakaliya 8:23

Yawe Wamaka yonsi wavwanga wati, “Mu manda yalya apa inamasi yonsi akaalanda indimi zipusanepusane, ainamasi ikumi yalaiza ku Muyuda wenga, nu kumunena yati, ‘Tukulonda tuye nawe, pano swemo tuvwa ukuti Leza waya kunomuli.’ ”

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Yoane 10:27

Mfwele zyane zikauvwa izwi lyane. Nazimanya nga nazyo zikandondela.