Zakaliya 7:6 - Amazwi Yakwe Leza 2013

⁶ Lino mwalyanga nu kumwa, uzye asi mwemwe kwene mwaililanga nu kuimwela?

Zakaliya 7:6 ပူးပေါင်းရင်းမြစ်များ

1 Milandu 29:22

Lyene apa wanda kwene ulya, iyalya nu kumwa nu luzango ulukulu apa manso yakwe Yawe. Alino lyene iila lyakwe ciili yalasika Solomoni umwana umonsi wakwe Davidi apa cilimba ca wene, nga apa manso yakwe Yawe iyamupaka amafuta akumusolola ukuya intunguluzi na Zadoki nawe aya simapepo.

Ezaya 43:23

Mutandetelanga imfwele zya mawila yakoca, nanti ukuncindikila mu mpolelwa zinu. Intamucuzya foo, apa kumulenga kuti mundetele amawila ya vyakulya nu ubani.

Ezaya 58:3

Nga ala yakunguzya yati, “Uzye pacani cino tungatela ukulya icakulya vino Yawe atatusumvileko amano? Cino tungaculila icani swemuno asisakamala?” Nga ne Yawe ala nkuyasuka inti, “Lino mukata ukulya icakulya, mwemo mucumi mukalondela sile ivyakumusansamusya vitupu, nupya ali lino mukapelesya na aomvi inu imilimo yakuti yaomba.

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Oseya 9:4

Kuku kwene antu yatalapelelako amawila yakwe waini kuli Yawe, nanti ukumuzanzya ni mpolelwa zyao. Impolelwa zizyo zilaya wa cakulya capa ndosya, wensi akalya cakulya cico alakowela. Cakulya cico cilaya cakulya sile pamulandu wa nzala, asi wakwe cico cakupeela ku Ng'anda ikulu yakwe Yawe.

Zakaliya 7:5

Atandika nu kunena ati, “Nena antu yonsi mu mpanga, unene na yasimapepo kwene ukuti lino yakuizilizya ukulya na lino yakulosya mu mwezi walenga cinimbali, apa myaka amakumi cinimbali yonsi ino yapita, uzye apamulandu wakwe nene, acino mwacitilanga cico?

Zakaliya 7:7

Uzye amazwi yaa yasi yano Yawe wavwanzile ukukanwa kakwe yakasema ampiti, lino antu yikalanga umutende mu Yelusalemu nu mu misumba yamu mbali, lino mu Negebu nu mu mpanga ya misana ya twamba twaku uwondaka mwali antu?”

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

Malango 14:26

Muomvye ulupiya lulo pa kukala icintu icili consi cino mukulonda, ivili wa ng'ombe, imfwele, waini, uwengwa, nanti icili consi cino mukasi kukala. Alino lyene mwemwe pamwi na amu ng'anda zinu muce mwaipakizya nu kusansamuka pa manso yakwe Yawe Leza winu.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”