Zakaliya 2:9 - Amazwi Yakwe Leza 2013

⁹ “Ne Yawe ndapezya antu yayo, nga lyene yalamusampa ivyuma kuli yao atatazile iyaya azya kuno muli.” Lino cico cilacitika, alino lyene umuntu ali wensi alamanya ukuti Yawe Wamaka yonsi aliwe wantuma.

Zakaliya 2:9 ပူးပေါင်းရင်းမြစ်များ

Ezaya 10:32

Lelo uwilelo umwanisi awiyo aimi uku Nobu, watatumpula ikasa lyakwe apa kuzanza antu aku Mwamba wa Zioni, umulundu uwamu Yelusalemu.

Ezaya 11:15

Yawe alakamya nu mupunda wakuli yemba waku Eguputo, nu kuleta umuza ukaye uwaku kamya uluzi lwa Yufulate, nga nu kusya sile utunguzi cinimbali, tuno umuntu ali wensi angalamba.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Ezaya 13:2

Apa mwamba usenguke, papunge imendela! Pundini izwi ilikalawane uku vita, muyakapizye uku minwe, yize uku mpongolo zya asambazi, yayazanze.

Ezaya 14:2

Imitundu iingi ilayazwilizya umu kuyakusizya umu mpanga yao, ino Yawe wayapile. Amu mutundu wakwe Izlaeli alio yalateeka ainamasi wa azya. Yayo atazile yalema aina Izlaeli wa azya, alio yano lyene aina Izlaeli yalayateeka wa azya.

Ezaya 19:16

Mu wanda ulya aina Eguputo yalaya ungati anaci, yalaizakazila sile uku ntete, apakulola Yawe Wamaka yonsi kuno watazunzula ikasa lyakwe apa kuyafulula.

Ezaya 26:1

Mu wanda ulya antu amu mpanga yakwe Yuda yalimbila ulwimbo luu ulwakuti, “Swemo twakwata umusumba wamaka! Apa kutupususya, Leza umweneco aliwe watucingilila ukwi linga lyauko.

Ezaya 33:1

Kalanda kunuli we mononyi wemuno utatala wononwa, kasampa wa vyuma wemuno utatala usampwe. Lino ulamala ukonona, yalakonona. Na lino ulamala ukusampa ivyuma, nawe yalakusampa.

Ezaya 33:21

Ali muno Yawe alatulandila ucindami wakwe. Mulaya wa ncende zya nguzi zisalale nu tunguzi utunono. Amato ya nkafi yatalapita mwenemo, nupya ivyombo ivikulu vitalapita mwenemo.

Ezaya 33:23

Indele zya mawato yao zyaciwelewele, na matanga yano yatwika kweneko yalaposiwa ukuvunguluka, apakukola umuza wakuyasimuzya.

Ezaya 4:5

Alino lyene Yawe aliza aikale apa Mwamba wakwe wa Zioni, nga na pali yayo yonsi aliza yakonganepo. Umusanya alaloleka ungati ikumbi ni cunsi. Usiku alaloleka wa cimbilimbili cino cikulunkuma. Pano vyonsi vilauwa umu ucindami wakwe Yawe.

Ezaya 48:16

“Acino fwandi mwemo palamilini sile kuno, muvwe vino nemo nkuvwanga. Ukutandika sile uku katalili, nemo nkamulandila ivintu apaswe, nupya lyonsi nkaleka vino ndanzile vicitike.” (Lyene Yawe wampeela Umupasi wakwe, nu kuntuma.)

Ezaya 60:18

Ivyongo vya mucuzya vitalaauvwika nupya foo, mu mpanga yako. Nemo ndakulinda nu ku kucingilila wi linga. Umucumi ulandumbanya apa kukupususya.

Ezaya 60:19

“Asi lanzi foo lino lilakukozezya uku macaca. Asi mwezi foo uno ulakukozezya amanda pe. Ala anene kwene ne Yawe, nene sile ndakukozezya pee na pee. Nene sile ne mucindami, anene ndaya uluswepo lwako.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Yelemiya 28:9

Lelo kasema wiyo wino akasema ivyalongo wamanyika ukuti watumwa mu cumi kuli Yawe, lino amazwi yakwe yafikiliziwa.

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Ezekelo 39:10

Yalata ukutiya inkwi umu mpanga nu kuta ukutema imiti umu mitengo pamulandu wakuti yalapemba ivyanzo. Yalapokolola ivyuma kuli yano yayapasile, na kuli yano yayapokololwile ivyuma vyao.” Ivyalanda Yawe Simwandalali.

Yowelo 2:27

Mulamanya ukuti nene nenga indi namwe mwe ina Izlaeli, nu kuti nene indi Yawe Leza winu. Antu yane yatalazewana nupya, awe.”

Habakuku 2:17

Mwakomola imitengo yaku Lebanoni. Lyene namwe muli nu kuputolwa mpaka pansi. Mwakomozile ni nyama zyonsi zyamu mutengo kwene. Lyene inyama izilamoofya. Vii vilamucitikila pano mwemo mwali atazi ya katwe. Nupya mononyile imisumba kumwi na ikazi ya mwenemo.

Habakuku 2:8

Pano wemo wasampa ivingi ukufuma ku mitundu iingi, acino antu alapusuka yaliza yakusampe ivyakwako. Pano wemo wakoma antu aingi nupya wemo onona imisumba yonsi kumwi na antu akaikalamo.

Zefaniya 2:9

Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”

Zefaniya 3:15

Ala Yawe wene watalovya anisi inu, Watalovya yayo yonsi akamucuzya. Yawe uwamuteeka mwemwe mwe ina Izlaeli, ali namwe, fwandi kusi icakuti mwaoopa foo.

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Zakaliya 2:8

Ali wensi uwazanza mwemwe ala wazanza icintu ca mutengo ukulu cuze kunondi.” Acino Yawe Wamaka yonsi uwantumile ku nko zino zyasamfile ivyuma vya antu yakwe kuti nkazinene inti,

Zakaliya 4:9

“Zelubabeli watatandika ukukuula umufula wa Ng'anda kwene ii ikulu, nu kumala ali wino alamala. Lino Ng'anda iyo ilasila, alino antu yane yalasininkizya ukuti fwandi nene Yawe Wamaka yonsi nakutumile kuno yali.

Zakaliya 6:15

“Antu aikala kutali yaliza mukwazwilizya ukukuula cipya cipya Ng'anda ikulu yakwe Yawe. Lino ilasila, alino mulasininkizya ukuti fwandi Yawe Wamaka yonsi aliwe wantumile ne Zakaliya kunomuli. Ni cintu cico cilacitika kuno muli ndi mwalondela ningo vino Yawe wamukonkomezyanga.”

Zakaliya 9:15

Yawe Wamaka yonsi alacingilila antu yakwe, nayo yalakomola anisi yao. Mu nkondo antu yakwe yalapunda wa antu ati yakoleka uwengwa, yalazwisya uwazi wa anisi yao, uno ulaazwa kwati uwazi wa mpolelwa uno yitulwila mu lweso pa kavuwa ka mpolelwa.

Yoane 13:19

Ndakai namunena cii na lino citali cicitike, kuti lino cilacitika, muce mutaile vino ‘Nene ali Nene kwene.’

Yoane 16:4

Lelo nati munena cii, kuti lino insita iliza yakuti antu yacite vintu vii, muliusya vino namunenyile. “Ntamunenyile vintu vii kufuma lino natandike kuomba.