Zakaliya 9:14 - Amazwi Yakwe Leza 2013

¹⁴ Lyene Yawe alalolekela lwa papela pa antu yakwe, alaafika inceto ale zikumyantula sile wa nkuwa. Yawe Simwandalali alalizya intandala, nupya alatunkila uku katutu, aliza akupita mu cipunga ukufuma ku kayeya.

Zakaliya 9:14 ပူးပေါင်းရင်းမြစ်များ

Yobo 37:9

Icipunga cikafuma uku katutu, na nkungulupya nawe afuma uku kayeya, aleta impepo.

Masamu 18:14

Wafika inceto zyakwe nu kusalanganya anisi yakwe. Wayapuusya umu kupantoka kwa nkuwa.

Masamu 18:15

Apansi yakwe yemba paloleka, ni mifula ya nsi nayo yasyala apambiliwili, lilyo lino Yawe wavwanga ivyakoofya, wafumya nu mupu mu mpuno zyakwe.

Ezaya 18:3

Uvwini kuno mwe antu mwemuno mwikala pano nsi, mwemuno mwalimba insi yonsi. Lino ulunga lwakweziwa apapela ya mwamba, mulole! Lino ipenga lyalila, muvwe!

Ezaya 21:1

Amazwi asowilwe pamulandu nu lwanga ulwamu nkumba yakwe yemba yakuti, Uononyi ulafuma ku mpanga ikakame. Uliiza wakwe nkungulupya akupita ukufuma mu lwanga.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Ezaya 30:30

Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.

Ezaya 31:5

Vivi kwene sile vino icunyi cikalelemba apali icinsanzo, apakusunga utwana twaciko, ali vino ne Yawe Wamaka yonsi ndasunga umusumba wa Yelusalemu nu kuutula ku anisi.”

Ezaya 66:15

Nemo ne Yawe ndizila umu moto, ndiza nkupitila muli nkungulupya, lino ndiza mukufulula yano nasokela.

Habakuku 3:11

Ilanzi nu mwezi ivimilila umwiyulu, apakulola ukuyengesa kwa nceto zyako, nu kukaoka kwa kuyengesa kwi sumo lyako.

Habakuku 3:14

Mwemo uku nceto zinu mwalasile musika wa mpuka ya vita vyakwe, vivyo ivizile ungati icipupu ku kutusalanganya. Ala yakutuseka kwati awiya amaleta ivisuma, fwandi ala uononesi sile ku apina.

Zakaliya 12:8

Pa nsita iyo ne Yawe ndacingilila aina Yelusalemu cakuti nu tupopo twao kwene tulakwata amaka ali yamwi kwene na yano umwene Davidi wakweti. Ana yakwe Davidi ali yano yalayatungulula wa mungeli wane ne Yawe.

Zakaliya 14:3

Lyene Yawe nawe alakatuka, nu kuyalwisya antu yayo, ndi vino wacitanga na pa mpiti.

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Mateo 24:31

Izwi likulu lya ntandala liluvwika nga nawe alatuma angeli yakwe kukukonganika asololwe yakwe kufuma ku mpela yonga ya nsi kufika nu ku yuze kwene.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Loma 15:19

mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.

Yoswa 10:42

Yoswa wacimvizye yamwene yaa yonsi ni mpanga yao pa nsita ili yonga, pamulandu wakuti Yawe, Leza wa ina Izlaeli walwisizyanga aina Izlaeli.

Umbwilo 6:2

Lyene ndola imfwalasi itiswe. Wino uwakwezilepo walemile ulapwa, nupya yamupile ingala ya wene. Wene wapisile wakwe kacimvya kuti akacimvye.