Zakaliya 11:6 - Amazwi Yakwe Leza 2013

⁶ Yawe wavwanga wati, “Lyene nemo ntalatala ntezele aikala nsi. Antu yonsi wenga wenga nemo ndaleka intunguluzi zyao nanti yamwene yao ayano yakayateeke uku kalili. Intunguluzi zizyo zilonona impanga, nani ntalayapususya kuno yali, awe.”

Zakaliya 11:6 ပူးပေါင်းရင်းမြစ်များ

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Ezaya 3:5

Antu yalacuzyanya, umwina nu mwina, umwinipamba wenga nu muze. Ana yanono yalakatukila aikolo. Iviwelewele vya antu vilasangukila yasimucindikwa.

Yelemiya 13:14

Lyene ndatola yaisi na ana yao nkayapumanye wa nkolo. Nemo ntalayuvwila nu luse foo. Ntaluvwa ulanda nanti sile uluse. Ndayalovya pyu.’ ”

Nyimbo zya ndosya 2:21

Akote na ance ayaya yatuzi mu miseo, yatiyafwa. Anisi yatiyakomola alumendo na akazyana ku malupanga. Awewe wayakomozile ukwaula nu luse, uwanda uno wasosile ukali ukali.

Nyimbo zya ndosya 5:8

Azya ayano yakututeeka, nga kusi nanti umwi uwa kututuula kunoyali.

Ezekelo 8:18

Caleka yalalola apapelela icipyu cane. Ntalayapanya foo, nupya citalambaya foo. Yalezya uku mpapata wakwe cimwi, lelo nemo ntalayuvwa foo.”

Ezekelo 9:10

Caleka nani ne Leza insikusya nanti wenga, nsikutezela umuntu foo. Nemo namayacita sile ukulingana na vino yene yacita auze.”

Oseya 1:6

Gomeli nupya kwene asenda indilwa nga aca avyala umwana umwanaci. Lyene Yawe anena Oseya ati, “Umutemele izina uti, ‘Atatemwikwa,’ pano aina Izlaeli ntalayatemwa nupya nanti ukuyelela amaifyo yao.

Oseya 2:10

Caleka ndakai namamusya tupu pa manso ya akambwe yakwe. Kusi umuntu nanti wenga alamufumya mu makasa yane.

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Mika 6:14

Mumalyanga lelo ukwaula ukwikuta. Mumauvwanga inzala lyonsi. Mumakoozya vintu lelo vitalasungwa. Pamulandu wakuti vintu vino mulasunga vilononwa umu nkondo.

Hagai 2:22

Indi nu kuwisya yamwene yonsi amitundu ya inamasi yonsi nga nu kulovya maka yao. Indi nu kuzangawalika amaceleta na akakwelapo yonsi. Indi nu kulovya imfwalasi zizi na akakwelapo yonsi yali nu kukomana.

Zakaliya 11:14

Ali pakufuma ni ntuwa yane yakwe ciili, Kulemana, nga nayo injikontola paili pakonona kulemana kwa Ayuda na ina Izlaeli.

Zakaliya 11:5

Aeneco ya mfwele yasya yazikome ukwaula ukupelwa umulandu, yasya yazikazye, nu kuvwanga ala yakuvwanga yakuti, ‘Leza twakutaizya, pano lyene twaya akama! Na yayo kwene akazicema yasikutala yazitezele foo.’ ”

Zakaliya 11:9

Alino namanena imfwele inti, “Lyene mwemo nsikumusunganga foo nupya. Mwemuno yali nu kukoma, kayamukome sile. Mwemuno yali nu kulovya, kayamulowe sile. Mwemuno mulasyala penepo, kamuce mwakomana sile mwenga.”

Zakaliya 14:13

Wanda uwa kwene Yawe alayaletela intete izikalamba, cakuti cila muntu alalema umuze ikasa pakuti yalwe.

Zakaliya 8:10

Lino insita iyo itacili yafika, kutalolekanga umuntu nanti wenga uwakulembwa uku ncito iyo pakuti sile alipilwa penepo, nanti sile ukwazima iciteekwa conga pakuti caombapo nu kulipila umweneco wa citeekwa, foo. Na antu yakuposiwa kuomba imilimo yao pamulandu wakoopa anisi yao, pasi pano anene nasongelekanyanga antu yonsi.

Malaki 4:6

Wene alakundanya yaisi na ana yao, na ana na yaisi. Nga citangaya vivyo ale lyene ndiza nonone impanga inu.”

Mateo 10:21

Antu yalakoopa aina yao aonsi kuti yakomwe. Mu musango uli onga na yaisi yalakoopa ana yao. Ana yalakatukila akwasi yao nu kuyakomisya.

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Mateo 24:10

Pa nsita ilya, aingi yalafutatila utailo, nupya yalakoopana nu kupatana.

Yoane 19:15

Caleka yasanzika mazwi yao yati, “Mukome! Mukome! Atanwe pa lupanda!” Pilato ayauzya ati, “Uzye mukulonda ntane mwene winu pa lupanda?” Yasimapepo akalamba yaasuka yati, “Tutakweti mwene muze suka Kesa!”

1 Tesalonika 2:16

Nupya yakwene yezizye kutulesya kukosola ilandwe ku Akulukuwa, lino lyange liyatungulule ku ufyusi. Ayuda yapitilila mu kwifya. Acino ndakai Leza wasoka nu kuyavunuka.

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.