Zakaliya 2:8 - Amazwi Yakwe Leza 2013

⁸ Ali wensi uwazanza mwemwe ala wazanza icintu ca mutengo ukulu cuze kunondi.” Acino Yawe Wamaka yonsi uwantumile ku nko zino zyasamfile ivyuma vya antu yakwe kuti nkazinene inti,

Zakaliya 2:8 ပူးပေါင်းရင်းမြစ်များ

Utandiko 20:6

Mu ciloto kwene Leza amunena ati, “Endi, nimanya ukuti wamanyile ukuti usi mulandu acino nakucinkula kuti utiifya kunondi pa kwingila ng'anda na Sala.

2 Yamwene 24:2

Yawe ali pakutumila Yeoyakimu ivita vya nkondo ukufuma uku Babiloni, uku Asilya, uku Moabu, pamwi ni vya ina Amoni, apakuti viye vikonone impanga ya Yuda, wakwe muno yakasema, aomvi yamwene yalandile ukuti ali muno Yawe alacitila.

Masamu 17:8

Unsunge wakwe vino ungacingilila nyinalinso uwi linso lyako, umfise mu cisao ca mapa yako,

Mapinda 7:2

Uwalondela amalamulo yane, ngu wapita ulumi. Uwawaka amasunde yane ndi vino ungawaka nyinalinso uwi linso lyako.

Ezaya 49:19

“Nanti angala wizile uya wa citalang'anda, wemuno yakutazyezile umwaulamo akantu, ndakai umacepesya cakuti utangasunga aikazi yako. Na yayo akononyile yalayapusizya ukutali nawe.

Yelemiya 12:14

Nupya Yawe avwanga ati, “Nemo indi penepo na vimwi vyakulanda pa lwa antu aipe ainipamba yakwe Izlaeli. Ala antu yayo yonona impanga ino ne mweneco napiile ku antu yane aina Izlaeli. Antu yayo nemo ndayafumya umu mpanga zyao. Yalaya wa muti uno yatukula, alino ndapususya aina Yuda.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Ezekelo 25:12

Yawe Simwandalali anena ati, “Pamulandu wakuti aina Edomu yazanzile aina Yuda uyi uyi nu kuiletelela umulandu aeneco pa cilanduzi cao,

Ezekelo 25:15

Yawe Simwandalali wavwanga wati, “Pamulandu wakuti aina Filisti yailandula pa kucita cilanduzi ni myenzo iyazula umusaalula, pano yezya ukucita uononyi nu lupato, nani fwandi nkanjalovye.

Ezekelo 26:2

“We mwana wa muntu, antu amu musumba wa Tuli yakalaizya ni nsansa yati, ‘Eya! Umusumba wa Yelusalemu uno tukacimvyanya nao ku vyauculuzi watiuongoloka ni mpongolo zyakweo zisile mwanku. Navino Yelusalemu watacimba, awe lyene swemo tumaya akama!’

Ezekelo 26:20

alino ndakusumba kuzimo ukwaya antu yampiti. Ndakusontelela apakwikala mu mpanga ya pansi mu musili, mu lwanga lwa pee, kumwi na aya kuzimo, ali pakuti utakatale uwele nu kwikala pano apa mpanga ya apuma.

Ezekelo 35:5

“Pano wakweti impanzela ya pee, walovizye aina Izlaeli ku lupanga umu nsita ya kucula kwao, mu nsita ya kuluvyanya kwao kwakusyalikizya.

Ezekelo 36:11

Nemo ndavuzya antu, ndavuzya ni viteekwa kwene. Mulavulilako ukuluta vino mwali mpiti, nupya mulakwata na ana avule. Ndaleka muce mwaikala ndi vino mwikalanga mpiti, nupya ndaleka mukaye ni cituku vino citatazile ciye kuno muli apa mpiti. Lyene ali lino mulamanya ukuti nene indi Yawe.

Ezekelo 38:11

Ulalanda ukuti, namakatukila impanga ino itacingililwa, namazanza antu yaa yano yaikalila ku matwi cele, umu misumba ino itakwata amalinga, imilyango nanti mipikilizyo.

Ezekelo 38:14

Icaleka fwandi, we mwana wa muntu, sesemela Gogi, umunene ukuti, Yawe Simwandalali wati, “Mu wanda ulya, lino antu yane yalikala mutende, uzye kwene umu cumi, utalapanga ukukatuka?

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Amosi 1:9

Yawe wavwanga wati, “Pamulandu wakuti aikazi aku Tuli yacili yakutwalilila ukwifya, nemo ntalata ukuyavunuka. Yene yatozile uluko lonsi pyu lwa antu asyalapo, nu kulusenda yalutwala umu uzya ku Edomu, ukwaula kusunga icipangano ca wina cici.

Mika 4:11

Lelo ndakai antu amu nko zivule yatiyakongana kuti yize yamuzanze. Yene yakuti, “Tuini tonone Yelusalemu, mpaka tulole ukuti waya wa citalang'anda!”

Mika 5:6

Yene yalacimvizya aina Asilya ku lupanga, ni mpanga yakwe Nimulodi yalaicimvya umu nkondo. Yene yalatukulula ku ina Asilya, lilyo lino yalingila mu mpanga itu, ku kutuponyezya inkondo.

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

Habakuku 2:17

Mwakomola imitengo yaku Lebanoni. Lyene namwe muli nu kuputolwa mpaka pansi. Mwakomozile ni nyama zyonsi zyamu mutengo kwene. Lyene inyama izilamoofya. Vii vilamucitikila pano mwemo mwali atazi ya katwe. Nupya mononyile imisumba kumwi na ikazi ya mwenemo.

Habakuku 2:8

Pano wemo wasampa ivingi ukufuma ku mitundu iingi, acino antu alapusuka yaliza yakusampe ivyakwako. Pano wemo wakoma antu aingi nupya wemo onona imisumba yonsi kumwi na antu akaikalamo.

Zefaniya 2:8

Yawe akuti, “Natinuvwa intusi zya ina Moabu ni misowe ya ina Amoni, muno yakutuka antu yane na muno yakuyuvwa ukuti yamapoka impanga yao.

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Zakaliya 2:9

“Ne Yawe ndapezya antu yayo, nga lyene yalamusampa ivyuma kuli yao atatazile iyaya azya kuno muli.” Lino cico cilacitika, alino lyene umuntu ali wensi alamanya ukuti Yawe Wamaka yonsi aliwe wantuma.

Zakaliya 8:5

Misolo yamu musumba ulya ilazula tupu ance, yakalume na yakaci yayo alacena mwenemo.”

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Mateo 25:45

Mwene alaasuka ati, ‘Cumi namunena, vino consi cino mwakanyile kucitila wenga munono uwamu antu yane, vivyo kwene mwakanyile kucitila nene.’

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Yoane 17:18

Ndi vino wantumile mu nsi, avino nani nayatuma.

Milimo 9:4

Lyene apona pansi auvwa izwi likuti, “Saulo, Saulo! Pacani ukunzunya?”

Malango 32:10

“Wene wayazanyile yakululumba mu lwanga, mu mapoli, mu lwanga uluwatuke nupya mu cimuza ca lukungu. Atandika ukuyacingilila nu kuyasunga ningo, wakwe vino angasunga nyinalinso uwi linso lyakwe.

2 Tesalonika 1:6

Leza alacita cisuma pa kuvunuka yao alaleta macuzi panomuli.

1 Yoane 4:14

Naswe twati tulola, nupya tukupeela umboni vino watumile Mwana wakwe kuti aye ali Katuula wa antu amu nsi.