Zakaliya 4:14 - Amazwi Yakwe Leza 2013

¹⁴ Umungeli nawe ati, “Antu yaa yaili ali yano Yawe umweneco wa nsi yonsi wapaka amafuta nu kuipaatwila pakuti awino yaombela.”

Zakaliya 4:14 ပူးပေါင်းရင်းမြစ်များ

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

Ezila 5:2

Lyene Zelubabeli umwana wakwe Syeatieli nga na Yesyua umwana wakwe Yozadaki lino yuvwa mazwi yayo iyatandika uku kuula nupya Ng'anda ikulu yakwe Leza umu Yelusalemu. Nga yakasema yakwe Leza nayo ala yali pipi yakuyazwa.

Masamu 110:4

Umwene walafile umulapo, nu kufutuka atange afutuke foo! Watiile, “Wewe simapepo wakuyelelela mu lutambi lwakwe Mekisedeki.”

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Masamu 89:20

Ninzana umuomvi wane Davidi, wino nasolola apa kumupongolwela amafuta yamuzilo.

Kufuma 29:7

Lyene utoole amafuta akusolwela nga umupongolwele pa mutwe wakwe kuti umulasike.

Kufuma 40:15

Lyene uyapake amafuta wakwe vino wapasile isi wao kuti yaye yasimapepo akuntumikila. Kupakwa amafuta kuko kulalenga kuti yaye yasimapepo pa nkulo ni nkulo.”

Ezaya 5:1

Kanimbile cuza wane ulwimbo lwa citemwiko cino wakwatila icalo cakwe ca matingi. Ala cuza wane wakweti icalo cakwe ca matingi, cico icali pa mwamba uwa muvundo.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Yelemiya 49:19

Ndiza njapumikizye nu kuyazingila kutali, wakwe vino cisama akacita ukufuma mu matesi yakwe Yodani nu kutumbela mu nyika ya mulemvwe. Alino lyene ndiika mwenemo yano ntemilwe nemweneco. Aweni waya wakwe nene? Wino angandolwela aweni? Na kacema wino angimilila pa cinso cane aweni?

Aina Levi 8:12

Mafuta yamwi akusolwela aitila pa mutwe wakwe Aloni, amupaka nu kumulenga kuti aye mupaatulwe.

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Zakaliya 6:13

Aliwe kwene alankuulila Ng'anda yane ikulu ne Yawe, nupya alacindama wa mwene wa muno nsi, wiyo alaateeka na antu yakwe. Alakwatapo simapepo wenga wino alaaimilila pa cilimba cakwe ca wene, yonsi yoili yalauvwana nu kuombela ca pamwi mu mutende.

Zakaliya 6:5

Umungeli wilya nawe angasuka ati, “Yakwene ili miza ini ya kwiyulu, ino ikufuma kuli Yawe umweneco wa nsi yonsi.”

Luka 1:19

Lyene mungeli amwaasuka ati, “Nene Gabilieli, wino akaikala pipi na Leza, nupya natumwa kuti nize nkumanyisye nu kukunena Ilandwe Lisuma lii.

Malango 10:8

Pa nsita kwene iya Yawe wapaatwile amu mutundu wakwe Levi kuti yangaya yakasenda ya Mbokosi ya Upangano yakwe Yawe. Nu kuti yaimilila inkolelo yakwe Yawe nu kumutumikila, yala yakutaka upolelelo umwi zina lyakwe, wakwe vino yakacita na pilelo kwene.

Yoswa 3:11

lilyo lino yasimapepo yalasenda Mbokosi ya Upangano ya Mwene wa nsi yonsi nga yamukolelele ukwingila mu Luzi lwa Yodani.

Yoswa 3:13

Nga zuwazuwa lino yasimapepo asenzile Mbokosi ya Upangano yakwe Yawe, umwene wa nsi yonsi yalyata mu Luzi lwa Yodani, amanzi yaluko yano yakukonkolokela ukwisika yalaputulwa nga yatulumane pamwi.”

Umbwilo 11:4

Yakambone yaa yaili yene ili miti iili ya miolivi nga ni vyakutekapo inyali viili ivyaya ku nkolelo ya Mwene uwateeka insi yonsi.

1 Samueli 10:1

Lyene Samueli atoola umusazi wa mafuta ya miolivi ayapongolwela pa mutwe wakwe Samueli nga amutonsola, nga amunena ati, “Yawe umwisikulu aliwe wakusonta kuti uye umwene wa antu yakwe aina Izlaeli. Wewe uli nu kuteeka antu yakwe Yawe nu kuyatuula ku anisi yao, yano yayalizizya. Wemo ulapelwa icimanyililo ica kukulanga ukuti Yawe watasonta wewe ukuya umwene wa antu yakwe.

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”