Zakaliya 3:7 - Amazwi Yakwe Leza 2013

⁷ “Yawe Wamaka yonsi wavwanga wati, ‘Wemo ndi umayela amasunde yane, umaomba imilimo ino nkupiile, ale wewe umaya umukalamba wa ng'anda yane, ni misolo yane yonsi kwene. Nu kuvwa namauvwanga amapepo yako ndi vino nkauvwa amapepo ya angeli yaa aimilile apa nkolelo.

Zakaliya 3:7 ပူးပေါင်းရင်းမြစ်များ

Utandiko 26:5

Ndakupolelela, pamulandu wakuti Abulaamu wanjelanga nu kusunga amasunde yane, malayo na malamulo yane.”

1 Yamwene 2:3

Uwacita vino Yawe Leza wako wakupeela ilamulo kuti ucite. Uwayela amasunde na malamulo yakwe yonsi wakwe vino yalembwa mu mpapulo zyakwe Mose, pakuti vyonsi vino ulacita vikuzipile ukuli konsi kuno ungaya.

1 Yamwene 3:14

Nupya ndi cakuti umalondelanga umu ntampulo zyane, wawaka na masunde yane pamwi ni vyeo vyane ndi vino so Davidi wacitanga, ndavuzya amanda ya umi wako.”

1 Milandu 23:32

Avili vino aina Levi yaombanga imilimo yao umwi Taalu lya Ukongano, nu mu Ncende Yamuzilo, nga nu kwazwilizya akazi kao, amu mupanda wakwe Levi mu Ng'anda ikulu yakwe Yawe.”

Ezaya 62:9

Lelo yano yavizombwile ali yano yalavilya nu kulumbanya Yawe. Mwemuno mwasunganga nu kukulula amatingi amwemwe sile mulamwa waini mu misolo yane yamuzilo.

Ezekelo 44:8

Mu cifulo ca kuomba umulimo wane umu Ng'anda yane ikulu, mwemo mwikapo muze apa cifulo cinu awino amaomba imilimo iyo mwenemo.

Ezekelo 48:11

Incende yamuzilo ilaya yakwe yasimapepo amu mupanda wakwe Zadoki aonsi, yayo antumikilanga nu kukana utalami uwakweti aina Izlaeli mu kucita ivitazifile, ndi vivi ivyacisile aina Levi.

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Aina Levi 8:35

Mulinzile mwaikala pa mulyango wi Taalu lya Ukongano, musanya nu usiku, amanda cinimbali ala mukuomba kulingana na vino Yawe wamupeela ilamulo. Ndi mutakucita vii, mulafwa. Lii, lili lamulo lino Yawe wapeela kunondi.”

Zakaliya 3:6

Alino mungeli wakwe Yawe anena Yoswa ati,

Zakaliya 4:14

Umungeli nawe ati, “Antu yaa yaili ali yano Yawe umweneco wa nsi yonsi wapaka amafuta nu kuipaatwila pakuti awino yaombela.”

Zakaliya 6:15

“Antu aikala kutali yaliza mukwazwilizya ukukuula cipya cipya Ng'anda ikulu yakwe Yawe. Lino ilasila, alino mulasininkizya ukuti fwandi Yawe Wamaka yonsi aliwe wantumile ne Zakaliya kunomuli. Ni cintu cico cilacitika kuno muli ndi mwalondela ningo vino Yawe wamukonkomezyanga.”

Zakaliya 6:5

Umungeli wilya nawe angasuka ati, “Yakwene ili miza ini ya kwiyulu, ino ikufuma kuli Yawe umweneco wa nsi yonsi.”

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Yoane 14:2

Mu ng'anda yakwe Tata muli miputule iingi, nga nani nkuya kukumuteyanyizizya ncende. Ndi cisi vivyo, nga namunena.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.