Zakaliya 2:13 - Amazwi Yakwe Leza 2013

¹³ Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.

Zakaliya 2:13 ပူးပေါင်းရင်းမြစ်များ

2 Milandu 30:27

Yasimapepo na ina Levi yuzizye upolelelo wa mwene Leza Yawe apa antu. Ukwakwe, ukwiyulu, Yawe auvwa amapepo yao nga aasuka.

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Masamu 46:10

Akavwanga ati, “Tiini ukulwa, mumanye ndi vino nene Leza umukulu pa mitundu yonsi pyu, nu mukulu pano nsi yonsi!”

Masamu 68:5

Leza, wiyo akaikala umwi sano lyakwe ilyamuzilo, ali wino akasunga ana asyale, nu kuvwangila yamukamfwilwa.

Masamu 78:65

Nga alino Yawe wazyuka umutulo, kwati umusambazi wino wasantamuka umu tulo, uwala kolike waini.

Ezaya 14:2

Imitundu iingi ilayazwilizya umu kuyakusizya umu mpanga yao, ino Yawe wayapile. Amu mutundu wakwe Izlaeli alio yalateeka ainamasi wa azya. Yayo atazile yalema aina Izlaeli wa azya, alio yano lyene aina Izlaeli yalayateeka wa azya.

Ezaya 19:16

Mu wanda ulya aina Eguputo yalaya ungati anaci, yalaizakazila sile uku ntete, apakulola Yawe Wamaka yonsi kuno watazunzula ikasa lyakwe apa kuyafulula.

Ezaya 41:1

Leza wavwanga wati, “Myalalini, uvwini kuno mwe antu yamu nsi ntali! Zwalilini mutwale imilandu inu ku kupingulwa. Mumaya mukaivwangile mwenga. Aleni fwandi katwapita tuye tukayuvwile umu ulungami.

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 57:5

Amwemwe kwene mwemuno mukucita ivya uwelewele umu miti, imitelebinte nu mu miti yonsi ivumbilikizye. Mwemuno mukaoca ana inu impolelwa umu mikonko nu mu mipokapoka ya mawe.

Ezaya 63:15

Yawe sungala ulolekesye ukufuma ukwiyulu. Lolekesya pano nsi ukufuma ku cifulo cako calulumbi! Uzye ukutusakamala kwako, amaka yako, nu kulonda kwa mwenzo wako vyaya kwi? Ala utaezya ukutwilila!

Yelemiya 25:30

“Wemo we Yelemiya uyasowelele amazwi yaa yonsi nu kuyanena ukuti Yawe wauuza umwiyulu, wapangalansya ni zwi lyakwe lyapapela mu cifulo cakwe icicindamisye, wauzila uluwa lwakwe pa maka nu kupundisya ku antu yakwe apano nsi, kwati ukupundilila kuli yakafena ya matingi.

Habakuku 2:20

Lelo Yawe wene ali umwi Taalu lyakwe ilyamuzilo. Acino lekini umuntu wensi aye cele pa manso yakwe.”

Zefaniya 1:7

Mwikale cele pa manso yakwe Yawe Simwandalali! Pasi pano uwanda wakwe Yawe wati upalama. Yawe wateyanya impolelwa. Wene wapaatula antu yano waama.”

Zefaniya 2:9

Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Zakaliya 4:9

“Zelubabeli watatandika ukukuula umufula wa Ng'anda kwene ii ikulu, nu kumala ali wino alamala. Lino Ng'anda iyo ilasila, alino antu yane yalasininkizya ukuti fwandi nene Yawe Wamaka yonsi nakutumile kuno yali.

Zakaliya 6:15

“Antu aikala kutali yaliza mukwazwilizya ukukuula cipya cipya Ng'anda ikulu yakwe Yawe. Lino ilasila, alino mulasininkizya ukuti fwandi Yawe Wamaka yonsi aliwe wantumile ne Zakaliya kunomuli. Ni cintu cico cilacitika kuno muli ndi mwalondela ningo vino Yawe wamukonkomezyanga.”

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Loma 9:20

Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”

Malango 18:21

“Manye mungayuzya mweisikulu muti, ‘Uzye lyene tungamanya uli ndi cakuti ilandwe lilyo litalandwa na Yawe?’

Malango 18:22

Ndi cakuti vino kasema wiyo wavwanga apaswe mwi zina lyakwe Yawe vitafikiliziwa, ale lyene lisi ilandwe lino Yawe wavwanga. Kasema wiyo waivwangila sile ivyakwe, nga mutakezye kumoopa.”

Malango 26:15

Ala kuko ukwiyulu kuno ukaikala, ku ncende yamuzilo, si ule usumbe amanso yako pa antu yako aina Izlaeli nu kuyapolelela. Si ule upolelele ni mpanga yao kwene iya uzombozi ukulu cuze nupya iivunde, wakwe vino walavile ivikolwe vitu.’