Zakaliya 3:10 - Amazwi Yakwe Leza 2013

¹⁰ Mu wanda ulya, mwemo mwensi mulaamana na inipamba yauzo. Mulaikala mu visao vya mitingi ni misamvu, mumo muno mulaalila amalila ku matwi cele pamwi nayo.’ ” Kuu kuli kuvwanga kwane, ne Yawe Wamaka yonsi.

Zakaliya 3:10 ပူးပေါင်းရင်းမြစ်များ

1 Yamwene 4:25

Mu manda yonsi yano Solomoni wali umumi, Ayuda na ina Izlaeli yatenzi mu mutende, kutandikila ku Dani ukufika nu ku Belisyeba, cila muntu atulizye amatingi nanti amasamvu yakwe.

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

Ezaya 32:18

Umu mpanga ya antu yakwe Leza mulaya ulongo ni cituku, na antu yakwe nayo kwene yatalalola nanti cimwi ica kuyasakamika.

Ezaya 36:16

Ala mwandi mutacuvwa kuli Hezekiya. Umwene mukalamba wa ina Asilya akuti, ‘Mungala muifumile sile mwenga mu musumba, mwize mucimbe kunondi. Lyene ale mumaililanga sile mwenga amatingi inu na masamvu inu nu kuimwela sile amanzi mu vifula vinu.

Yelemiya 32:15

Pano Yawe Wamaka yonsi, Leza wa ina Izlaeli wavwanga wati, ‘Umu mpanga ii, antu yalakala nupya amang'anda, ivyalo ni miyanda ya matingi.’ ”

Oseya 2:18

Mu wanda ulya ndacita upangano ni nyama zya mpanga, ni vyunyi vyamu lwelele, nga ni viumbwa ivikasela pansi, kuti vitakacitile antu yane iviipe. Nupya ndasisya ulapwa, lupanga, kumwi ni vyanzo vyuze vyonsi vya nkondo, nga nu kuvisisya umu mpanga iyo, kuti yene yikale umi wa mutende.

Mika 4:4

Lelo umuntu ali wensi alaikalila mu mutende apakasi ka mitingi ni misamvu yakwe. Kusi nanti umwi alayoofya, pano Yawe Wamaka yonsi uwatavwanga vintu vii.

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.