Zakaliya 8:16 - Amazwi Yakwe Leza 2013

¹⁶ Vino mwemo mungacita sile aivi, mwalanzyanya ivyacumi. Mu matengo ya milandu mwaputula imilandu nu ulungami apakuleta ulongo.

Zakaliya 8:16 ပူးပေါင်းရင်းမြစ်များ

Masamu 15:2

Awiyo akapita uwakaele, wiyo akacita ni vilungamane, wiyo akavwanga ivyacumi vyamu mwenzo wakwe.

Masamu 34:15

Yawe aliwe ali kalinda wa ana asuma, nupya wene akauvwa ni nkuta zyao.

Mapinda 12:17

Kavwanga wa cumi ali kambone wa cisinka, lelo imboni yaufi ikatumpoka sile.

Mapinda 12:19

Amazwi ya cumi yakaikalilila umuyayaya, lelo ivyantumpu vyene visilengela.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Ezekelo 18:8

Asiliila muli vino wazimisya, asipoka nsonse, akafuntusya iminwe yakwe ku viipe, akapingwila na antu mu ulungi.

Ezekelo 45:9

Yawe Simwandalali avwanga ati, “Mwe ntunguluzi zya ina Izlaeli, awe mwaifya pavula! Tiini ukakasi winu nu mucuzya winu. Mwacita vyaulungami, muye nu mulungikila. Mutakaswilizye nupya ukuzinga antu yane mu mpanga yane. Ivyalanda ne Yawe Simwandalali.

Aina Levi 19:11

“Mutaiya nanti kusomba nanti kutumpoka.

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Amosi 5:24

Lelo lekini ulungami winu wakonkoloka wa luzi, nu ololoke winu wa kaluzi kano kasipwa.

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Zefaniya 3:13

Aina Izlaeli alasyalapo yatalifya ku muntu awe. Yene yatalatumpoka awe, nanti ukulanda ivyaucenjezi, foo. Yalaya nu longo nu kuikalila uku matwi cele, ukwaula nanti aumwi uwakuyasonsomba.”

Zakaliya 7:9

“Yawe Wamaka yonsi wavwanga wati, ‘Putulini imilandu nu ulungami wa cumi. Nupya cila wenga aye nu luse na mizu ku muntu muze.

Zakaliya 8:19

“Kuizilizya ukulya kuno mwemo mukacita mu mwezi wakwe cini, wakwe cisano, wakwe cinimbali nga nu walenga ikumi, kulaya amanda makulu akuzevya mwenemo nu kuzanga ku antu amu Yuda. Fwandi mwemo mwatemwa sile ivyacumi nu kwikala umutende.”

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”

Mateo 5:9

Alongo antu akaelezyanya. Pano yalaamwa ana yakwe Leza.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”