Zakaliya 13:8 - Amazwi Yakwe Leza 2013

⁸ Yawe Wamaka yonsi wavwanga wati, “Alino mu mpanga yonsi apa vipande vitatu vya antu, palakomwa vipande vili. Lelo mulasyala icipande conga.

Zakaliya 13:8 ပူးပေါင်းရင်းမြစ်များ

Ezaya 6:13

Nanti umu mpanga mwasyala umuntu wenga pa antu ikumi lyonga, nawe kwene ndamulovezya kumwi. Wene alasyala sile wa cisiki ca muoko cino yacentula.” (Cisiki cico cilaya wa cimanyililo cakutandikila cipya cipya uku antu yakwe Leza.)

Ezaya 66:24

Apa kufuma mu Zioni, yalasyala yailolele yonga ivyala vya antu yano yantalamila. Ingonyo zino zilayalya zitalatala zifwe foo, nu moto usyazimiwa. Antu yonsi apakuyalolekesya yalazunguka.”

Yelemiya 30:11

Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Ezekelo 20:38

Pali mwemwe kwene ndafumyapo yacisanguka antalamila. Kwene ndayafumya mu mpanga muno yacili yakwikala, lelo ntalayata ukuti yakawelele mu mpanga ya ina Izlaeli foo. Lyene alino mulasininkizya ukuti nene indi Yawe.

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Danieli 9:27

Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”

Amosi 9:10

Yakaifya yonsi amu antu yane yalakomwa umu nkondo, yayo yonsi yano yakati, ‘Uzanzo utalatuponela nanti ukutupalamila.’

Zefaniya 3:12

Lelo nemo ndasyapo sile munuli antu aicefya nupya afuke, yayo akalilila kunondi kuti njazwe.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Mako 13:20

Lelo Mwene ndi atacefizyeko manda yalya, kusi nanti umwi angatuulwa. Lelo pamulandu wa asololwe yakwe, Leza wacefya manda yalya.

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.