Zakaliya 3:1 - Amazwi Yakwe Leza 2013

¹ Umu cilolwa cuze Umwene Leza wandanzile Simapepo Mukulu Yoswa, ala aimilile lwa pambali ya mungeli wakwe Yawe. Nupya wandanzile na Satana wiyo uwimilile ukwilunji lyakwe Yoswa apakuti angamuvwangila kweneko.

Zakaliya 3:1 ပူးပေါင်းရင်းမြစ်များ

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

1 Milandu 21:1

Apa nsita imwi Satana walondanga ukuletelela aina Izlaeli, caleka atunkola Davidi kuti apende antu.

2 Milandu 29:11

Mwe ana yane, mutazingota pali ndakai awe, pasi pano Yawe wamusolola kuti mwimilile apa manso yakwe nu kumutumikila, na kuti mwatungulula apa kumupepa nu koca ubani.”

Ezila 10:18

Yaa ali yano yatwite aci ainamasi. Muli yasimapepo, yano yatwite aci ainamasi aeya: Mu amu mupanda wakwe Yesyua na ina yakwe Yozadaki na ina, a Maaseya, Elieza, Yalibu na Gedaliya.

Ezila 2:2

Yatungulwilwe na Zelubabeli, Yesyua, Neemiya, Selaya, Leelaya, Modekai, Bilisyani, Misipali, Bigivai, Leumu na Baana. Fwandi uwo uli utantiko wa ina Izlaeli, awelulwike. Utantiko uyelile mu nko zyao ni milimo yao, nga alino ni mpendwa yakwe cila luko nanti cila umba:

Ezila 5:2

Lyene Zelubabeli umwana wakwe Syeatieli nga na Yesyua umwana wakwe Yozadaki lino yuvwa mazwi yayo iyatandika uku kuula nupya Ng'anda ikulu yakwe Leza umu Yelusalemu. Nga yakasema yakwe Leza nayo ala yali pipi yakuyazwa.

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Masamu 109:6

Sungala uleke umuntu umwi umwipisye awino apingwile umwanisi wane, leka nu mwanisi wakwe awino amusinile.

Yelemiya 15:19

Caleka Yawe avwanga ati, “Ndi cakuti waweluluka kunondi, ndakuwezya ku mulimo wakuntumikila. Ndi cakuti walanda vyampomvu, ivisi vyasilesile, lyene ulaya wa mulomo wane. Antu yaa yalaweluluka kunuli, lelo wemo citalinzile ukuya kunoyali.

Ezekelo 44:11

Lelo kwene yangaomba umulimo uwamu Ng'anda yane ikulu uwakusunga impongolo nu kuombako imilimo yuze. Yangafyula inyama zino antu yakuleta apakuzituula impolelwa yakoca, ni zyakutuula impolelwa yakupapatila antu nupya yali nu kuya pa milimo yakuombela antu.

Ezekelo 44:15

Lelo yasimapepo mu ina Levi, ana yakwe Zadoki, yano yaombanga umulimo wane mu Ng'anda yane ikulu, lino aina Izlaeli yamfutatile nu kuntaluka ukutali, ali yano yali nu kumpalamila pa kuntumikila. Yamaimililanga pa cinso cane nu kuntuula amafuta nu wazi.

Hagai 1:1

Mu mwaka wakwe ciili uwa kuteeka kwakwe Dalyusi, apa wanda uwakutandika uwa mwezi wakwe mutanda, amazwi yakwe Yawe yafikiile kuli kasema Hagai. Amazwi yali akunena Zelubabeli, umwana umonsi wakwe Syeatieli, umulasi waku mpanga yaku Yuda. Nga alino nakuli Yoswa, umwana umonsi wakwe Yeozadaki, Simapepo Mukulu.

Hagai 1:12

Papo kwene ali pano Zelubabeli umwana umonsi wakwe Syeatieli, Yoswa umwana umonsi wakwe Yeozadaki, simapepo mukalamba, alino na antu yonsi awelulwike uku uzya iyacitila ndi muno Yawe wayapelile ilamulo. Nga antu yonsi iyuvwila malamulo yano Hagai, kasema wakwe Yawe, watungulwile, nga yuvwa intete izikalamba cuze.

Hagai 2:4

Lelo nanti cingaya vivyo kwene ne Yawe nkuti, uposye mwine Zelubabeli, uposye mwine Yoswa we mwana monsi wakwe Yeozadaki, we simapepo mukalamba, muposye mwe antu mwensi kwene, mwe ikazi amu mpanga. Acino tandikini umulimo pano nene ne Yawe namayanga namwe lyonsi pe.

Zakaliya 1:13

Acino Yawe avwanga amazwi ya luse nupya akutekezya ku mungeli wiyo wino wavwangine na aliwe.

Zakaliya 1:19

Alino inuzya umungeli uwalandanga kunondi, inti, “Uzye impembe zii zyalola mwi?” Nga nawe aasuka ati, “Zii zili mpembe izyasalanginye antu aku Yuda, aku Izlaeli na aku Yelusalemu.”

Zakaliya 1:9

Alino nani imuzya inti, “Musambazi, uzye imfwalasi zii calola mwi?” Umungeli wilya nawe aasuka ati, “Namakulondolwela muno calola.”

Zakaliya 2:3

Lyene umungeli wilya wino walandanga kunondi ansya, nga umungeli muze aiza ku kumukomenkanya.

Zakaliya 3:8

“ ‘Caleka uvwa kunondi, we Yoswa. Wemo wewe Simapepo Mukulu, alino namwe mwe yasimapepo yauze uvwini kunondi. Mwemo mwemwe cimanyililo icakumanyila ivilaya kweneko. Mu cumi indi nu kusokolola umuomvi wane akaamwa ukuti Musambo.

Zakaliya 4:14

Umungeli nawe ati, “Antu yaa yaili ali yano Yawe umweneco wa nsi yonsi wapaka amafuta nu kuipaatwila pakuti awino yaombela.”

Zakaliya 6:11

Ukaye ukatole siluva na zaabu vino yatuuzile, ukapangemo icilongwe ca wene cakuzwika Simapepo Mukulu Yoswa umwana wakwe Yeozadaki.

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Luka 22:31

“Simoni, Simoni! Lola Ciwa watazumiliziwa na Leza kuti amweele mwensi, wakwe vino antu yakaela ingano.

Malango 10:8

Pa nsita kwene iya Yawe wapaatwile amu mutundu wakwe Levi kuti yangaya yakasenda ya Mbokosi ya Upangano yakwe Yawe. Nu kuti yaimilila inkolelo yakwe Yawe nu kumutumikila, yala yakutaka upolelelo umwi zina lyakwe, wakwe vino yakacita na pilelo kwene.

Malango 18:15

“Yawe Leza winu alamutumila kasema akoline nani ukufuma mu antu inu kwene, nga namwe mulinzile mwamuyela.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

1 Samueli 6:20

Acino aonsi aku Beti Syemesyi iyuzya iyati, “Uzye aweni angimilila pa manso yakwe Yawe, Leza kwene wi uwamuzilo? Uzye akuli weni kuno tumatuma Mbokosi ya Upangano, pakuti afuntuke kunotuli?”