Zakaliya 8:23 - Amazwi Yakwe Leza 2013

²³ Yawe Wamaka yonsi wavwanga wati, “Mu manda yalya apa inamasi yonsi akaalanda indimi zipusanepusane, ainamasi ikumi yalaiza ku Muyuda wenga, nu kumunena yati, ‘Tukulonda tuye nawe, pano swemo tuvwa ukuti Leza waya kunomuli.’ ”

Zakaliya 8:23 ပူးပေါင်းရင်းမြစ်များ

Utandiko 31:41

Vikwene avino natenzi imyaka yonsi amakumi yaili lino nali nawe. Pa myaka ikumi na ini, naombelanga mpango zya pa ana yako, alino imyaka mutanda naombelanga lusoso. Lelo nanti cali vivyo wancenjizye malipilo yane maila ikumi.

Utandiko 31:7

Lelo wene wansomba nu kucefya malipilo yane maila ikumi. Lelo Leza atamuzumilizye kuti ancise.

2 Yamwene 2:6

Lyene Eliya amunena ati, “We Elisya, cazipa wikale pano, pasi pano Yawe watantuma kuti mpite ku Yodani.” Lelo Elisya avwanga ati, “Nalapa umwi zina lyakwe Yawe waumi, nga na pali wewe ukuti ntalakusya.” Acino yoili kwene iyatwalilila nu ulendo wao.

1 Milandu 12:18

Alino Mupasi wakwe Leza aikila pali wenga uwa mwi umba lili, izina lyakwe a Amasai, uwizile aya umukalamba wa mpuka ya vita vivi amakumi yatatu. Nga nawe avwanga ati, “Ala! We Davidi, umwana wakwe Yese, sweswe antu yako! Ulongo luye kunuli na kuli yao akukwazwa! Leza ali ku lusansa lwako.” Alino Davidi ayazengela nga ayapeela ivifulo umu mpuka ya vita vyakwe.

2 Milandu 15:9

Alino lyene akonganika amu mutundu wakwe Yuda yonsi na wakwe Benjamini, na wakwe Efulemu, ukwika penepo na wakwe Manase na wakwe Simeoni aikalanga pakasi kao, pasi pano aingi muno yali yizile ukufuma ku Izlaeli, yaya ku lusansa lwakwe Asa apakulola vino Yawe ali nawe.

Esita 8:17

Umu musumba nu muputule wa mpanga uli onsi, ukwalile ikufika kalata wa mwene uwa malamulo yakwe, kwali insansa uku Ayuda. Kwali ukuzevya, ukupanga amalila nu kucindikisya amanda yakulu, nu kuyacita akupuza nu kuzevya. Icalenzile na inamasi aingi yaisangule Ayuda apa kuzana ukuti yatandike ukuya ni ntete nu koopa Ayuda.

Yobo 19:3

Mwati munsalula nu kunsinkola amaila na maila, ukwaula kuti muvwe ni nsonyi foo.

Kasambilizya 11:2

Uwaika uculuzi wako mu ncende zivule, endi mu ncende zivule, pano we muntu utange umanye isyamo lino lilakuponela mu nsi ii.

Ezaya 3:6

Kuliza insita ino amu lupwa ululi longa kwene, yalasola umwi apa mwao nu kumunena iyati, “Nga vino awewe sile ukweti icakuzwala icicindame. Fwandi awewe kwene ulinzile waya simatongwa apa mwitu, uteeke ni vitalang'anda vya matongwa yaa!”

Ezaya 4:1

Mu wanda ulya anaci cinimbali yalalema umonsi wenga nu kumunena yati, “Tumailisyanga nu kuizwika swenga, cikulu sile swemo twaamilwa ukwi zina lyako, wemo watuzeulula insonyi!”

Ezaya 45:14

Yawe wavwanga ku ina Izlaeli wati, “Cuma caku Eguputo ni vyauculuzi vyaku Kusyi, vilaya ivyakwinu. Antu aku Seba, amusinku utali, yalawela kunomuli yaye azya inu nu kumulondelela icisila ala yali mu minyololo. Yalamufukamila nu kuzumila yati, ‘Cumi kwene Leza ali namwe, nga kutaya namuze. Kutaya Leza namuze.

Ezaya 45:24

“Yene yalavwanga vyapali nene yati, ‘Uololoke na maka vikazanwa sile muli Yawe. Yonsi amupata yaliza kunoli nga yaluvwa insonyi.

Ezaya 55:5

Wemo ulaama umutundu uno utatazile umanyikwe. Imitundu ino itamanyikwa iliza ulwilo kunuli, apamulandu sile wakwe Yawe wako, Wamuzilo wakwe Izlaeli, iyo ino ilakucindika.

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

Ezaya 60:3

Antu ya mitundu yuze yaliza kunuli na yamwene nayo kwene yalaileta ku luswepo lwako ululi wi lanzi ilikutunka!

Ezaya 66:18

Apa mulandu wa vicitwa vyao vino manyile, nasya nize nkolonganike antu amitundu yonsi kwene. Alino lyene iliza iilolele yonga ucindami wane.

Mika 5:5

Aliwe kwene alaleta umutende. Lino aina Asilya yalingila mu mpanga itu nu kutandika ukutuponyezya inkondo, tulatuma yamusika ya vita cinimbali, nanti intunguluzi zyamaka cinani ku kuyalwisya.

Zefaniya 3:19

Pa nsita ilya ndavunuka yonsi akamuzunya. Ndatuula yayo alemale nu kukonganika yayo asalangana. Ndaleka antu yayatasye nu kuyacindamika, konsi kuno anisi yao yayasausya.

Mpendwa 14:22

kusi nanti wenga uwamu antu yaa yonsi alingila mu mpanga ilya. Yene yalola uluswepo ulwa ucindami wane ulwacatanga nga ni vilangililo vino nacisile mu Eguputo nu mu lwanga, lelo yanjezyanga amaila na maila nu kukanayela amazwi yane.

Luka 8:44

Caleka aiiza kucisila cakwe Yesu, nga akumya kwi sempele lya nsalu yakwe, nga lilyo kwene cendamongo cisila.

Milimo 19:12

Nanti ivitambala, ni nsalu kwene zino wazwalanga ndi yatwala ku alwale, ndwala zyao zipola ni mipasi yankota ifuma munoyali.

1 Kolinto 14:25

alino vifisame vyamu mwenzo wakwe vilaumbulwa paswe, nga nawe alafukama ainame nu kupepa Leza, ale akulanda ati, “Cumi kwene Leza ali pakasi kinu.”

Yoswa 8:35

Kutasiile izwi nanti lyonga mu masunde yano Mose wapile lino Yoswa atawelenzile pa manso yi uvi lyonsi lya ina Izlaeli, ukwika pamwi na anaci na ana, nga na inamasi aikalanga pakasi kao.