Zakaliya 14:3 - Amazwi Yakwe Leza 2013

³ Lyene Yawe nawe alakatuka, nu kuyalwisya antu yayo, ndi vino wacitanga na pa mpiti.

Zakaliya 14:3 ပူးပေါင်းရင်းမြစ်များ

2 Milandu 20:15

Wene wavwanzile ati, “Uvwini mwe Ayuda mwensi na mwensi mwe ikazi amu Yelusalemu alino nawe kwene mwene Yeosafati vino Yawe akumunena ati, ‘Mutuvwa intete nanti kutovoka pano ulwi uu usi winu. Lelo uwakwe Leza.

Neemiya 4:14

Apacisila cakulola ukuti yacili yakuvwa intete, inkatuka nu kunena asambazi ni ntunguluzi zyao pamwi na antu yauze inti, “Mutoopa anisi yaa. Mwiusye ndi vino Yawe umukulu nupya uwa koopa. Acino lwisizini antu inu, ana inu, aci inu nga na mang'anda inu.”

Ezaya 29:7

Umucumi ivita vya antu amitundu yonsi vino vikawililila umusumba wa Alyeli kumwi ni vyanzo vyao vya nkondo ni viya vyao vyuze ali lino vilongoloka wa ciloto caku tulo.

Yowelo 3:2

indakonganika imitundu ya antu yonsi nu kuyatwala uku Cifoloma ca Yeosafati. Kuku kwene akuno ndayapingula pali vino yacitile antu yane aina Izlaeli. Pasi pano yene yayasalanginye umu nko zyuze nu kwankana impanga yane.

Zefaniya 3:19

Pa nsita ilya ndavunuka yonsi akamuzunya. Ndatuula yayo alemale nu kukonganika yayo asalangana. Ndaleka antu yayatasye nu kuyacindamika, konsi kuno anisi yao yayasausya.

Zakaliya 12:9

Pa nsita iyo ndatandika ukulovya antu amu mitundu yonsi alawilila ku mutundu wakwe Yelusalemu.

Yoswa 10:10

Yawe nawe ayalenga ukupamviwa nu kuzakantika pa manso ya ina Izlaeli, yao ayacimvizye apa kuyakomola cipezya amano ku Gibyoni. Aina Izlaeli nayo iyayacocovya mu museo uwaya ku Beti Holoni nga iyayakomola nzila yonsi ukufika ku Azeka nu ku Makeda.

Yoswa 10:14

Kutatala kwaloleka uwanda wakwe uu ukutandika sile ku mpiti nanti pa manda alondelile kuno Yawe uvwila umuntu. Mucumi Yawe uwalwilanga aina Izlaeli!

Yoswa 10:42

Yoswa wacimvizye yamwene yaa yonsi ni mpanga yao pa nsita ili yonga, pamulandu wakuti Yawe, Leza wa ina Izlaeli walwisizyanga aina Izlaeli.