Zakaliya 12:3 - Amazwi Yakwe Leza 2013

³ Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.

Zakaliya 12:3 ပူးပေါင်းရင်းမြစ်များ

Ezaya 60:12

Ali vino antu ya mitundu yuze yano yalakana ukukuombela yene cazipa yace yasyamilile, yalowelele.

Obadiya 1:18

Amu mupanda wakwe Yakobo yalaaka wa moto, na amu mutundu wakwe Yosefu nayo yalaya wa makala ya moto, amu mutundu wakwe Esau yalaya wa mapelele. Yene yalononwa ndi vino umoto ukaonona amapelele.” Avino Yawe wavwanga.

Mika 5:15

Mu ukali ni cipyu ndacita icilanduzi apa antu amu nko zyonsi yano yatanjezile.”

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Habakuku 2:17

Mwakomola imitengo yaku Lebanoni. Lyene namwe muli nu kuputolwa mpaka pansi. Mwakomozile ni nyama zyonsi zyamu mutengo kwene. Lyene inyama izilamoofya. Vii vilamucitikila pano mwemo mwali atazi ya katwe. Nupya mononyile imisumba kumwi na ikazi ya mwenemo.

Zefaniya 3:19

Pa nsita ilya ndavunuka yonsi akamuzunya. Ndatuula yayo alemale nu kukonganika yayo asalangana. Ndaleka antu yayatasye nu kuyacindamika, konsi kuno anisi yao yayasausya.

Hagai 2:22

Indi nu kuwisya yamwene yonsi amitundu ya inamasi yonsi nga nu kulovya maka yao. Indi nu kuzangawalika amaceleta na akakwelapo yonsi. Indi nu kulovya imfwalasi zizi na akakwelapo yonsi yali nu kukomana.

Zakaliya 12:11

Pa wanda uo umusumba wa Yelusalemu mulaya impooma ikalamba, wakwe iya kwene iyuvwikike mu nyika ya Megido, lino antu yalosizye Hadadi Limoni.

Zakaliya 12:4

Yawe wavwanga wati, “Pa wanda kwene ulya nemo ndapupanya imfwalasi ili yonsi nu kupenya yayo yonsi alakwela penepo. Ayuda ndayawaka, lelo imfwalasi zya anisi yao zyene ndazipafuzya amanso.

Zakaliya 12:6

“Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Zakaliya 14:13

Wanda uwa kwene Yawe alayaletela intete izikalamba, cakuti cila muntu alalema umuze ikasa pakuti yalwe.

Zakaliya 14:6

Kutalaya impepo nanti sile icifutika pa wanda uwo, nupya kutala ukwila.

Mateo 21:44

Wino wensi alaponela piwe lili wene alavuneka, lelo wino wensi wino iwe lili lilaponela wene alavungolwa.]

Luka 20:18

Wensi wino alaponela piwe lili, wene alavunolwa, Lelo wino wensi wino iwe lili lilaponela, wene alavungolwa.”

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.