Zakaliya 14:2 - Amazwi Yakwe Leza 2013

² Ndakonganinka antu amu nko zyonsi kuti yize ku kuzanza umusumba wa Yelusalemu. Yene yalapoka umusumba uo nu kunyenkana ivyaya mwenemo nga nu kulema pa maka anaci aya mwenemo. Citika wa antu amu musumba ulya yalayasenda mu uzya, alasyalapo yene yatalayazinga mu musumba foo.

Zakaliya 14:2 ပူးပေါင်းရင်းမြစ်များ

Ezaya 13:16

Yalalyatola yao ale yakulola ntontonto. Yalasampa ivyuma mu mang'anda, nu kuyembuka na aci yao umu kuyapatikizya.

Ezaya 4:3

Yao yonsi alasyala umu Zioni, aalapusuka umu Yelusalemu, yalaamwa ukuya asuma umu cumi, yonsi yano yalembwa umu antu aumi amu Yelusalemu.

Ezaya 5:26

Yawe watatumpula icimanyililo apa kwama antu ya mutundu wapatali. Akuyalizizya nu muluvi apakuti yize ukufuma mu mpela zya nsi. Awe na cendi, ayayo yakukalauka na pakwiza.

Ezaya 65:18

Mwemo lyonsi mwasansamuka nu kuzanga apa vintu vino nemo namacita. Pano Yelusalemu mupya wino nemo namacita, mulaya sile insansa zituputupu, na antu kwene alaya mwenemo yalaya ansansa zituputupu.

Yelemiya 21:4

kuti yanene Zedekiya ukuti Yawe, Leza wa ina Izlaeli, wavwanga wati, “Zedekiya, namacimvya ivita vyako vino vikulwisya umwene waku Babiloni ni vita vyakwe. Ndakolonganika ivyanzo vya vita vyako apakasi ka musumba.

Yelemiya 34:1

Lino Nebukadineza, umwene waku Babiloni, ni vita vyakwe vyonsi pamwi nu wene wakwe onsi uno watekanga pano nsi, walwisyanga umusumba wa Yelusalemu ni misumba yakweo yamu mbali, izwi lyakwe Yawe lyafikile Yelemiya iliti,

Nyimbo zya ndosya 1:10

Anisi yatiyamupoka ivyuma vyonsi. Wene watailolela nakuno ainamasi yakwingila umu Ng'anda ikulu yakwe Leza, yao yano we Yawe wainda ukwingila muno antu yako yakakongana.

Ezekelo 5:8

Caleka ne Yawe Simwandalali nkuti, nemwisikulu nakusangukila, we Yelusalemu, nupya ndakuputwila imilandu pa manso ya antu amitundu yonsi.

Yowelo 3:2

indakonganika imitundu ya antu yonsi nu kuyatwala uku Cifoloma ca Yeosafati. Kuku kwene akuno ndayapingula pali vino yacitile antu yane aina Izlaeli. Pasi pano yene yayasalanginye umu nko zyuze nu kwankana impanga yane.

Yowelo 3:9

“Umini imbila ii pakasi ka nko zyuze muti, ‘Iteyanyizini ukulwa inkondo, amini ivita vinu vyamaka. Asilika yonsi yapalame, yatandike ukulwa.

Amosi 7:17

Caleka Yawe akuvwanga ati, “Umuci wako alaya cizelele mu musumba kwene uu. Alino ana yako aonsi na anaci kwene yalakomwa mu nkondo. Impanga yako alayankanya nu kuipeela ku antu yauze. Wemo wemwisikulu ulafwila ku mpanga ya antu atamanya Leza. Alino umucumi aina Izlaeli yalasendwa kuku umu uzya, ukutali ni mpanga ya kumwao.”

Zakaliya 12:2

Nemo ndasangula Yelusalemu wa lwako lwakumwelako waini wino akalenga kuti antu ya mitundu yuze iyazinguluka Yelusalemu yapempezyoke. Anisi yayo yalaponya inkondo mu mpanga ya Yuda nga nu musumba wa Yelusalemu.

Zakaliya 12:3

Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.

Zakaliya 12:9

Pa nsita iyo ndatandika ukulovya antu amu mitundu yonsi alawilila ku mutundu wakwe Yelusalemu.

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Mako 13:14

“Lelo lino mulalola ‘Ca winyi ca ononyi’ cimilila pa cifulo cino citalinzile kuyapo.” (Kawelenga ailuke vino ci cikusenula!) Lyene yonsi ali mu Yudeya yakuutukile ku myamba.

Mako 13:19

pano macuzi ya manda yayo yalaya aipisye kuluta yano insi yamanya kufuma ku utandiko lino Leza waumvile insi kufika na ndakai, nupya yatalatala yayeko.

Luka 2:1

Mu manda yalya Agusto kateeka uwaku Loma wapile ilamulo ilyakuti antu yonsi yapendwe.