Zakaliya 8:3 - Amazwi Yakwe Leza 2013

³ Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”

Zakaliya 8:3 ပူးပေါင်းရင်းမြစ်များ

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Masamu 48:1

Yawe ali mukulu nupya afwile ukucindikwa wakwe cimwi umu musumba wakwe, uwaya apapela ya mwamba wamuzilo.

Kufuma 29:45

Ndikala pakasi ka aina Izlaeli, nupya ndaya Leza wao.

Ezaya 1:21

Iye mwe vino umusumba wacumi watiusanguka wakwe cizelele! Zioni umusumba umwazile uwololoke, ali muno lyene mwatimuzula yacikoma.

Ezaya 1:26

Ndamupeela intunguluzi ni nkombe wakwe yano mwakweti apa mpiti. Alino lyene Yelusalemu alaamwa ukuti umololoke, umusumba uwacumi.”

Ezaya 11:9

Apa Mwamba wamuzilo patalaya nupya ivya uluku uluku, nanti ivya ononyi, apamulandu wakuti impanga ilazuula mwenemo amano akumanya Yawe, ndi vino yemba wazula mwenemo amanzi.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Ezaya 32:16

Mpanga yonsi mulacitika ivya ulungami ni vyaololoke, ukutandikila sile umu lwanga mpaka nu ku vyalo ivivunde.

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

Ezaya 65:25

Imimbulu nu mwana wa mfwele vilaalila pamwi, cisama nawe alaalya insaawa wa ng'ombe. Inzoka zitalakwata intazi uku muntu, zilaalya ulukungu. Apa mwamba wa Zioni, umwamba wane wamuzilo, patalacitika nanti cimwi iciipe, nanti caononyi.”

Ezaya 66:20

Yalakolonganika anyonko yonsi, ukufuma ku mitundu yonsi, nu kwiza yatuula kuli Yawe. Yalizila pa mfwalasi, pa maceleta, mu macila, pa nyumbu, na pa ngamila, uku mwamba wane wamuzilo umu Yelusalemu. Yaliza wa ina Izlaeli yano yakuleta vya mawila uku ng'anda ipepo, yakwe Yawe umu viya visangululwe. Kuu kuli kulanda kwakwe Yawe.

Ezaya 8:18

Nemo indi pano, pali ponga na yayo yano Leza wampela. Yawe Wamaka yonsi, wino icilimba cakwe ca wene cayela apa mwamba wa Zioni, sweswe tuli yakambone yampomvu yano watuma ku kusinila aina Izlaeli.

Yelemiya 14:9

Pacani cino wayela wa muntu uwataulizya amano, nanti wa musambazi wino atakweti amaka akutupususya? We Yawe, cumi kwene wemo waya apakasi kitu? Swemo sweswe antu yako, utatutazyela, awe.”

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Yelemiya 31:23

Yawe Wamaka yonsi, Leza wa ina Izlaeli wavwanga wati, “Lino ndayawezezya isyuko lyao, alino yalaswilizya ukuvwanga umu mpanga yakwe Yuda nu mu misumba yao yati, ‘Yawe kapuute ulutembo pali wewe, we cifulo caulungami, we mwamba ucindami!’ ”

Yelemiya 33:16

Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Ezekelo 48:35

Umusumba onsi kuzinguluka wali amamita 9,000 konsi konsi, nu kufuma wanda kwene ulya izina lya musumba lilaamwa ndi vino “Mwene ali Pano!”

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Yowelo 3:17

“Alino mulamanya ukuti nene, ne Yawe, Leza winu, ne muno nkaikala ku Zioni, umwamba wane uwamuzilo. Umusumba wa Yelusalemu ulaya uwamuzilo nga ainamasi yatalatala yauzanze nupya.

Yowelo 3:21

Ndalandwila uwazi wakwe yayo akomwa, nupya ntalelela nu utazi uwo uwakatwe. Nupya ne Yawe ndaikala ku Zioni.”

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Zefaniya 3:13

Aina Izlaeli alasyalapo yatalifya ku muntu awe. Yene yatalatumpoka awe, nanti ukulanda ivyaucenjezi, foo. Yalaya nu longo nu kuikalila uku matwi cele, ukwaula nanti aumwi uwakuyasonsomba.”

Zakaliya 1:16

“Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Zakaliya 12:6

“Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.

Zakaliya 14:10

Mpanga yonsi ilasenuka iye inyika, ukutandikila ku Geba mpaka nu ku Limoni uwaku Negebu. Yelusalemu alatumpuka ukuluta, nanti angala alasyalila apa ncende yakwe yampiti. Mulikala antu ukufuma ku mpongolo yakwe Benjamini nu kufika ku mpongolo ya kutandikila, kuli kuti ku Mpongolo ya Pitungu, nga nu kutandikila pa Lupungu lwa Hananeli mpaka nu kufika nu mwakufenela waini ukwi sano.

Zakaliya 8:16

Vino mwemo mungacita sile aivi, mwalanzyanya ivyacumi. Mu matengo ya milandu mwaputula imilandu nu ulungami apakuleta ulongo.

Zakaliya 8:19

“Kuizilizya ukulya kuno mwemo mukacita mu mwezi wakwe cini, wakwe cisano, wakwe cinimbali nga nu walenga ikumi, kulaya amanda makulu akuzevya mwenemo nu kuzanga ku antu amu Yuda. Fwandi mwemo mwatemwa sile ivyacumi nu kwikala umutende.”

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

Kolose 2:9

Mwata wakwe Leza onsi waya muli Klistu, mu untu wakwe,

Umbwilo 21:10

Mupasi Wamuzilo antungulula, nga umungeli ansenda nu kuntwala papela ya mwamba utali cuze. Alino andanga Yelusalemu, Musumba Wamuzilo, ula ukwika kufuma kwiyulu kuli Leza. Wene wayengesanga nu lulumbi lwakwe Leza.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.