Zakaliya 2:5 - Amazwi Yakwe Leza 2013

⁵ Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Zakaliya 2:5 ပူးပေါင်းရင်းမြစ်များ

Masamu 125:2

Ndi vino imyamba yazinguluka Yelusalemu, ali vino Yawe nawe amalilizya antu yakwe yaye apakasi, ilelo ni myaka pee.

Masamu 3:3

Lelo we Yawe, wewe cisyangu cane. Wewe uli ucindami wane, wewe ukampamya.

Masamu 46:5

Leza akaikala umu musumba uo uno utalatala uwe, pano wene kumacaca, ala wataiza ku kuucingilila.

Masamu 48:12

Tantamini imilongo, muzinguluke umusumba wa Zioni mufume mukupenda amalinga yakweo.

Masamu 48:3

Leza watailanga ukuti aliwe amuno antu yakwe yakazina, umukasi ki linga lya musumba wakwe.

Masamu 85:9

Cumi kwene, wene akalonda ukupususya yayo akamoopa, alino lyene nu lulumbi lwakwe luloleke umu mpanga itu.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Ezaya 31:9

Umwene wao alapuuka, uku kuizakazila sile umweneco, uku ntete kumwi na yamusika yakwe kwene. Nayo kwene yaluutuka inkondo, yalasya ivita vyao ivya nkondo,” ivyalanda ne Yawe, nemuno yakapepa mu Yelusalemu, na wino mapepo yaya mu Zioni muno yakaocela impolelwa.

Ezaya 32:18

Umu mpanga ya antu yakwe Leza mulaya ulongo ni cituku, na antu yakwe nayo kwene yatalalola nanti cimwi ica kuyasakamika.

Ezaya 33:21

Ali muno Yawe alatulandila ucindami wakwe. Mulaya wa ncende zya nguzi zisalale nu tunguzi utunono. Amato ya nkafi yatalapita mwenemo, nupya ivyombo ivikulu vitalapita mwenemo.

Ezaya 4:5

Alino lyene Yawe aliza aikale apa Mwamba wakwe wa Zioni, nga na pali yayo yonsi aliza yakonganepo. Umusanya alaloleka ungati ikumbi ni cunsi. Usiku alaloleka wa cimbilimbili cino cikulunkuma. Pano vyonsi vilauwa umu ucindami wakwe Yawe.

Yelemiya 31:39

Nu mwando wakupimilako ulalungama ku kamwamba ka Galebu ukusenukila ku Gowa.

Ezekelo 38:14

Icaleka fwandi, we mwana wa muntu, sesemela Gogi, umunene ukuti, Yawe Simwandalali wati, “Mu wanda ulya, lino antu yane yalikala mutende, uzye kwene umu cumi, utalapanga ukukatuka?

Ezekelo 42:20

Lyene ali pakupima lung'umba ulwacingilila imbali zyonsi ukuzinguluka, azana nu kuti muli amamita 250 mu wipi. Icali cakupatukanya vyamuzilo ni vyasilesile.

Ezekelo 47:3

Alino umuntu wiyo uwali nu mwando wakupimilako umu minwe yakwe, apima na mamita imyanda isano kutentemukila kuno kaluzi kakonkolokonga. Ali pakundamvya uluzi na manzi yamfika mu tunkulungu.

Zakaliya 1:16

“Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Zakaliya 2:10

Yawe wavwanga wati, “Umilini tupundu nu kusansamuka mwe ina Yelusalemu, pasi pano niza umu kwikala pakasi kinu!”

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Zakaliya 9:14

Lyene Yawe alalolekela lwa papela pa antu yakwe, alaafika inceto ale zikumyantula sile wa nkuwa. Yawe Simwandalali alalizya intandala, nupya alatunkila uku katutu, aliza akupita mu cipunga ukufuma ku kayeya.

Zakaliya 9:8

Ndikala mu pipi ni ng'anda yane nga kalinda, wiyo wino akalesya ntalanganyi. Umwene mukakate atalatala azunye antu yane, pano nemo ndayawaka.

Luka 2:32

Ufyusi wako ukoline wa luswepo ku Akulukuwa luno lulaleta ululumbi ku antu yako aina Izlaeli.”

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.