Zakaliya 8:8 - Amazwi Yakwe Leza 2013

⁸ Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.

Zakaliya 8:8 ပူးပေါင်းရင်းမြစ်များ

Utandiko 17:8

Mpanga ya Kenani, muno watuwiza wa mwinamasi, ndaipela kunuli nu ku amu mupanda wako ukuya iyakwao pe na pe, nga Nani ndaya Leza wao.”

Yelemiya 11:4

Amazwi ali yamwi kwene yano nanenyile ni vikolwe vyao lino navifumizye mu Eguputo, impanga iyakoline wi lungu lya moto. Nayanenyile ukuti ndi yayela, lyene yalaya antu yane nga nani ndaya Leza wao

Yelemiya 23:8

Suka sile ukulapa mwi zina lyakwe Leza wa umi wino wafumizye aina Izlaeli umu mpanga yayela ku kayeya, mu mpanga zyuze muno wayasalanganyizizye. Alino lyene yalikala mu mpanga iyakwao.”

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Yelemiya 30:22

Alino mwemo mulaya umutundu wane nga nani ndaya Leza winu.

Yelemiya 31:1

Yawe wavwanga wati, “Mu manda yalya ndaya Leza wa nko zyonsi zyakwe Izlaeli, nazyo zilaya antu yane.”

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 32:41

Ndatemwa ukuyacitila ivisuma, ndayalema umu mpanga kwene ii, uku mwenzo wane onsi nu ku mupasi wane onsi.”

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Ezekelo 11:20

Lyene alino yalayela ivipope vyane nu kuteekela apakuwaka amasunde yane. Yalaya antu yane, nga nani ndaya Leza wao.

Ezekelo 36:28

Mulaikala mu mpanga ino napiile ivikolwe vinu. Mulaya antu yane sile nenga, nga nani ndaya Leza winu.

Ezekelo 36:33

Nupya Yawe Simwandalali anena ati, “Lino nemo ndamuzifya ku viipe vinu vyonsi, alino ndaleka mwaikala mu misumba inu nupya, nu kuleka mukatutulule ivitalang'anda.

Ezekelo 37:25

Yalaikala umu mpanga ino napiile umuomvi wane Yakobo, umwikalanga ni vikolwe vyao. Ali muno na eneco kwene yalaikala amanda pe pamwi na ana yao, kumwi ni vizikulula vyao kwene.

Ezekelo 37:27

Tulaikalamo pamwi na alio, nupya nemo indaya Leza wao, nayo yalaya antu yane.

Oseya 11:11

Yalawela ale yakuzakaza ungati ivyunyi, ukufuma ku Eguputo, Yalawela ungati ivipeele ukufuma ku Asilya. Lyene ndayatwala nupya kumwao. Kuu kuli kulanda kwakwe Yawe.”

Yowelo 3:20

Lelo uku Yuda kwene antu yalayelelela umuyayaya, nga uku Yelusalemu kutalaulwa antu mu nkulo zyonsi.

Aina Levi 26:12

Nkaaya namwe. Nene Leza winu namwe mwemwe antu yane.

Zakaliya 10:10

Ndayafumya mu mpanga yaku Eguputo nu mu Asilya, ndayawezezya na kuno ukumwao. Ndayateeka mu mpanga ya Gileadi nu mu mpanga ya Lebanoni kwene, nu mu mpanga ilya yonsi mulasuka muzuule antu.

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

Umbwilo 21:7

Wino wensi alacimvya nemo ndaya Leza wakwe nawe alaya umwana wane.