Zakaliya 7:5 - Amazwi Yakwe Leza 2013

⁵ Atandika nu kunena ati, “Nena antu yonsi mu mpanga, unene na yasimapepo kwene ukuti lino yakuizilizya ukulya na lino yakulosya mu mwezi walenga cinimbali, apa myaka amakumi cinimbali yonsi ino yapita, uzye apamulandu wakwe nene, acino mwacitilanga cico?

Zakaliya 7:5 ပူးပေါင်းရင်းမြစ်များ

2 Yamwene 25:23

Intunguluzi zyonsi zyaku Yuda na akalamba ya vita, yayo yonsi akanyile uku cimbila aina Babiloni, lino yuvwa umulandu uo, ali pakuya kuli Gedaliya, uwali ku Mizipa. Antu yayo yali a Isumeli umwana umonsi wakwe Netaniya, Yoanani umwana umonsi wakwe Kaleya, na Selaya umwana umonsi wakwe Taniumeti uwaku Netofa, na Yazaniya umwana umonsi wa mwina Maaka, pamwi na antu yao kwene.

2 Yamwene 25:25

Lelo walanga wafika umwezi walenga cinimbali, Isumeli umwana umonsi wakwe Netaniya, umwizikulu wakwe Elisyama, uwali uwaku wene, waile uku Mizipa apali ponga na antu ikumi lyonga nu kuya zanza Gedaliya, iyamukoma nga iyakoma na ina Izlaeli pamwi na ina Babiloni yano yali nawe, mpaka afwa.

Ezaya 43:23

Mutandetelanga imfwele zya mawila yakoca, nanti ukuncindikila mu mpolelwa zinu. Intamucuzya foo, apa kumulenga kuti mundetele amawila ya vyakulya nu ubani.

Ezaya 58:3

Nga ala yakunguzya yati, “Uzye pacani cino tungatela ukulya icakulya vino Yawe atatusumvileko amano? Cino tungaculila icani swemuno asisakamala?” Nga ne Yawe ala nkuyasuka inti, “Lino mukata ukulya icakulya, mwemo mucumi mukalondela sile ivyakumusansamusya vitupu, nupya ali lino mukapelesya na aomvi inu imilimo yakuti yaomba.

Yelemiya 25:11

Impanga yonsi ii, imasyala sile ulwanga, cakuti yauze ndi yalolekesya, awe pasi pantete. Antu yonsi yalaombela umwene waku Babiloni apa myaka amakumi cinimbali.

Yelemiya 29:10

“Nupya Yawe wavwanga wati suka sile imyaka amakumi cinimbali ino yamupimila ku Babiloni ice isile, alino ndiza mupempule. Ndafikilizya nu ulayo uno nalavile apakumuwezezya umu ncende ii.

Yelemiya 52:12

Apa wanda walenga ikumi wa mwezi walenga isano, uwa mwaka walenga fundimbali wa wene wakwe Nebukadineza, umwene waku Babiloni, Nebuzaladani umukalamba wakwe yakalinda ya mwene waku Babiloni wingile mu musumba wa Yelusalemu.

Danieli 9:2

ne Danieli napitulwike mu Malembelo yamuzilo ukulingana na mazwi yano Mwene wanenyile kasema, nga niluka ukuti Yelusalemu alaya wa citalang'anda apa myaka amakumi cinimbali.

Oseya 7:14

Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Zakaliya 1:12

Lyene umungeli wakwe Yawe avwanga ati, “We Yawe Wamaka yonsi, uzye ukufika lilaci lino utalaya na mizu ku ikazi amu Yelusalemu nu mu misumba yaku Yuda, yayo yano waponyezizye ukali wako pa myaka amakumi cinimbali?”

Zakaliya 7:3

Yaile ku kuyauzya yasimapepo na yakasema yati, “Uzye tumatwalilila sile ukulosya pamulandu wakononwa kwa Ng'anda ikulu yakwe Yawe nu kuizilizya ukulya mu mwezi wakwe cisano ndi muno tukacitila pa myaka ivule ndi vii?”

Zakaliya 7:4

Lyene izwi lyakwe Yawe lyamfikile ne Zakaliya.

Zakaliya 7:6

Lino mwalyanga nu kumwa, uzye asi mwemwe kwene mwaililanga nu kuimwela?

Zakaliya 8:19

“Kuizilizya ukulya kuno mwemo mukacita mu mwezi wakwe cini, wakwe cisano, wakwe cinimbali nga nu walenga ikumi, kulaya amanda makulu akuzevya mwenemo nu kuzanga ku antu amu Yuda. Fwandi mwemo mwatemwa sile ivyacumi nu kwikala umutende.”

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Mateo 6:16

“Nupya lino mukuizilizya ukulya mutaya wa asomvi, akanyomeka mausyu yao pakuti antu yamanye vino yati yaizilizya ukulya. Cumi namunena nati, yene yapokelela cilambu cao.

Mateo 6:2

“Caleka lino mukupeela uwila kuli umwi, mutaleka yauze yamanye, wakwe vino asomvi yakacita mu mang'anda ya mapepo nu mu misolo kuti antu yayalumbanye. Cumi namunena vino yene yapokelela cilambu cao.

Mateo 6:5

“Na lino mukupepa, mutakolana wa asomvi! Yene yatemwa kwimilila nu kupepa mu mang'anda ya mapepo nu mu masansa ya miseo, kuti yalolwe na antu. Cumi namunena vino, yene yapokelela cilambu cao.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

2 Kolinto 5:15

Klistu watufwilile swensi. Wafwile pakuti tutaikala umi uwakuizanzya, lelo uwakuzanzya wino uwafwile nupya wazyukwike pamulandu witu.

Kolose 3:23

Mulimo onsi uno mukuomba, ombini ni myenzo inu yonsi, kwati limwi mukuombela Mwene, asi kuombela umuntu.