Zakaliya 13:9 - Amazwi Yakwe Leza 2013

⁹ Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Zakaliya 13:9 ပူးပေါင်းရင်းမြစ်များ

2 Samueli 7:24

Walenga aina Izlaeli kuti yaye antu yako amanda pe, nu kuti nawe uye Leza wao.

Yobo 23:10

Lelo kwene Leza wamanya imipitile yane yonsi. Ndi cakuti angatemwa ukumvukuta umwi lungu, awe cumi angalola sile kuno niza nafuma mpee, wakwe zaabu.

Yobo 28:1

“Akuno yaya imikoti muno antu yakaimba siluva, kwaya kweneko na malungu muno yakaengulwila zaabu.

Masamu 144:15

Walongo wakwe cimwi umutundu uno wasyukila vyonsi vii. Walongo umutundu uno Leza ali Mwene wauko.

Masamu 43:4

Nga alino lyene ndaya nkapalamile nu ku kavuwa kako we Leza, ukwaya insansa zyane nu luzango. Ali kuno ndazangila nu ku kuwanzizya mwi zeze, Leza, we Leza wane!

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Mapinda 17:3

Siluva akaengululwa umu cikopo, zaabu nawe umwi lungu. Lelo Yawe aliwe akaezya imyenzo.

Lwimbo lwakwe Solomoni 2:16

Mukundwe wane wii, ala uwakwane nenga mpo, nani nene wakwakwe, wenga mpo. Akacemela ufyo wakwe mu malula.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Ezaya 48:10

Vivi kwene vino yakaengulula siluva umu moto, ali vino nani kwene namupisya umu macuzi yano yakolana nu moto ukukalipa. Lelo kwene nemo nalola ukuti mwemwe viwelewele sile.

Ezaya 58:9

Lyene mulati ndi mwangama ndaasuka. Mulaapunda izina lyane nani ndaasuka inti, ‘Apano ndi.’ Ndi cakuti mwata ukutwika auzo ikoli, mwata nu kusontana iminwe, mwata nu kulanda ivintu viipe pali alio,

Yelemiya 24:5

“Yawe Leza wa ina Izlaeli wavwanga wati, ‘Ndasakamala antu yakwe Yuda ndi vino nasakamala amasamvu, antu yano yasendwa mu uzya, yano nafumizye mu ncende ino apakuyatuma umu mpanga ya Babiloni.

Yelemiya 30:22

Alino mwemo mulaya umutundu wane nga nani ndaya Leza winu.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 32:38

Alino lyene yalaya umutundu wane, nani ndaya Leza wao.

Yelemiya 9:6

Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.

Ezekelo 11:20

Lyene alino yalayela ivipope vyane nu kuteekela apakuwaka amasunde yane. Yalaya antu yane, nga nani ndaya Leza wao.

Ezekelo 14:11

Alino lyene aina Izlaeli yatalansya nupya foo, nanti ukuikowezya ku maifyo yao yonsi. Yene yalaya antu yane, nga nani ndaya Leza wao. Ivyalanda ne Yawe Simwandalali.”

Ezekelo 20:38

Pali mwemwe kwene ndafumyapo yacisanguka antalamila. Kwene ndayafumya mu mpanga muno yacili yakwikala, lelo ntalayata ukuti yakawelele mu mpanga ya ina Izlaeli foo. Lyene alino mulasininkizya ukuti nene indi Yawe.

Ezekelo 36:28

Mulaikala mu mpanga ino napiile ivikolwe vinu. Mulaya antu yane sile nenga, nga nani ndaya Leza winu.

Ezekelo 37:27

Tulaikalamo pamwi na alio, nupya nemo indaya Leza wao, nayo yalaya antu yane.

Danieli 11:35

Yamwi mu ntunguluzi zizi zyamano yalakomwa, lelo pamulandu wakwe cii antu yalasangululwa. Cintu cii cilatwalilila mpaka ukufika nu kumpelelekezyo, umu nsita ino Leza wasonta.

Danieli 12:10

Antu avule yalasangululwa. Yayo akacita vyaukakasi yatalasangululwa, lelo yalatwalilila ukuya aukakasi. Kusi nanti wenga muli yayo akacita vya ukakasi wino aliiluka, suka sile yayo akwata amano.

Yowelo 2:32

Lyene alino wensi wino alaama pi zina lyakwe Yawe alatuulwa. Pasi pano uku Mwamba wa Zioni nu ku Yelusalemu, na muli yayo yamwi asyala palazanwa yamwi yano Yawe alaama.”

Aina Levi 26:12

Nkaaya namwe. Nene Leza winu namwe mwemwe antu yane.

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.

Milimo 2:21

Lyene alino wensi wino alaama pi zina lya Mwene alatuulwa.’

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

1 Petulo 4:12

Mwe yacuza akundwe, mutazunguka pa kupita mu macuzi aipe apa kweziwa, kwati cintu cimwi cisyacitika camuponela.

Umbwilo 21:7

Wino wensi alacimvya nemo ndaya Leza wakwe nawe alaya umwana wane.

Umbwilo 8:10

Alino mungeli wakwe citatu alizya ntandala yakwe. Lutanda lukulu cuze luno lwakanga kwati inyali nalo lupona kufuma mwiyulu, nga luponela pa ciputulwa conga mu viputulwa vitatu vya nguzi nu tufukoka twa manzi.

Umbwilo 8:11

Lutanda luu, izina lyaluko yakati, “Ukulula.” Ciputulwa conga mu viputulwa vitatu vya manzi caluzile na antu aingi yano amwileko manzi yaa yafwile pano manzi yasenwike yaya alule.

Umbwilo 8:12

Alino mungeli walenga yani alizya ntandala yakwe. Ciputulwa conga ca mu viputulwa vitatu vi lanzi, mwezi ni ntanda vyumwa, cakuti vyene viponzya ciputulwa conga mu viputulwa vitatu vya kuwala kwakwevyo. Lyene kutali luswepo mu ciputulwa conga ca viputulwa vitatu vya musanya nu usiku.

Umbwilo 8:7

Mungeli wakwe conga alizya ntandala yakwe. Alino kwiza imvula ya citalawe nu moto uminkana nu wazi, ipongoloka pano pansi. Lyene ciputulwa conga mu viputulwa vitatu vya nsi cipya, ni ciputulwa conga mu viputulwa vitatu vya miti, nga na mafwa ni sote lisi vyonsi vipya.

Umbwilo 8:8

Alino mungeli wakwe ciili alizya ntandala yakwe. Cintu cimwi cino calolike wa mwamba ukulu cuze uno ukupya cisumbilwa muli yemba. Ciputulwa conga mu viputulwa vitatu vyakwe yemba cisenuka iciya uwazi.

Umbwilo 8:9

Ciputulwa conga ca mu viputulwa vitatu vya viumbwa vyaumi ivya muli yemba naco cifwa, nga ni ciputulwa conga mu viputulwa vitatu vya mato akulu cononwa.