Zakaliya 4:6 - Amazwi Yakwe Leza 2013

⁶ Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Zakaliya 4:6 ပူးပေါင်းရင်းမြစ်များ

Utandiko 41:16

Yosefu azumila ati, “Nemo ntangacita cico, lelo Leza amapeela wilulo usuma kuli Falao.”

1 Yamwene 19:12

Lino icilundumusi capita, ipiza penepo umoto, nga lelo Yawe atali mwenemo mu moto uwo. Lino umoto wata, ipalondelela penepo izwi lyaku totoza.

2 Milandu 14:11

Lyene Asa apepa kuli Leza wakwe ati, “We Yawe, kusi umwi akoline nawe wiyo angatutuula. We Yawe, Leza witu, si ule utwazwe, pasi pano amuli wewe sile muno tusintilile amaka. Umwi zina lyako amuno twatitwizila apakulwisya iumba lya vita lilyo ilikalamba. Iye we Yawe, wewe Leza witu nupya kusi nanti wenga angakucimvya.”

Ezila 2:2

Yatungulwilwe na Zelubabeli, Yesyua, Neemiya, Selaya, Leelaya, Modekai, Bilisyani, Misipali, Bigivai, Leumu na Baana. Fwandi uwo uli utantiko wa ina Izlaeli, awelulwike. Utantiko uyelile mu nko zyao ni milimo yao, nga alino ni mpendwa yakwe cila luko nanti cila umba:

Ezila 3:10

Walanga yakakuula yamala uku kuula umufula wa Ng'anda ikulu yakwe Leza, yasimapepo nayo pali pakwiza, ale yatiyazwala insalu zyamutengo zya usimapepo izisuma. Yasenzile ni ntandala yakulizya. Aina Levi (ana aonsi yakwe Asafu) yene ala yali ni viwaya yakulumbanya Yawe, wakwe vino Davidi mwene wa ina Izlaeli wayatantikile.

Ezila 5:2

Lyene Zelubabeli umwana wakwe Syeatieli nga na Yesyua umwana wakwe Yozadaki lino yuvwa mazwi yayo iyatandika uku kuula nupya Ng'anda ikulu yakwe Leza umu Yelusalemu. Nga yakasema yakwe Leza nayo ala yali pipi yakuyazwa.

Masamu 33:16

Uwingi wa vita usipususya Umwene foo. Umucindami nawe, avivyo kwene, asiipususya uku maka yakwe foo.

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Ezaya 30:1

Yawe walanda wati, “Antu yano yakateeka impanga yakwe Yuda, yalacilola pamulandu wakutalamila ne Leza wao. Yene yakacita vino nemo ntateinye. Nupya yakapangana ni mpanga zyuze, ivipangano vino nemo nsyalonda. Fwandi lyene ali pakucililako ukwifya.

Ezaya 32:15

Lelo Leza alatutumila Mupasi wakwe, ukufuma kwiyulu, alino amalwanga yalasanguka avunde, cakuti nu mu vyalo mulafuma ivyakulya vya mpomvu.

Ezaya 34:16

Londa nu kuwelenga umu lupapulo lwakwe Yawe, lwa vintu vyaumi. Muwelenge mumazana ukuti pali vyonsi pasikuulilwa nanti conga. Nupya vyonsi vimayanga viili viili, iconsi ni cakaci. Yawe aliwe kwene wakomailanga ukuti ciye vivyo kwene. Umwisikulu aliwe alavikonganika pamwi.

Ezaya 59:19

Alino lyene yamaoopa izina lyakwe uku uwondaka nu ucindami wakwe uku ufumondaka. Aliza wa luzi luno lwapongwela, luno umupu wakwe Yawe ukusuunka.

Danieli 2:34

Walanga ucili lolekesya, iwe likulu lisozoka apa mwamba ukunuke ukwaula umwi kulilema, nga litamola ingazo zya cela ni ivu, zya ciluwi cici, ilizivungola.

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Hagai 1:1

Mu mwaka wakwe ciili uwa kuteeka kwakwe Dalyusi, apa wanda uwakutandika uwa mwezi wakwe mutanda, amazwi yakwe Yawe yafikiile kuli kasema Hagai. Amazwi yali akunena Zelubabeli, umwana umonsi wakwe Syeatieli, umulasi waku mpanga yaku Yuda. Nga alino nakuli Yoswa, umwana umonsi wakwe Yeozadaki, Simapepo Mukulu.

Hagai 2:21

“Umunene Zelubabeli umulasi waku Yuda ukuti indi nu kutensya iyulu kumwi ni nsi yonsi iya pansi.

Zakaliya 6:12

Ukamunene ukuti ne Yawe Wamaka yonsi navwanga nati, ‘Umuntu wino akaamwa ukuti umusambo, wakulilila papo kwene pano ali, nga nu kukuulila Yawe Ng'anda ikulu cipya cipya.

Mpendwa 27:16

“Si angala Yawe Leza, kapeela wa umi ku antu yonsi, asontele iuvi lii intunguluzi

Efeso 6:17

Pokelelini ufyusi, uye wa ngowani, nga na mazwi yakwe Leza yano Mupasi Wamuzilo akamupeela, nayo yaye wa lupanga.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

1 Samueli 17:47

Nu muntu wensi pano alamanya ukuti Yawe asilonda amalupanga nanti amasumo pa kutuula antu yakwe. Wene akacimvya umu ulwi, nga alapeela mwensi kwene umu makasa itu.”