Zakaliya 13:7 - Amazwi Yakwe Leza 2013

⁷ Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Zakaliya 13:7 ပူးပေါင်းရင်းမြစ်များ

Masamu 2:2

Yamwene yao yasakatuka, ni ntunguluzi zyao yapangila Yawe, pamwi nu musololwe wakwe.

Ezaya 1:25

Ndamupezya nemo. Ndamwengulula wakwe vino yakaengulula yamunyela umwi lungu nu kufumya ivikwi vyonsi pyu.

Ezaya 27:1

Mu wanda ulya, Yawe alatola ulupanga lwakwe ulukalipisye, nupya alakoma nu kupezya ali luno alapezezya icilyanyi cica ci Leviatani, cino cikanyunkuta apakupita, cino cikaivyonganya nupya cino cikaikala muli yemba.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 47:6

Mwemo mukuti, ‘Iye mwe, we lupanga lwakwe Yawe, ulapuza lilaci? Sungala uswilile mu cituwo cako, nenuka, ikala cele.’

Ezekelo 21:28

“We mwana wa muntu sema amazwi yane. Kafisye amazwi yano ne Yawe Simwandalali nkunena aina Amoni, akatukola intusi aina Izlaeli. Kayanene uti, ‘Ala ulupanga alulo, lukulonda ukusalipa. Lwatilukulumbikilwa ukusalipa, nu kumyantula wa nkuwa.

Ezekelo 21:3

nena impanga yakwe Izlaeli uti, ‘Yawe wavwanga wati lola nakukatukila, namasomola ulupanga lwane mu cituwo, pakukoma umulungami pamwi ni ntalanganyi.

Ezekelo 37:24

Umuomvi wane Davidi aliwe alaya umwene wao. Yonsi kwene yalateekwa kuli kateeka wenga sile. Yalatontela na masunde yane ukwaula untelengu.

Ezekelo 7:6

Awe lyene casila, casililikila sile! Mwemo mwala mwapelelwa.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Zakaliya 11:11

Fwandi pa wanda kwene ulya nu upangano ali kononeka. Yayo akalanga imfwele nu kuzikazya ala nayo yakundolekesya, nu kusininkizya alino lyene yasininkizya ukuti fwandi a Yawe aliwe akunena ukucita vino nkucita.

Zakaliya 11:4

Yawe Leza wane wanenyile wati, “Wemo cemanga imfwele zino yasya yatandike ukukomola.

Zakaliya 11:7

Fwandi yayo akalanga imfwele nu kuzikazya, nemo ne Zakaliya yandemvile incito, nani ali pakuyacemela imfwele zizyo zino yali nu kukoma. Nakweti intuwa ziili, yonga nayamanga inti “Cikuku” ni yuze inti “Kulemana”. Awe nani ali pakuwaka imfwele zizyo.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Mateo 10:42

Na wino wensi alapeela lwako lwa manzi azuke kuli wenga uwamu alondezi yane, pamulandu wakuti wene mulondezi wane, cumi namunena vino Leza atalaposiwa kumulambula.”

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 18:10

“Cenjelini mutezya kuti musule wenga uwamu ana yaa anono. Pano nsita zyonsi angeli yao aakayalinda, yene yakaikala pipi na Tata wino ali mwiyulu. [

Mateo 18:14

Mu musango uli onga kwene, So uwa mwiyulu asyalonda nanti wenga uwamu anono yaa, aponge.

Mateo 26:31

Lyene Yesu nawe ayanena ati, “Usiku kwene uu, mwensi kwene mumamfutatila nu kunsya nenga, pano calembwa cati, ‘Ndakoma kacema nu ufyo wa mfwele ulasalangana.

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Mako 14:27

Yesu nawe ayanena ati, “Mwensi kwene mumamfutatila nu kunsya nenga, pano calembwa cati, ‘Ndakoma kacema, ni mfwele zilasalangana.’

Mako 14:50

Alino alondezi yonsi yutuka yamusya.

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Luka 17:2

Cazipila umuntu wiyo kumunyepelela iwe lyakusiila likulu mu nsingo nu kumusumbila muli yemba, kuluta kuti aleke wenga uwamu ana anono kwifya.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Yoane 10:30

Nemo na Tata twaya wenga.”

Yoane 10:38

Lelo ndi nkuvicita, nanti mutantaile, mulinzile kutaila nanti vicitwa vyane, kuti mumanyile limwi vino Tata nani twaya wenga.”

Yoane 14:1

Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Yoane 16:15

Vintu vyonsi vino Tata wakwata ivyakwane. Acino nati mvwanga vino wene alatola mazwi yane, amunene.

Yoane 16:32

Lolini kasita kakwiza, endi, kati kiza lino mulasalangana, cila muntu alapita ukwakwe nga munsye nenga. Lelo mu cumi nsi nenga, pano Tata ali nani.

Yoane 5:23

pakuti yonsi yacindike Mwana vino yacindika Isi. Wino asyakucindika Mwana, ala asyakucindika ni Isi wino wamutumile.

Yoane 8:58

Yesu aasuka ati, “Cumi namunena vino Abulaamu lino atali ayeko ala nemo akunondi.”

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Loma 4:25

Leza wapile Yesu kuti afwe pamulandu wa maifyo itu, nupya uwamuzyukwile kuti aye nu umi, pakuti atucite kuya aololoke pa manso yakwe.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Filipi 2:6

Nanti angala Wene lyonsi wali muli u Leza, 1lelo atelenginye ukuti angezya kupatikizya kulingana na Leza.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.