Zakaliya 8:9 - Amazwi Yakwe Leza 2013

⁹ “Posyini! Pali ndakai mwemo mukuuvwa amazwi ali yonga sile yano yakasema yalandanga, lilyo lino umufula wa kukuulilapo cipya cipya Ng'anda yane ikulu wafukwilwe.

Zakaliya 8:9 ပူးပေါင်းရင်းမြစ်များ

1 Milandu 22:13

Ndi cakuti wayela amasunde ni vipope vyonsi vino Yawe wapile Mose kuti anene aina Izlaeli, lyene ulaya nu longo. Posya nupya uzyansye. Utuvwa intete nanti kutovoka.

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

2 Milandu 15:7

Ali cino fwandi mwemo komini sile, mutatovoka foo. Pasi pano apa milimo ino mukaomba, apano mulapokela icilambu.”

Ezila 6:14

Acino aikolo amu Ayuda nayo kwene yatwalilile uku kuula ndi muno mwene kwene wavwangile. Yakomeleziwanga na yakasema, Hagai na Zakaliya, uwamu mupanda wakwe Ido. Nga iyasuka yamala ukukuula Ng'anda yakwe Leza ndi muno Leza wa ina Izlaeli wayapelile ilamulo nga nu ku cipope cakwe Kilusi, Dalyusi na Alitakisesi, yamwene aku Pesya.

Ezaya 35:3

Kanzini amakasa atolompoke, mukomye na makokola atembokele.

Ezaya 35:4

Nenini atovoke umu mwenzo muti, “Posyini mutaoopa! Lolini Leza winu akwiza. Akwiza ku kumulandwila. Wene akwiza ku kumukulula.”

Hagai 1:1

Mu mwaka wakwe ciili uwa kuteeka kwakwe Dalyusi, apa wanda uwakutandika uwa mwezi wakwe mutanda, amazwi yakwe Yawe yafikiile kuli kasema Hagai. Amazwi yali akunena Zelubabeli, umwana umonsi wakwe Syeatieli, umulasi waku mpanga yaku Yuda. Nga alino nakuli Yoswa, umwana umonsi wakwe Yeozadaki, Simapepo Mukulu.

Hagai 1:12

Papo kwene ali pano Zelubabeli umwana umonsi wakwe Syeatieli, Yoswa umwana umonsi wakwe Yeozadaki, simapepo mukalamba, alino na antu yonsi awelulwike uku uzya iyacitila ndi muno Yawe wayapelile ilamulo. Nga antu yonsi iyuvwila malamulo yano Hagai, kasema wakwe Yawe, watungulwile, nga yuvwa intete izikalamba cuze.

Hagai 2:18

Ilelo uwanda uwalenga makumi yaili na yani, umwezi wakwe fundimbali auno umufula wa Ng'anda ikulu yakwe Yawe wikwa. Acino mwelenganyepo lyene pali ci,

Hagai 2:21

“Umunene Zelubabeli umulasi waku Yuda ukuti indi nu kutensya iyulu kumwi ni nsi yonsi iya pansi.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

Zakaliya 8:18

Nupya Yawe Wamaka yonsi wizile kunondi. Wanenyile wati,

Efeso 6:10

Mukusyalikizya, lekini maka yakwe Leza yamukomelezya.

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

Yoswa 1:6

Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.

Yoswa 1:8

Lupapulo luu lwa masunde lulinzile lwawelengwa lyonsi lino mukupepa. Mulinzile mwalupituluka umusanya nu usiku, pakuti mutekele pakucita vyonsi vino vyalembwa mwenemo. Ndi caya vivyo, lyene mulaya nu longo nupya mutalaposiwa.