Zakaliya 12:2 - Amazwi Yakwe Leza 2013

² Nemo ndasangula Yelusalemu wa lwako lwakumwelako waini wino akalenga kuti antu ya mitundu yuze iyazinguluka Yelusalemu yapempezyoke. Anisi yayo yalaponya inkondo mu mpanga ya Yuda nga nu musumba wa Yelusalemu.

Zakaliya 12:2 ပူးပေါင်းရင်းမြစ်များ

Masamu 75:8

Yawe alemile ulwako mu minwe, uluzilemo waini umukali wakwe cimwi, wino akutambikizya uku antu yonsi apanonsi. Aipe yonsi yali nukumwa tonsi pyu, yafipilile nu twakusyalikizya.

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Yelemiya 25:15

Yawe, Leza wa ina Izlaeli wanenyile ati, “Toola mu minwe yane ulwako lwakwe waini umwesye imitundu yonsi ino ndakutuma kweneko.

Yelemiya 25:17

Fwandi nani ali pakutoola ulwako ku minwe yakwe Yawe nu kumwesya imitundu yonsi ino Yawe wantumile kweneko.

Yelemiya 49:12

Vii ivyalanda Yawe, wati, “Yano yasi nu kumwa mu lwako, yali nu kumwa lyene. Uzye wemo wati wewe ungasyala kwaula kuvunukwa? Utalatala uleuke ukali foo, nawe kwene suka sile ukaumwe.

Yelemiya 51:57

Asambazi yakwe namayamwesya ivyakuti yakoleke, kumwi na alasi yakwe, yamusika yakwe ni vita vyakwe kwene. Yalapona mu tulo twa muyayaya, yatalatala yazyuke nupya. Ivyalanda ne Mwene wino izina lyakwe a Yawe. Izina lyane anene Yawe Wamaka yonsi.”

Yelemiya 51:7

Babiloni wali wa cikombe cakwe zaabu umu minwe yakwe Yawe. Wene walenzile nu kuti insi yonsi imwe ikoleke, pano imitundu yonsi yamwanga waini wakwe nu kupena ipena.

Yelemiya 8:14

Antu yakwe Leza yuzya yati, “Uzye pacani cino twikala ukwaula kucita cimwi? Konganini, tulungame ku misumba ya malinga, akuno tukafwile. Pano Yawe Leza witu akulonda kutulovya nu kutumwesya amanzi yausungu, pamulandu wakuti twifya kunoli.

Habakuku 2:16

Mwemwe lyene mulasauka mucifulo cakucindama. Mwemwe mulamwa nu kupempezyoka. Yawe alamusunda cakuti mulamwela ku cisengo, nga nu kucindama kwinu kulasanguka ukusauka.

Zakaliya 14:14

Antu aku Yuda nayo yalalwa inkondo na aku Yelusalemu. Ivyuma vyonsi vya mitundu yonsi iyazinguluka yalavikolonganika pamwi, zaabu, siluva, ni nsalu, ivivule wakwe cimwi.

Zakaliya 14:2

Ndakonganinka antu amu nko zyonsi kuti yize ku kuzanza umusumba wa Yelusalemu. Yene yalapoka umusumba uo nu kunyenkana ivyaya mwenemo nga nu kulema pa maka anaci aya mwenemo. Citika wa antu amu musumba ulya yalayasenda mu uzya, alasyalapo yene yatalayazinga mu musumba foo.

Umbwilo 14:10

wene alamwa waini wa ukali wakwe Leza. Waini wa cipyu cakwe wino wapongolwela mu lwako ulwa ukali wakwe ukwaula kucefiwa maka. Wene alasumbwa nu kupya mu moto na maluti pa manso ya angeli yakwe Leza nu Mwana wa Mfwele. Wene alasumbwa mu moto na maluti pa manso ya angeli amuzilo nu Mwana wa Mfwele.

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.

Umbwilo 18:6

Mucitilini vivyo kwene vino wamucitile. Muwezezyini maila yaili pali vyonsi vino wacisile. Zuzyini lwako lwakwe ni vyakumwa vikali maila yaili kuluta vyakumwa vino wamuteyanyizizye.