Zakaliya 12:1 - Amazwi Yakwe Leza 2013

¹ Ii imbila ya mazwi yakwe Yawe akumile Izlaeli. Yawe, wiyo uwanzika amayulu, uwaumba insi, aliwe akapeela umi ku muntu. Wene wavwanga wati,

Zakaliya 12:1 ပူးပေါင်းရင်းမြစ်များ

Utandiko 1:8

Nga Leza atemela ulwelele ati, “Iyulu.” Nga kuya manguzi na katondo, uu wali uwanda wakwe ciili.

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Yobo 26:7

Leza wanza iyulu umu lwelele, ilya kwikasa lilunji. Waning'inya impanga umu lwelele.

Yobo 37:18

Uzye kwene wewe ungatala uwazwe Leza ukukonzolola uluwanzi lwa mwiyulu apakuti lwaloleka wa cilolwa icengululwe uku cela?

Masamu 104:2

Wemo waya mu luswepo. Watangalalika ni yulu wi taalu,

Masamu 134:3

Si Yawe, amupolelele ukufuma uku Zioni! Wiyo uwacisile iyulu ni nsi.

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

Ezaya 40:12

Uzye aweni wino watala wapima amanzi yamuli yemba api kufi lyakwe, nanti ukupima iyulu ku cizanza cakwe? Uzye kwatala kuloleka umuntu wakuti atoole ivu umu lupe longa, ilya pano nsi nanti ukupima imyamba ni milundu apa cipimilo?

Ezaya 40:22

Insi yaumvilwe kuli wiyo wino wikala pa cilimba cakwe ica wene, cico icayela apapela ya nsi, nu kusungamila antu pano nsi wa vikwe. Awino wavungulula ulwelele wa nsalu, kwati itaalu umwakuti antu yaikalamo.

Ezaya 42:5

Yawe, Leza, wiyo uwaumvile amayulu nu kuyavungulula, wiyo uwakonzolwile insi na vyonsi ivyafuma mwenemo, nu kupeela umi kuli yonsi akapita mwenemo. Wene wavwanga wati,

Ezaya 44:24

“Yawe, Katuula wako, uwakupanzile umu ndilwa yakwe nyoko, wavwanga wati, ‘Nene indi Yawe, uwapanga ivintu vyonsi. Nene nakonzolwile iyulu, nalino napanzile insi, uzye kwaliko umwi uwakungazwa?

Ezaya 45:12

Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

Ezaya 48:13

Amakasa yane ayano yatungilila insi, nu kwandatila iyulu. Ndi navyama, navyo vikaasuka.

Ezaya 51:13

Uzye limwi mwatimwilila Yawe wino wamupanzile? Wiyo wino wanzika amayulu nu kusimpa insi ii? Uzye pacani cino mungikalila ntetentete amanda yonsi, umukoopa sile ukali wa antu akamucuzya, akalonda ukumulovya?

Ezaya 57:16

“Pano nene napeela antu yane umi. Ali cino fwandi ntalatala njalemanizye, nanti ukuyasokela lyonsi foo.

Yelemiya 10:12

Yawe aliwe wapanzile insi ku maka yakwe, ku mano yakwe waumvile impanga, nu kwanza iyulu ku kucenjela kwakwe.

Yelemiya 30:10

“Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Yelemiya 30:16

Lelo ukuya kwene yayo yano yakukumalila, alio kwene yalasila, na anisi yako yonsi yalasendwa ku uzya. Yano yivile ivyuma nayo yalayiyila ivyuma vyao, na yano yakusamfile nayo yalasampwa.

Yelemiya 38:16

Lelo umwene Zedekiya alapa mu umfisolo kuli Yelemiya ati, “Cumi cumi Leza andye, intakukukoma foo. Ntalakusumba mu makasa ya antu yaa yano yakulonda kukukoma.”

Yelemiya 50:34

Lelo apano naya ne Wamaka, nemuno ningayatuula. Anene nemuno nkaamwa ukuti Yawe Wamaka yonsi. Anene namayatuula, nu kuleka kuti antu yaikalile ku matwi cele. Lelo aina Babiloni yene namayaponyezya sile isyamo.”

Yelemiya 51:15

Yawe aliwe waumba insi uku maka yakwe. Aliwe kwene wasimpa impanga yonsi uku mano yakwe, nu kwanza amayulu ku kucenjela sile kwakwe.

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

Ezekelo 18:4

Pano umupasi wa mukwasi, cisi mulandu ndu monsi nanti umwanaci, yonsi iyakwane. Umuntu akaifya aliwe alafwa.

Yowelo 3:19

“Lelo Eguputo alasyala wa citotela. Edomu nawe alasyala wa lwanga, pamulandu wa nkondo ino yaponyizye apa antu aku Yuda nga na pamulandu wa kuzwisya uwazi uwakaele umu mpanga yao.

Yowelo 3:21

Ndalandwila uwazi wakwe yayo akomwa, nupya ntalelela nu utazi uwo uwakatwe. Nupya ne Yawe ndaikala ku Zioni.”

Zakaliya 9:1

Ii ili mbila ya mazwi yakwe Yawe akuti wene watapingula ukuvunuka impanga ya Hadalaki nga nu musumba wa Damasiko. Pano imusumba yonsi ya ina Alamu iyakwe Yawe, pamwi ndi vino waya ali mweneco wa mitundu yonsi ya ina Izlaeli.

Malaki 1:1

Ii imbila ya mazwi yakwe Yawe yano wavwanzile kuli Malaki kuti anene aina Izlaeli.

Mpendwa 16:22

Lelo Mose na Aaloni yafukama pansi yafupime nga yapunda yati, “Iye we Leza, wewe uli ntendekelo ya umi. Uzye ungasokela iuvi lyonsi lino umuntu wenga umwi uvi wifya?”

Ayebulai 12:9

Akwasi itu yakatusunda, nga naswe tukayacindika. Uzye lyene tutangalusya kutontela Tata uwaku mupasi nga tuye nu umi?