Zakaliya 11:12 - Amazwi Yakwe Leza 2013

¹² Nani ali pakuyanena inti, “Mwemo ndi mwalola ukuti cati ciyana, lyene ndipilini amalipilo yane. Ndi citailemo, fwandi amalipilo lyene kayaliyali.” Awe nayo ali pakundipila impiya amakumi yatatu zyakwe siluva.

Zakaliya 11:12 ပူးပေါင်းရင်းမြစ်များ

Utandiko 23:16

Lyene Abulaamu azumila nga apima cipimo kulingana vino Efuloni walanzile, nga amupeela pa manso ya ina Hiti impiya imyanda ini izyamutengo wa calo, kulingana ni cipimo icazumiliziwe cino aculuzi yaomvyanga.

Utandiko 37:28

Lino aculuzi aina Midyani iza, aina yakwe yafumya Yosefu mu cifula umutali amanzi nga yamukazya ku ina Isumeli pa mpiya zyakwe siluva ukulingana amakumi yaili, nga nayo yamusenda ku Eguputo.

1 Yamwene 21:2

Wanda umwi Aabu anena Naboti ati, “Umpeele icalo cako ca matingi pakuti amuno nalima mwenemo umusalu, pamulandu wakuti capalamisya kwisano lyane. Nani namakupeela calo cuze icisuma ca matingi. Nanti ndi watemwa inkupeele ulupiya ulungalingana nu mutengo wa calo cako.”

1 Yamwene 5:6

Acino peela ilamulo ku antu yako yaye ku Lebanoni yakansindile imikelide. Antu yane yalaombela pamwi na antu yako. Nani ndalipila antu yako consi cino ulapingula. Ndi vino umanyile, antu yane na antu yako kwene yonsi yatamanyile ivya kusinda imiti wa ina Sidoni.”

2 Milandu 30:4

Fwandi umulandu uo wazanzizye umwene na antu yonsi akongine.

Kufuma 21:32

Cipambasi wiyo ndi wakoma muzya umonsi nanti umwanaci, umweneco wakwe cipambasi wiyo alinzile ukulipa umusambazi wa muzya impiya yakwe siluva kulingana amakumi yatatu, na cipambasi wiyo alinzile kutamwa na mawe mpaka afwe.

Yelemiya 32:9

Fwandi avino nakazile icalo caku Anatoti ku mwinane Hanameli. Namulipila ni mpiya zyakwe siluva ikumi na cinimbali.

Aina Levi 27:4

Muntu wiyo ndi umwanaci, alinzile ukulipa yasiluva amakumi yatatu.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Mateo 26:15

ayauzya ati, “Uzye ndi namukoopela Yesu, mumampela cani?” Alino nao yamupeela impiya makumi yatatu zyakwe siluva.

Mateo 27:10

Yaziomvya ukukala calo cakwe kamata wa nyungu, ndi vino Mwene wanenyile.”

Mateo 27:9

Lyene cifikiliziwa cino Leza wavwanzile kupitila muli kasema Yelemiya cikati, “Yatozile impiya makumi yatatu, mutengo uno aina Izlaeli yazumilizye pali aliwe.

Yoane 13:2

Lyene lino yatali yalye cakulya ca manguzi, Ciwa aingila mu mwenzo wakwe Yuda Iskalyoti, mwana wakwe Simoni, amutunka kuti akoope Yesu.