Zakaliya 4:2 - Amazwi Yakwe Leza 2013

² Alino anguzya ati, “Uzye icani cino ukulolekesya?” Nga nani imwasuka inti, “Nkulolekesya cakutekapo inyali, naco cili sile cakwe zaabu mutuputupu, nkulolekesya na pa musazi wa mafuta uli papela yakweco, nga ni nyali penepo cinimbali. Inyali zyonsi yonga yonga zyakweti vipongo vya utambi cinimbali.

Zakaliya 4:2 ပူးပေါင်းရင်းမြစ်များ

1 Milandu 28:15

nu kunyoma kwakwe zaabu wakupangila ivyakutekapo inyali vyakwe zaabu ni nyali zyaviko, nu kunyoma kwa cakutekapo inyali cakwe zaabu icili consi kumwi ni nyali zyakweco. Apima nu kunyoma kwakwe siluva wakupangila cakutekapo inyali cakwe siluva icili consi kumwi ni nyali zyakweco, ukulingana nu mulimo wa cakutekapo inyali icili consi,

2 Milandu 13:11

Cila katondo na manguzi, yakapeela amawila yakoca ni vyamununko usuma kuli Yawe. Yakaika nu mukate api tebulo iliswefiwe ilyamuzilo. Nupya cila manguzi yakakozya inyali zino yatekwa pa vyakuteekapo inyali. Swemo tukalondela vino Yawe watukonkomizye, nomba mwemo mwamutalamila.

2 Milandu 4:7

Alino iyapanga ni vyakutekapo inyali vyakwe zaabu ukulingana muno vyali nu kupangilwa, iyavika nu mu Ng'anda ikulu yakwe Yawe. Visano iyavitekeela lwaku katutu na visano lwaku kaeya.

Kasambilizya 12:6

Umunyololo wakwe siluva ulaputuka ni lampi lyakwe zaabu lilapona nu kutamoka. Umwando wa pa cifula ulaputuka ni nsembo ilatamoka.

Yelemiya 24:3

Lyene Yawe avwanga kunondi ati, “We Yelemiya, uzye walola cani?” Nani imwaasuka inti, “Nalola amasamvu. Yamwi asuma sana, nga na yamwi aipisye sana atange yalikwe.”

Yelemiya 52:19

Musika wa vita wilya atoola amabeseni, ivyakupembelapo umoto, imbale zyakusansila amanzi ni vyakutekapo inyali, ivifutikilo ni ngeso navyuze vyonsi ivyapangwa na zaabu na siluva.

Amosi 7:8

Alino Yawe anguzya ati, “We Amosi, uzye icani cino walola?” Nani imwaasuka inti, “Umwando wakupimilako ulung'umba.” Lyene Yawe avwanga ati, “Nkwika umwando kwene uu pakasi ka antu yane aina Izlaeli kuti ciloleke vino yene yatiyafuma mu nzila. Nanti ciye uli, mpaka njavunuke.

Zakaliya 5:2

Umungeli pali pakunguzya ati, “Uzye walola cani?” Nani naasuka inti, “Nalola ulupapulo lukupapuka umwiyulu, luno mu utali luli amamita fundimbali nga nu mu kusalala namo amamita yani na citika.”

Umbwilo 1:12

Naselewike kuti ndole wino uwavwanganga kunondi, nga ndola ivyakutekapo inyali cinimbali vyakwe Zaabu,

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”

Umbwilo 4:5

Kufuma mu cilimba ca wene inkuwa yamyansyanga, ni ciunda cakupangalansya. Inkolelo ya cilimba ca wene pakanga inyali cinimbali. Zyene ili mipasi cinimbali yakwe Leza.