Zakaliya 3:2 - Amazwi Yakwe Leza 2013

² Alino umungeli wakwe Yawe anena Satana ati, “Si Yawe angala akupezye! Yawe uwasolwile Izlaeli, aliwe akukalipile! Uzye umuntu wiyo asi sile wa cisonsololwa cino yasompwile apa moto?”

Zakaliya 3:2 ပူးပေါင်းရင်းမြစ်များ

2 Milandu 6:5

‘Ukutandikila sile pa wanda uno nemwisikulu nafumizye antu yane umu Eguputo, ukwizafika na pilelo kwene, ntatazile nsolole umusumba nanti onga umu mpanga ya mitundu yonsi ya ina Izlaeli umwakuti yangampepela mwenemo. Nupya ntatala nasolola umuntu nanti wenga uwakuti awino atungulula antu yane aina Izlaeli.

2 Milandu 6:6

Lelo nemo nasolola umusumba wa Yelusalemu kuti amuno antu yampepela mwenemo, nupya nasolola Davidi kuti ateeka antu yane aina Izlaeli.’ ”

Masamu 109:31

Yawe akavwangila umupina, nu kumupususya kuli yao akamupingwila ukufwa.

Ezaya 7:4

Uye ukamuceule, umunene ateke umwenzo, atuvwa intete nupya atasakamala. Pano icipyu ca mwene Lezini na antu yakwe aina Alamu, ni cipyu ca mwene Peka umwana wakwe Lemaliya vitange vicite umuntu nanti cimwi. Pano antu yayo yali sile wa cunsi icikufutumuka uku tusonsololo twili.

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Zakaliya 1:17

Ulundepo ukuuma imbila uti, “Yawe Wamaka yonsi walanda wati, ‘Mu misumba yane ii mulaya icuma icivule. Yawe nupya kwene alatekezya Zioni, nga nu kuleka umusumba wa Yelusalemu waamwa ukuti umusumba wane.’ ”

Zakaliya 2:12

Nupya nalyuze, Yawe alatengela Yuda ukuya wacuma cakwe mpo, icaya umu mpanga yamuzilo, nga lyene Yelusalemu aliwe alaya umusumba wakwe utemwikwe ukuluta pali yonsi.

Mako 1:25

Yesu akalipila mupasi wankota ati, “Myalala, fuma mu muntu wi!”

Mako 9:25

Yesu alola iumba likupalamila kunoyali. Alino akalipila mupasi wankota ati, “We mupasi wankota wakwe ucipuuli na uciulu, nakunena kuti ufume mu mulumendo nupya utakaswilile munoli.”

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

Luka 4:35

Yesu akalipila mupasi wankota ati, “Myalala, fuma mu muntu wi!” Mupasi wankota umuponya pansi ala yakulola, alino ufuma kwaula kumucisa.

Luka 9:42

Lino mulumendo acili akwiza, mupasi wankota umuponya pansi alino umutensya na maka. Alino Yesu akalipila mupasi wankota, apozya mulumendo, nga nupya amupeela kuli isi.

Yoane 13:18

“Ntakulanda pamulandu wakwe mwemwe mwensi. Manyile yao yano nasolola. Lelo ilembelo lilinzile lifikiliziwe, lino likati, ‘Umuntu wino akulya pamwi nani watankatukila.’

Loma 16:20

Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.

Loma 8:33

Uzye aweni angapeela asololwe yakwe Leza mulandu?

1 Yoane 3:8

Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.

Yuda 1:23

Tuulini nu kusompola yamwi yataponela mu moto. Na kuli yamwi Muye na mizu nga ni ntetepo. Lelo sokini miyele yao ni vizwalo vyao kwene ivyakoweziwa ni vya lunkumbwa lwao lwipe.

Yuda 1:9

Nanti Mikaeli kwene mungeli mukulu atacisile cii lino walemanile na Ciwa pa kulola wino angatola cala cakwe Mose. Mikaeli atavwanzile izwi nanti lyonga lya miponto. Wene wavwanzile sile ati, “Mwene akukalipile!”

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”