Zakaliya 4:7 - Amazwi Yakwe Leza 2013

⁷ “Nanti pace paye intazi uli, nemo ndalenga ukuti ukacimvye. Awewe ulankuulila cipya cipya Ng'anda yane ikulu, awewe nupya ulika ni iwe ilyapa nsonsi, lilyo na antu yalapunda yati, ‘Eya, kalukuwala! Kalukuwala!’ ”

Zakaliya 4:7 ပူးပေါင်းရင်းမြစ်များ

Ezila 3:10

Walanga yakakuula yamala uku kuula umufula wa Ng'anda ikulu yakwe Leza, yasimapepo nayo pali pakwiza, ale yatiyazwala insalu zyamutengo zya usimapepo izisuma. Yasenzile ni ntandala yakulizya. Aina Levi (ana aonsi yakwe Asafu) yene ala yali ni viwaya yakulumbanya Yawe, wakwe vino Davidi mwene wa ina Izlaeli wayatantikile.

Masamu 114:4

Imyamba nayo yatolokanga amalimba wakwe yasuuku. Imilundu nayo kwene yatolokanga wa twana twa mfwele.

Masamu 114:6

Namwe mwe myamba, icani cino mwatolokelanga wakwe yasuuku, namwe kwene mwe milundu, cino mwatolokelanga wa twana twa mfwele?

Masamu 118:22

Iwe lino yakakuula yakanyile lyene lyacisilwe iwe lya pitungi lya ng'anda. Yawe uwacita vii, awe cene catuzungusya cuze.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Ezaya 41:15

Nemo ndamucita wi celeta lyakupuulilako ingano, nalyo ilipya ilya mino asongole. Mulaapuula imyamba nu kuisyunola, utwamba twene tulaavungoka sile kwati ivu.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Yelemiya 51:25

We Babiloni, wemo ukoline umwamba uno ukaonona insi yonsi, lelo ne Yawe, nene ndi mwanisi wako. Ndakulema nu kukukunkulusya ukufuma pa vimawe vivyo ivitali. Ndakusangula wa mwamba uno wapya ku moto.

Mika 1:4

Imyamba iyo ikusunguluka pano walyata ungati ipula mu moto, nga ni vyati visunguluka ivikonkolokela mu vifoloma, wa manzi akukonkolokela ku mikonko.

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Habakuku 3:6

Wene ndi wimilila, insi yonsi ikatenkana. Ndi walolekesya, insi yonsi izakaza. Imyamba yape ikasunguluka ni milundu yamuyayaya nayo ikalokotela pansi. Ikwene ili milundu ino twapitangamo.

Zakaliya 4:8

Nupya Yawe wanenyile icintu nacuze ati,

Zakaliya 4:9

“Zelubabeli watatandika ukukuula umufula wa Ng'anda kwene ii ikulu, nu kumala ali wino alamala. Lino Ng'anda iyo ilasila, alino antu yane yalasininkizya ukuti fwandi nene Yawe Wamaka yonsi nakutumile kuno yali.

Mateo 21:21

Yesu nawe aasuka ati, “Cumi namunena vino ndi mukweti utailo, ndi musyakutwisika, mulacita na cino nati ncita ku musamvu. Mulanena nu mwamba kwene uu, muti, ‘Katuka uisumbe muli yemba,’ nga cilacitika vivyo kwene.

Mateo 21:42

Lyene Yesu ayauzya ati, “Uzye mutatala mwawelenga mu malembelo yano akati, ‘Iwe lino yakakuula yakanyile, lyene lyacisilwe iwe lya pitungi lya ng'anda. Mwene uwacita vii, uzye catuzungusya uli mu manso itu?’

Mako 12:10

Uzye ale mutali muwelenge ilembelo lii? ‘Iwe lino yakakuula yakanyile, lyene lyacisilwe iwe lya pitungi lya ng'anda.

Luka 20:17

Yesu ayalolekesya nga ayauzya ati, “Uzye lyene, icalembwa cino cikati, ‘Iwe lino yakakuula yakanyile lyene lyacisilwe iwe lya pitungi lya ng'anda,’ cikasenula uli?

Luka 3:5

Vifoloma vyonsi vilazikwa, ni milundu ni myamba vilapasiwa, ni miseo iyongane ilolololwa, inzila zya tulundu tulundu zilalinganyiwa.

Milimo 4:11

Yesu ali wino malembelo yakati, ‘Iwe lino mwe yakakuula mwakanyile lyene lyacisilwe iwe lya pitungi lya ng'anda.’

Loma 11:6

Lelo wene wayasolwile pa kuya ni cikuku kunoyali asi pamulandu wa milimo yao ino yaomba. Pano ndi cili pa milimo, ale lyene cikuku cakwe cile cisi cikuku ca cumi.

Efeso 2:20

Mwemo mukoline wa cikulwa cino mufula wakweco atumwa na yakasema, nga Klistu nawe ali iwe lya pitungi.

1 Petulo 2:7

Iwe lii ilyamutengo cuze kuli mwe muno mwataila. Lelo kuli yao atataila, kunoyali cili ndi vino malembelo yauze yakati, “Iwe lino yakakuula yakanyile, lyene lyacisilwe iwe lya pitungi lya nganda.”

Umbwilo 16:20

Vilila vyonsi vitakuloleka, ni myamba yonsi nayo itakuloleka.