Zakaliya 12:6 - Amazwi Yakwe Leza 2013

⁶ “Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.

Zakaliya 12:6 ပူးပေါင်းရင်းမြစ်များ

Ezaya 54:3

Pano lyene ulasalanganila ku kayeya nu ku katutu. Umutundu wako ulapokolola imitundu yuze nanti imisumba ino antu yutuka mwenemo.

Ezaya 9:20

Yonsi pyu umu mpanga yakulombola sile utwakuti yangalya. Lelo icakuti inzala isile, awe cene foo! Lyene icisile yakulya nu twana twao!

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Obadiya 1:18

Amu mupanda wakwe Yakobo yalaaka wa moto, na amu mutundu wakwe Yosefu nayo yalaya wa makala ya moto, amu mutundu wakwe Esau yalaya wa mapelele. Yene yalononwa ndi vino umoto ukaonona amapelele.” Avino Yawe wavwanga.

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Zakaliya 1:16

“Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Zakaliya 11:1

Yula ivisasa vyako, we Lebanoni, umoto woca imiti yako imikelide.

Zakaliya 12:5

Alino intunguluzi zya Ayuda zilanenana iziti, ‘Ala swemo a Yawe Leza Wamaka yonsi aliwe akatukomya swe antu yakwe, swemuno twikala mu Yelusalemu.’

Zakaliya 2:12

Nupya nalyuze, Yawe alatengela Yuda ukuya wacuma cakwe mpo, icaya umu mpanga yamuzilo, nga lyene Yelusalemu aliwe alaya umusumba wakwe utemwikwe ukuluta pali yonsi.

Zakaliya 2:4

Umungeli wankolelo wilya anena umuze ati, “Simula ukanene umulumendo wilya wino akweti umwando wakupimilako uti, ‘Mu musumba wa Yelusalemu mulaya antu avule nga ni viteekwa vivule cakuti utalakwata amalinga.’

Zakaliya 9:15

Yawe Wamaka yonsi alacingilila antu yakwe, nayo yalakomola anisi yao. Mu nkondo antu yakwe yalapunda wa antu ati yakoleka uwengwa, yalazwisya uwazi wa anisi yao, uno ulaazwa kwati uwazi wa mpolelwa uno yitulwila mu lweso pa kavuwa ka mpolelwa.

2 Kolinto 6:7

tukalanda ivya cumi nga na maka yakwe Leza yaomba muno tuli. Tukaomvya vyanzo vya wololoke kwi kasa itu lunji ni limani kwene.

Umbwilo 20:9

Yene yapita konsi mu nsi nu kuzinguluka insakwe ya antu yakwe Leza nu musumba uno wene watemwa. Lelo umoto wafumile kwiyulu, uyaponela nu kuyonona.