Zakaliya 4:9 - Amazwi Yakwe Leza 2013

⁹ “Zelubabeli watatandika ukukuula umufula wa Ng'anda kwene ii ikulu, nu kumala ali wino alamala. Lino Ng'anda iyo ilasila, alino antu yane yalasininkizya ukuti fwandi nene Yawe Wamaka yonsi nakutumile kuno yali.

Zakaliya 4:9 ပူးပေါင်းရင်းမြစ်များ

Ezila 5:16

Avino Syesyibaza wizile akuula imifula ya Ng'anda yakwe Leza umu Yelusalemu. Ukufuma pa wanda ulya ukufika ni lelo kwene ng'anda icili ikukuulwa lelo itacili isile.

Ezaya 48:16

“Acino fwandi mwemo palamilini sile kuno, muvwe vino nemo nkuvwanga. Ukutandika sile uku katalili, nemo nkamulandila ivintu apaswe, nupya lyonsi nkaleka vino ndanzile vicitike.” (Lyene Yawe wampeela Umupasi wakwe, nu kuntuma.)

Hagai 2:18

Ilelo uwanda uwalenga makumi yaili na yani, umwezi wakwe fundimbali auno umufula wa Ng'anda ikulu yakwe Yawe wikwa. Acino mwelenganyepo lyene pali ci,

Zakaliya 1:16

“Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Zakaliya 2:13

Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.

Zakaliya 4:8

Nupya Yawe wanenyile icintu nacuze ati,

Zakaliya 6:15

“Antu aikala kutali yaliza mukwazwilizya ukukuula cipya cipya Ng'anda ikulu yakwe Yawe. Lino ilasila, alino mulasininkizya ukuti fwandi Yawe Wamaka yonsi aliwe wantumile ne Zakaliya kunomuli. Ni cintu cico cilacitika kuno muli ndi mwalondela ningo vino Yawe wamukonkomezyanga.”

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Yoane 3:17

Pano Leza atatumile Mwana wakwe muno nsi kuti aiize apingule amu nsi, lelo kuti atuule umi wao.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.