Zakaliya 8:10 - Amazwi Yakwe Leza 2013

¹⁰ Lino insita iyo itacili yafika, kutalolekanga umuntu nanti wenga uwakulembwa uku ncito iyo pakuti sile alipilwa penepo, nanti sile ukwazima iciteekwa conga pakuti caombapo nu kulipila umweneco wa citeekwa, foo. Na antu yakuposiwa kuomba imilimo yao pamulandu wakoopa anisi yao, pasi pano anene nasongelekanyanga antu yonsi.

Zakaliya 8:10 ပူးပေါင်းရင်းမြစ်များ

Ezaya 19:2

Yawe wavwanga wati, “Nemo ndasongelekanya aina Eguputo kuti yalwe atupu. Lyene yalalwa umuntu nu mwina, umuntu umwi nu mwinipamba muze, umusumba umwi nu musumba uze, alino uwene umwi nu wene uze.

Yelemiya 16:16

Yawe walanda wati, “Ndatuma avuvi ya nswi nyanya, yano yalayalema wa nswi. Ndatuma na alumba avule, nga nayo yalayalunga mu myamba yonsi nu mu macele.

Amosi 3:6

Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?

Amosi 9:4

Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Hagai 2:15

“Lyene mutale mwelenganye ivyali nu kuyacitikila lino yatatala yatandika ukukula Ng'anda ikulu yakwe Leza.

Yakapingula 5:11

Uvwini! Amaumba ya vyongo yano yali lwaku vifula ukuzinguluka. Kuku akuno yakulanda pa kucimvya kwakwe Yawe, ukucimvya wa nkonkotela ya ina Izlaeli. Lyene antu yakwe Yawe yatentemuka ukufuma mu misumba yao kwiza ku mpongolo zyakweyo.