Zakaliya 13:2 - Amazwi Yakwe Leza 2013

² “Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Zakaliya 13:2 ပူးပေါင်းရင်းမြစ်များ

1 Yamwene 22:22

“Yawe nawe awuzya ati, ‘Uzye umaya ukamulyombeleke uti uli?’ Mupasi wasuka uti, ‘Namaya nkaleke yakasema yakwe Aabu yaseme vyaufi.’ “Lyene Yawe avwanga ati, ‘Icisuma, fwandi pitanga kamulyombeleke, nawe amaya akuvwe, akazumile.’ ”

Masamu 16:4

Yayo akapamviwa ukupapata tuleza utuluwi, yakailetela sile intazi. Nemo ntalatala nezye ukutuula impolelwa ya wazi nanti ukupepa tuleza twao tuto.

Kufuma 22:13

Ndi citeekwa cico calika ni cilyanyi ca mpanga, kasunga wa citeekwa cico alinzile ukuleta ivyasyalapo kuti viye icisininkizyo. Lyene atangalipa pa citeekwa icati cilika ni cilyanyi ca mpanga.

Kufuma 23:13

Muvwikisye vyonsi vii vino namunena. Mutapepa tuleza tuze, mutalumbula na mazina yatuko.

Ezaya 2:18

Lyene kulaya ali kulowelela kwa tuluwi tonsi.

Ezaya 2:20

Umu wanda ulya antu yalavwintila utuluwi twao, twakwe siluva na zaabu kuli yatunko nu tususu, utuluwi tuno yaipangile ni minwe yao ukuti yangatufukamila.

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Ezekelo 12:24

Pano umu ina Izlaeli mutalaya nupya ivisowelo vyaufi.

Ezekelo 13:23

Lelo ukuya kwene, mutalatala nupya mulole ivilolwa vya uwelewele nanti ukusowela ivyaku nkolelo. Pasi pano ndakulula antu yane ku makasa yinu. Alino mulasininkizya ukuti nene indi Yawe.”

Ezekelo 14:9

“Ndi cakuti kasema yamulyombeleka kuti aseme vyaufi, ala anene ne Yawe natindyombeleka kasema wiyo. Nga ndaomvya amaka yane nu kumupezya apakumufumya pakasi ka antu yane aina Izlaeli.

Ezekelo 30:13

Yawe Simwandalali walanda wati, “Ndonona utuluwi kumwi na maunkolanya aku Memfisi. Kutalatala kuye umwene nupya mu Eguputo. Nupya ndoofya yonsi aikala monsi mu mpanga kwene ilya.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezekelo 36:29

Ndamupususya ku makombezya yonsi. Ndakonkomezya ukuti ingano zikavulisye, apakuti nupya mutace mukaponelwe ni nzala.

Ezekelo 37:23

Yatalaikowezya nupya uku tuluwi foo, nanti ukuikowezya uku vintu vyuze iviipe. Ndayapususya uku misango yao iipe ino yayalenganga ukwifya nu kunsangukila. Ndayazifya nayo yalaya antu yakwane sile, nani ndaya Leza wao.

Ezekelo 43:7

Alanda ati, “We mwana wa muntu, ii ili ncende ya cilimba cane ca wene, nupya apano nkalyata ingazo zyane.

Ezekelo 6:6

Imisumba yonsi yamu Izlaeli ilasanguka vitalang'anda, ni ncende muno yakapepela utuluwi zilononeka, utuvuwa nato tulononeka kumwi nu tuluwi kwene. Tuvuwa twakocelapo ubani tulasandoka na vyonsi vino yapanga navyo vilononekelela kumwi.

Oseya 14:8

Uzye nupya aina Izlaeli yalacita cani nu tuluwi? Anene ndaasuka amapepo yao nu kuyasakamala. Nemo indi wa mulemo umu paini uulembe lyonsi. Nene ndi ntulo ya upolelelo wao onsi.”

Oseya 2:17

Ndamulesya kuti atakatale aezye ukulumbula amazina yakwe Tubaali nupya. Endi, antu yatalatala yame apa mazina yayo.

Oseya 2:19

We Izlaeli ndakutaisya kuti uce uye umuci wane mpaka umuyayaya. Ndakutaisya mu ulungami, mu wololoke, nu mu lukundo nga nu luse.

Mika 2:11

Umuntu umwi uwantumpu ndi wapita konsi konsi afuma akusema vyantumpu ala akuti, ‘Endi, mulakwata waini nu wengwa nyanya,’ kasema wamusango uu awino antu yatemwa!”

Zefaniya 2:11

Yawe alayoofya wakwe cimwi. Wene alonona tuleza twa mpanga ilya. Mitundu yonsi ya antu ilapepa Yawe, cila mutundu ulamupepa mu mpanga yakweo.

Mateo 12:43

“Lino mupasi wankota wafuma mu muntu, ukapitana mu lwanga ala ukulonda cifulo apa kupuza. Lelo ndi utazanyile pamwi,

Mateo 7:15

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

Luka 11:20

Lelo ndi nkafumya mipasi yankota mu maka yakwe Leza, ale lyene Uwene wakwe Leza wati wiza panomuli.

Malango 12:3

Muce momolole utuvuwa twao, mutamole ni viumbili vya mawe, nu kuputola incesi zyakwe Asyela. Muputole nu tuluwi twakwe tuleza twao nu kulovya amazina yatuko mu ncende zizya.

Malango 18:20

Lelo ndi kasema ali wensi camukumba ukwezya kulanda mwi zina lyane lino nemo ntamupeela ilamulo kuti acite cico, wene alinzile akomwe, nga vivyo kwene avino mukacite na kuli kasema akalanda mwi zina lyakwe tuleza tuze.

Yoswa 23:7

Mutaezya ukusakana na antu amu nko zi zyonsi izyasyala pakasi kinu. Mutaezya ukulumbula amazina yakwe tuleza twao nanti ukuomvya amazina yatuko nu mulapo. Mutaezya kufukamila nanti kupepa tuleza tuto.

Umbwilo 18:2

Wene apunda ni zwi likulu ati, “Watawa! Babiloni mukulu watawa! Ndakai wene wataya uwikalo wa mipasi yankota, nupya citotela cakupuzamo mipasi yonsi ikowele ni vyunyi vyonsi vikowele ni vyapatikwa.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.