Zakaliya 11:11 - Amazwi Yakwe Leza 2013

¹¹ Fwandi pa wanda kwene ulya nu upangano ali kononeka. Yayo akalanga imfwele nu kuzikazya ala nayo yakundolekesya, nu kusininkizya alino lyene yasininkizya ukuti fwandi a Yawe aliwe akunena ukucita vino nkucita.

Zakaliya 11:11 ပူးပေါင်းရင်းမြစ်များ

2 Milandu 9:14

ukulunda apa misonko ino aculuzi anono na akalamba yasonkanga. Yamwene aku Alabya na alasi amu mpanga ya Izlaeli, nayo kwene yamuletelanga siluva na zaabu.

Masamu 69:33

Pano umwene, akauvwa alanda nupya asiilila nu ku antu yakwe, yayo aisumba umu milimo yakwe.

Ezaya 14:32

Ale lyene tulaasuka tutuli, uku nkombe zya mutundu wao uo? Tulasuka tuti, ‘Yawe Leza uwasokola Zioni, nga antu yakwe akucuziwa ali muno yalutukila.’”

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.

Ezaya 8:17

Yawe wafisama uku manso ya antu yakwe, amu mupanda wakwe Yakobo. Lelo nemo namutaila nu kulolela awino inkalolela.

Yelemiya 32:8

Awe na cendi ndi muno Yawe wavwangile umwinane Hanameli wizile kunodi mu musolo wakwe yakalinda, wiza wanena kuti inkale icalo cakwe caku Anatoti, pano nene nkweti sile insambu ya kucikala nu kucikombola. Nani ali pakwiluka ukuti uli mulandu ulya uno Yawe wankonkomizye.

Mika 7:7

Lelo nemo namapempukilwa kuli Yawe. Namalolelanga Leza Katuula wane. Leza wane amanguvwa.

Zefaniya 3:12

Lelo nemo ndasyapo sile munuli antu aicefya nupya afuke, yayo akalilila kunondi kuti njazwe.

Luka 19:48

Lelo yatazanyile nzila yakucita cii, pamulandu wakuti insita zyonsi wikalanga na antu ala yakuuvwa kunoli.

Luka 2:25

Ku Yelusalemu kwali umuntu wi zina lyakwe Simeoni. Wiyo wali umololoke nupya wayelanga Leza. Wene walolelanga insita ino Leza angatuula aina Izlaeli, nu Mupasi Wamuzilo wali panoli.

Luka 2:38

Pa nsita kwene lino akwasi yatwazile umwana Yesu mu Ng'anda ikulu yakwe Leza, Ana nawe aiiza ku kupeela intaizyo kuli Leza. Alino alanda pamulandu wa mwana kuli yano yonsi alolelanga kuti Leza akulule amu Yelusalemu.

Luka 23:51

wino atazumilizye mapange nga ni vicitwa vyao. Wene walolelanga kwiza kwa Wene wakwe Leza.

Luka 7:22

Lyene anena nkombe zyakwe Yoane ati, “Pitini, mukanene Yoane vintu vino mwati mulola nu kuuvwa. Mumunene muti mpafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Malango 31:21

Alino lyene amazanzo avule aipisye pamwi na macuzi vilayaponela. Lelo ulwimbo luu luliimbwa nu kuya umboni uwakuyasinila, pamulandu wakuti amu mupanda wao yatalalwilila. Ali vino navikwene natimanya vino yakwelenganya nanti ntacili njingizye mu mpanga ino nalavile nu mulapo ukuyapeela.”

Malango 31:29

Natimanya ukuti pacisila ca mfwa yane antu mulaya yakacita ya nkota nupya mulakana ivintu vino namusambilizya. Nga ukunkolelo amazanzo yalamuponela, pamulandu wakuti mwemo mulacita ivintu ivilalenga ukuti Yawe asoke, vino wene walesya.”